radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ކުސަހިލުން
މ (1) ކުސަ ކެއްކުން (2) މަޖާޒު: ވަކި ނަމެއް ކިޔާ އެއްޗަކަށް ނުވާގޮތަށް ކާއެއްޗެއް ކެއްކުން
ކުސް
ނ (1) ކުޑަކުއްޖަކު ކަމެއް އެދިގެން ކުކުރާލުމަކާއެކީ ތަކުރާރުކޮށްބުނާ ބުނުން (2) ކުކުޅުހައު ބައެއްފަހަރަށް އަނެކައްޗަށް އަންގާން ގޮއްވާ އަޑު
ކުޑަހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަބަނޑޭރި
ނ ކަންގަތި ކޮލީގެ ތެރޭގައި ހިމެނޭ ކޮއްޔެއްގެ ނަން
ކުޑަބޭރުއެރުން
މ (1) ގާތްކޮށްލުން (2) ކައިރިކޮށްލުން މިސާލު: )ހ( އަހަރެން އެގެއާ ކުޑަބޭރު އަރާކަށްވެސް ބޭނުމެއްނޫނެވެ )ށ( އަހަރެން ދުވަހަކުވެސް އޭނާއާ ކުޑަބޭރުވެސް ނާރާނަމެވެ
ކުޑަކަން
ނއނ (1) ބޮޑުކަން މިބަހުގެ އިދިކޮޅު (2) ކޮންމެ މިނަކުން ވެސް އުނިކަން
ކުޑަކުނބު
ނ އެއްކުނބަށްވުރެގިނަ ކުނބުޖަހައިފައި ހުންނަ ފުރާދުއްވާ އުޅަނދު ފަހަރުގައި އެންމެ ކޮޅުފަސްކޮޅުގައި ހުންނަ ކުނބު
ކުޑައިމީސް
ނއ (1) އިހާނެތި (2) ނިކަމެތި
ކުޑަވައިއިނގިލި
ނ އަތްފައިގެ އެންމެ ބޭރުފަރާތުގައި ހުންނަ އިނގިލި
ކުޑަމެދުރިޔާ
ނ މެދުރިޔަލާއި ކުޑަރިޔަލާ ދޭތެރޭގެރިޔާ
ކުޑަފޫޅު
ނ މީހުންނަށް ބަލިޖައްސާ ޚިޔާލީ ދެތްވެއް. މިދެވި ޖައްސާ ބަލީގައި ވާގޮތަކީ ދަހިވެގެން ކާހިތްނުފިލުމެވެ
ކުޑަތަންވުން
މ (1) ކަމެއްވާން ކައިރިވުން (2) ކަމެއްވާން ތައްޔާރުވުން
ކުޑަތާ
ނއ (1) އެންމެގާތް (2) އެންމެއަރިސް
ކުޑަތާމަލާއިކަތުން
ނ މަލާއިކަތުންގެ ތެރެއިން ކަލާނގެ ޙަޟުރަތުގައި އެންމެ އަރިސް މަލާއިކަތުން
ކޫރު
ނ (1) އުނިކަމެއް ލިބުމާއެކު އެޅޭ ހިމަރޮނގު (2) ލޮލުގެ ކުޑަކޮޅުން ކަންފަތާއި ދިމާއަށް ދަމާ އަނދުން ރޮނގު (3) ރޮނގު
ކޫރުން
ނ (1) ގެއްލުމެއްގެ ގޮތުން އެޅޭ ރޮނގު (2) މަޖާޒު: އައިބު
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ
ކޫސްކިޔުން
މ މަޑުމަޑުގޮތަކަށް އަޑެއް އިއްވައިލުން. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ
ކޫޒީ
ނ ބަކަރީގައި ތައްޔާރުކުރާ ކެއުމެއް. މިއީ ބަކަރި ކަތިލައި ނޮޅައިފައި ބަނޑުތެރޭގައި އޮންނަގޮހޮރު ނަގައި ސާފުކޮށްފައި ބަނޑުތެރެއަށް ބަތްއަޅައި ބިރިޔާންކޮށްފައި ހުންނަކާނާއެކެވެ