radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ޒައްގޫމުގަސް
ނ ޒައްގޫމު އަޅާގަސް މިއީ ތިރިކޮށްހެދޭ ކަށިހުންނަ ގަހެކެވެ މި ގަހުގެ މާ ވައްތަރުވާނީ ހުވަނދުމަލާއެވެ ނަމަވެސް މަލުގެ ކުލައަކީ ރީނދޫކުލައެވެ
ޒަމްޒަމްވަޅުކޮޅު
ނ މައްކާގެ ޙަރަމްފުޅު ތެރޭގައި ހުންނަ ޚާއްޞަވަޅުކޮޅެއް މިއީ އިސްމާޢީލުގެފާނަށް ފެންފޮދު ދެއްވުމަށް މާތްﷲ އެކަލޭގެފާނުގެ ފައިންޕުޅު ދަށުން ނެރުއްވިފެން އާރެކެވެ
ޒީނާރު
ނ ހެދިކާއެއް. މިއީ ހިމުންކޮށް ހަނޑޫފުނޑައި ކާށިކިރުގައި ލޮނުލައިގެން ފުށްގަނޑުގިރައި ބޭނުންބޮޑުމިނަކަށް ހުންނަވަރަށް ތާހަށް އަޅައި މަތިޖަހައިގެން ފިހާއެއްޗެއް
ޒީލަ
ނ (1) ތޫލިކޮށް ގަދައަށް އިވޭއަޑެއް ސިފަކުރަން ބޭނުންކުރާ ބަހެއް މިސާލު: ޒީލައަޑު (2) މަޖާޒު: ރުޅި މިސާލު: އެއީ ވަރަށް ޒީލަގަދަ މީހެކެވެ
ޒުހުލު
ނ ގުރަހައިގެ ހަވަނަތަރި )އިރުންފެށިގެން ދުރަށް( މިއީ ގުރަހައިގެ ތަރިތަކުގެ ތެރެއިން އެންމެބޮޑު ތަރިއެވެ
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޒުލްޙިއްޖާ
ނ (1) ހިޖްރީކަލަންޑަރުގެ ބާރަވަނަމަސް (2) ޙައްޖުމަސް (3) ބޮޑުއީދުމަސް
ޒޫން
ނ އަޑެއްގެ ނަން މިއީ އެއްޗެއް ވައިކަފައިލައިފައިދާއިރު އިވޭ އަޑެވެ
ޓައީއެޅުން
މ ޓައީ އެލުވުން
ޓަފުފުޅި
ނ (1) ފަނަރަ ސިކުންތަށް ހަދައިފައި ހުންނަ ވަގުތުފުޅި މިއީ ދެކޮޅަށް ފަލަކޮށް މެދަށް ހިމަކޮށް ދެކޮޅަށްވެސް ހިމުން ހިލަވެލި އޮހޭގޮތަށް ހަދައިފައިވާ އެއްޗެކެވެ (2) ޓަފުނަނު ދޫކުރާއިރު ވަގުތު ބަލާއެއްޗެއް
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެލެޕުރިންޓަރު
ނ މުވާޞަލާތީ ގުޅުންތަކުގައި ބޭނުންކުރާ އާލަތެއް މިއީ ލިބޭ ސިގުނަލްތައް އަކުރުތަކެއްގެ ސިފައިގައި ޓައިޕްކޮށްދޭ މެޝިނެކެވެ
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޔަހޫދީ
ނއ (1) މޫސާގެފާނުގެ ޤައުމަށް ނިސްބަތްވާ (2) އިސްރާއީލަށް ނިސްބަތްވާ (3) މަކަރާއިހީލަތް ހަދައި އުޅޭމީހެއް
ޔަހޫދީން
ނ (1) މޫސާގެފާނުގެ ޤައުމުގެމީހުން (2) އިސްރާއީލުގެ މީހުން (3) މަކަރާއި ހީލަތްހަދާމީހުން
ޔޯޔޯ
ނ ކުޑަކުދިން ކުޅޭއެއްޗެއް މިއީ ވަށްކޮށް ފަތާކޮށްހުންނަ އެއްޗެއްކެވެ މީގެ އަރިމަތީގައި ވަށައިގެން ކަނޑައިފައި ހުންނަތަނަށް އޮޅައިލެވޭގޮތަށް އެތާނގައި ރޮދިފަށެއް ހަރުކޮށްފައި ހުރެއެވެ
ޕިކަޕު
ނ އެއްގަމުގައި ދުއްވާ އިންޖީނުލީ އެއްޗެއް މިއީ އެއްތަނުން އަނެއް ތަނަށް މުދާ އުފުލަން ބޭނުންކުރާ ހަތަރު ފުރޮޅުލީ އެއްޗެކެވެ މީގެ ފަހަތުބައި ހުންނަނީ މުދާއެރުވޭ ގޮތަށް ހަދައިފައެވެ މިއީ ލޯރިއަށްވުރެ ކުޑައެއްޗެކެވެ
ޕުރޮވިޑެންޓް ފަންޑު
ނ މުވައްޒަފުންގެ މުސާރައިން ވަކިޢަދަދަކަށް ފައިސާ ކަނޑައި ހަމައެޢަދަދަށް އެމުވައްޒަފަކު މަސައްކަތްކުރާ ތަނުން ފައިސާ ޖަމާކޮށްދީގެން ހިންގާ ފަންޑު މިއީ މުވައްޒަފުންގެ މުސްތަގްބަލުގެ ފައިދާ އަށްޓަކައި ހިންގާފަންޑެކެވެ
ޕޫރީ
ނ ގޮދަންފުށުގައި ހަދައި ތެއްލައިފައި ހުންނަ ލޮނުހެދިކާއެއް. މިއީ ޕާޕަރާވައްތަރު އެއަށްވުރެ ބޯކޮށް ހުންނަ އެއްޗެކެވެ