radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
މެއްތުން
މ ވަކަ ދަނޑިން ވަކަގަނޑު ދަމާފައި ނުވަތަ ނުދަމާތޮށިބައި ވަކި ކުރުން
މެއްލަ
ނ މަތިވަޑާންގަނޑު ހިފެހެއްޓުމަށްޓަކައި ގައުފޮޅު މަތީގައި ނުވަތަ ގައުފޮޅުމަތީ ވަކަރަށް އިންދާފައި ހުންނަ މުޑި ނުވަތަ ވަކަރު
މެމްބަރު
ނ މެމްބަރު ކޮމެޓީއެއްގައި ނުވަތަ ޖަމާޢަތެއްގައި ހިމެނޭ މީހެއް
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުބިތް
ނ (1) އިހުގެ ގޭގޭގައި މެދުއެތެރެގެއާ ބޭރުގެއާ ދެމެދުގައި ހުންނަ ބިތް (2) ގޭގެ ކޮންމެ ދެބައެއް ވަކި ކުރުމަށްޓަކައި ހުންނަ ފާރު ނުވަތަ ބިތް
މެދުބޭންދުން
މ ދިމާވާ މުސީބާތަކާހުރެ މައުލޫދު ނުވަތަ ޞަލަވާތް ކިޔަން ނަދުރު ބުނެގެން އެކަންކުރާއިރު އެމުސީބާތެއް ޖެހުނުމީހަކު ނުވަތަ ކުއްޖަކު އެޖަމާޢަތުގެ މެދުގައި ބޭންދުން
މެދުކެނޑުން
މ (1) ވިދިވިދިގެން ހިނގަމުން އައިކަމެއް ނުވަތަ ކުރަމުން އައިކަމެއް ނުވެ ވަގުތުކޮޅެއް ނުވަތަ ދުވަސްކޮޅެއް ދިއުން (2) ވަކި އުޞޫލެއްގެ މަތިން ހިނގަމުން އަންނަކަމެއް އެއުޞޫލުން ލަސްވުން
މެދުއެރުވުން
މ ފަންދަމާއިރު ނުވަތަ ގަނޑު ފަންޖަހާއިރު ފަންގަނޑު އެއްވަރަށް ހިފެހެއްޓުމަށްޓަކައި ތަންތަން ކޮޅުން އެއްސުން
މެދުފެލާގަޑަ
ނ )ސ ( އެތެރެގެއަށް ވަންނަން ހުންނަ ދޮރުގެ އޮޅިމަތީގައި އިށީނދެގެން ތިބެވޭގޮތަށް އަޅައިފައި އޮންނަ ފިލާ ނުވަތަ ފިލާގަނޑު
މެދުލުން
މ ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އެއްސުން
މެދުޖެހުން
މ އިރު ހަނދު ތަރި ނުވަތަ ނަކަތް މެދަށްއައުން
މެތުރުން
މ ބައެއްކަހަލަ ފަންޑިތަ ހަދާއިރު އެކިޔަވާ ކިޔެވުމެއްގެ ތެރޭގައި ފެންތަށްޓަކަށް ނުވަތަ އެނޫންވެސް އެއްޗަކަށް ފުމޭ ފުމުން މިގޮތަށް ފުމެމުން ކިޔަވާ ކިޔެވެއްޔަށްވެސް ކިޔަނީ މެތުރުމެވެ
މެޑެލި
ނ އާދަޔާ ޚިލާފު މޮޅުކަމެއް ނުވަތަ ޚިދުމަތެއް ކުރުމުގެ ސަބަބުން ނުވަތަ މަތީ ވަނައެއް ހޯދުމުގެ ސަބަބުން އެކަން ފާހަގަކުރާ ލަޤަބެއްގެ ގޮތުގައިދޭ މަޢުދަނުގެ ފޮއްޗެއް ޢާއްމު ގޮތެއްގައި މިފޮތިހަދައިފައި ހުންނަނީ ބޮޑު ފައިސާ ފޮއްޗެއްގެ ގޮތަށް އެކަމަކާ ގުޅޭ ނިޝާނެއް ކަނޑައި ނަގައި ނުވަތަ ފުއްޕުންލައި ފައެވެ
މެޓާ
ނ ފަނި ނުވަތަ ހަކުރު ކައްކައިހިއްކައިގެން ކުދިކުދިކޮށް ހަދައިފައި ހުންނަ އަގަޔަށް މީރުފޮނި އެއްޗެއް މި ކަރުދާހަށްލައިފައިވެސް ކަރުދާހަށް ނުލައިވެސް ހުރެއެވެ
މެޓްރިކްފާސް
ނ (1) ކޮލެޖަށް ނުވަތަ ޔުނިވަރސިޓީއަށް ވަދެވޭ ފެންވަރު (2) ޖީ ސީ އީ "އޭ" ލެވެލްފާސް
މެޗް
ނ ދެމީހަކު ނުވަތަ ދެބަޔަކު ވާދަޔަށް ކުޅޭ ކުޅުން
މެޝިން
ނ (1) ތަފާތު ބައިތަކެއް ރާވައިގެން ހަދައިފައި ހުންނަ އަމިއްލައަށް ނުވަތަ ޗާބީދީގެން ނުވަތަ ކަރަންޓުން ނުވަތަ ބެޓެރީން އަދި އެނޫންވެސް ހަކަތައަކުން އަމިއްލައަށް ހިނގާ ވަކިވާޖިބެއް އަދާކޮށްދޭ އެއްޗެއް (2) މަޖާޒު: މަޚުލޫޤުން (3) ސަރުކާރު ނުވަތަ ކަމެއްހިންގާ އިދާރާ
މޭހެޔޮކުރުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބިގަތުން (2) ހޮޑުލަވާގޮތް ކުޑަކުރުން (3) މޭނުބައިކަން ކުޑަކުރުން
މޭހެޔޮވުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބުން (2) ހޮޑުލަވާގޮތް ކުޑަވުން (3) މޭނުބައިކަން ކުޑަވުން (4) މަޖާޒު: ކަމަކާ މެދު ގެންފައިވާ ބިރު ކުޑަވުން ނުވަތަ ކެނޑުން
މޭނުބައިކުރުން
މ (1) ކެވޭ އެއްޗެއްގެ ސަބަބުން ނުވަތަ އެތެރެހަށްޓަށް އަންނަ ބަދަލެއްގެ ސަބަބުން ހޮޑުލަވާގޮތްވުން (2) މަޖާޒު: ފޫހިވާގޮތްވުން