radheef.info
ރަދީފު


ލ
އ ތާނައިގެ ސާދަވަނަ އަކުރު (2) އަކުރުފިލި ތާނައިގެ އޮބޮފިލި (3) ދިވެހި ހިސާބުއަކުރުގެ ފަހެއް
ޒާތީޙަސަދަ
ނ ވަކިމީހަކާ ދެމެދު އޮންނަ އަމިއްލަ ޙަސަދަ
ޒާތް
ނ (1) އަމިއްލަ ނަފްސު (2) އަމިއްލަ ނަފްސަށް ނިސްބަތްވާ ސިފަ (3) ބާވަތް (4) ގޮތް
ޒިނޭ
ނ ކައިވަންޏަކާ ނުލައި ހަރާންގޮތުގައިވާ ވަޠީއަ
ޒިނޭކުރުން
މ ކާވެންޏަކާ ނުލައި ހަރާންގޮތުގައި ވަޠީއަވުން
ޒިންކު
ނ އެލްމެނިޔަމްފާޑުގެ މައުދަނެއް
ޒިންމާ
ނ (1) އުފުލަންޖެހޭ މަސްއޫލިއްޔަތު (2) އަދާކުރަންޖެހޭވާޖިބު (3) ކަމެއް ބޮލުގައި އަޅާއެޅުން (4) ޙަވާލުވާ އަމާނަތް
ޒިންމާއުފުލުން
މ މަސްއޫލިައްޔަތު އުފުލުން
ޒިންމާވުން
މ (1) މަސްއޫލުވުން (2) ޙަވާލުވުން (3) ކަމެއްބޮލުގައި އެޅުން
ޒިންމާދާރު
ނ (1) މަސްއޫލުވެރިޔާ (2) ކަމެއްގެ ހަވާލުވެރިޔާ (3) ޒިންމާ އުފުލާމީހާ
ޒިކުރު
ނ މައުލޫދު ކިޔާހެން ޖަމާޢަތެއްގެ މީހުންކިޔާ ޢަރަބިޅެން ބައެއް މިއެކުލެވިގެންވަނީ ޙަމްދު ޞަލަވާތާއި ދުޢާއާއި މަދަޙަތަކުންނެވެ
ޒިކުރުކިޔުން
މ އަރަބި ބަހުން ހަދައިފައި ހުންނަ ޚާއްޞަ ޅެންބައެއް ކިޔުން މި ޅެންތައް ކިޔަނީ މާލޫދު ފަށާގޮތަށް ފަށައިގެން މާލޫދުޅެން ކިޔާ ގޮތަށެވެ
ޒިކުރުކުރުން
މ ހިތާއި ދުލުން މާތްﷲ ހަނދުމަކުރުން
ޒިކުރުވެރިން
ނ (1) އިމާމަކަށް ވެގެން މާލޫދާއި ޒިކުރުލަވަ ފަށައި ހުއްޓުމުގެ ހުއްދަ ސަރުކާރުން ދެއްވައިފައި ތިބޭމީހުން (2) ސަމާތާރަ ޖެހުމާއި އެކަމުގެ ލަވަކިޔާ މީހުންނަށް ކިޔާނަން
ޒިކުރުލަވަ
ނ ޒިކުރު ކުރުމުގައި ކިޔަން ހަދައިފައި ހުންނަލަވަ
ޒިދުގަދަކަން
ނއނ ކުައްލިކުއްލިއަކަށް ރުޅިއައިސް ނުރުހިގަންނަކަން
ޒިލޭބި
ނ ގޮދަންފުށް ގިރައި ފުށްގަނޑު ރާމާކޮށްގެން ހަދާފޮނިކާއެއްޗެއް މިހުންނާނީ އުޅާލި ހުންނަގޮތަށް ވަށްކޮށް ހަދައި ތެއްލައި ހަކުރު ފަންޏަށް ލައިފައެވެ
ޒިޔާރަތް
ނ (1) ނަބީ ރަސޫލު ބޭކަލުންނާއި ވަލީވެރިންނާއި ރަސްރަސް ކަލުންގެ ބިސްތާނު (2) މީހަކާ ބައްދަލުކުރާ ބައްދަލު ކުރުން (3) ތަނަކަށްދާ ދިއުން
ޒިޔާރަތްކުރުން
މ (1) ބައްދަލުކުރުން. (2) ތަނަކަށް ނުވަތަ ރަށަކަށް ނުވަތަ ގެއަކަށް ދިއުން
ޒިޔާރަތްފުޅު
ނ ކީރިތި ރަސޫލާގެ ފަސްދާނު ވަޑުވައިފައި ވާތަނުގައި ކޮށްފައިވާ ޢިމާރާތް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި