radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ބަންދުވުން
މ (1) ހައްޔަރުވުން (2) މަނާވުން (3) ހިނގަހިނގާ ހުރިކަމެއް ނުވަތަ އެއްޗެއް ހުއްޓުން
ބަންދުޚާނު
ނ (1) ޖަލު (2) ހައްޔަރުކުރެވޭ ތަން
ބަންގާޅު އަވެލި
ނ ބަންގާޅުން ގެނެސް އުޅުނު އަވެއްޔެއް މިއަވެލި ބުންބާ އަވެއްޔަށްވުރެ މޮޅުވާނެއެވެ
ބަންގާޅުނެވިން
ނ ބަންޑާރަނެވިން މިއީ އިހުގައި ދައުލަތުގެ ފަރާތުން ބަންގާޅު ދަތުރު ފޮނުއްވާ ވެރިޔާއެވެ
ބަންގާޅުދަތުރު
ނ ސަރުކާރުން އަހަރަކު އެއްފަހަރު ބަންގާޅަށް ކޮށް އުޅުނު ޚާއްޞަ ވިޔަފާރި ދަތުރު
ބަންގިދުވާ
ނ ބަންގިއަށްފަހު ކިޔާ ދުއާ
ބަންގިސަރު
ނ ހުކުރު ދުވަހަށް އިރުއަރައިފިކަން ޔަގީންވުމުން ނާބުސްޚާނުގައި ޖަހާ އުޅުނު ބެރެއް
ބަންޑާރަ ޙަސަނަށް މޫދުހިތަކަށް ލިބުން
(މިސާލުބަހެއް) އެހެން މީހަކަށް ބާރެއް ނުވަތަ ނުފޫޒެއް ނުފޯރުވޭގޮތަށް އެއްޗަކާއިމެދު ނުވަތަ ތަނަކާމެދު ފެންނަގޮތަކަށް ޢަމަލުކުރުމުގެ ބާރާއި އިޚްތިޔާރު މީހަކަށް ލިބުމުން އެކަމަށް ނިސްބަތްކޮށް ބުނެއުޅޭ ބަހެއް. މިއީމަލާމާތުގެ ގޮތުން ބުނެއުޅޭ ބަހެކެވެ.
ބަންޑާރައެދުރު
ނ އިހުގައި ބަންޑާރަ އެދުރުގޭގައި ޤުރުއާން ކިޔަވައި ދިނުމަށް ސަރުކާރުން ލައްވައިފައި ހުންނަ މީހާ
ބަންޑާރައެދުރުގެ
ނ (1) ސަރުކާރުގެ ފަރާތުން ޤުރުއާން ކިޔަވައިދޭގެ (2) ބަންޑާރަ އެދުރުކަން ކުރާމީހާގެ ގެ
ބަންޑާރަދަތުރު
ނ ރަށްފުށުގައި ސަރުކާރުގެ ގޮތުންނާއި ރައްޔަތުންގެ ގޮތުންކުރާ ދަތުރު
ބަންޑާރަދުރޯ
ނ ދުރޯއިން ބަންޑާރަޔަށް ލިބޭބައި. މިއީ ދުރޯއަށް )ޖުރުމަނާއަށް( ނެގޭލާރި ހަތްބައިކޮށްފައި ހަވަރުގެ ހަބަޔަށް ކޮންމެ ބަޔަކަށް 7/1 ބައި މަގުން ނަގައިފައި ހަތްވަނަޔަށް އޮންނަ ބަންޑާރަ ބައެވެ މިލާރިބަހާނީ އަހަރަކު އެއްފަހަރުއެވެ
ބަންޑާރަލިނބޯ
ނ (ގ) ކާޅުދޮންކެޔޮ
ބަންޑާރާނެވިން
ނ ބަންގާޅު ދަތުރުގައި ދައުލަތުގެ ފަރާތުން ފޮނުއްވާ ދަތުރުގެ ވެރިޔާ
ބަރަހަނާ
ނ (1) އޮރިޔާން (2) ހާމަ (3) ނއ ނިވަލެއްނެތް (4) މަޖާޒު: ފަޟީޙަތް
ބަރަހަނާކުރުން
މ (1) އޮރިޔާންކުރުން (2) މަޖާޒު: ފަޟީޙަތްކުރުން
ބަރަހަނާވުން
މ (1) އޮރިޔާންވުން (2) މަޖާޒު: ފަޟީޙަތްވުން
ބަރަބޯ
ނ ތަރުކާރީގެ ބާވަތެއް. ބަރަބޮލަކީ ސިފަޔާއި ބޮޑުމިނާއި ކުލަ ތަފާތުކޮށް ހުންނަ ތަރުކާރީއެކެވެ. ވަށްކޮށް ފަތާކޮށާއި އަދި ވަށްކޮށް ދިގުކޮށްވެސް ހުރެއެވެ. ބަރަބޯ ހުންނަނީ އެކި ބޮޑުމިނުގައެވެ. ބަރަބޮލުގެ ތެރޭގައި ފެހިކުލައިގެ ބަރަބޮލާއި މުށިކުލައިގެ ބަރަބޯހުރެއެވެ. ލައްލައް ޖަހައިފައި ފެހިކުލައިގައި ހުންނަ ބަރަބޮލާއި މަޑުމުށި ކުލައެއްގައި ހުންނަ ބަރަބޯވެސް ހުރެއެވެ. ބަރަބޯވެލަކީ ވަރުގަދަކޮށް ފެތުރިހެދޭ ފަތް ބޮޑެތިކޮށް ވެޔޮގަނޑުގައި ހަރުކެހެރިއެއް ހުންނަ އަދި އިސްފިރޭނުތަކެއްހެން އޮޅިފައި ހުންނަ ނަރުވާތަކެއް ހުންނަ ވެލެކެވެ
ބަރަކާތް
ނ (1) ފައިދާ (2) އިތުރު (3) މާތް (4) ބާއްޖަވެރިވާ ވުން (5) ކާބޯތަކެއްޗާއި ފައިސާގުނާއިރު އެކެއް ކިޔުމުގެ ބަދަލުގައި ކިޔައި އުޅުނުގޮތް
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު