radheef.info
ރަދީފު


ވ
ތާނައިގެ ނުވަވަނަ އަކުރު
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުޅުނބުޖެހުން
މ މަހުން ހުޅުނބު ފިލުވުން
ހުޅުބަލިފެލާ
ނ )ޏ.ސ.( ޗަސްބިމުގައި ހެދޭ ވިނައެއް )މިވިނަގަސް ހެދެނީ ބަދަބަދައަށެވެ. ވެލެއްހެން ހެދޭ މިވިނަގަސް ބިންމަތީ ދުވަމުން ދާއިރު ބަދަވަޅުތަކުން މޫފައިބަމުންދާނެއެވެ މިއީ ވަރަށް އަވަހަށް ހެދޭ އަދި ގިނަވާ ވިނައެކެވެ މިގަސް ބިމުން ލުހެލަން އުޅެފިނަމަ ބަދަވަޅުތަކުން ބިންދަ ބިންދައިގެންދާތީ "ހުޅުބަލިފެލާ" އޭކިޔަނީއެވެ
ހުޅުއެޅުން
މ އެއްރަށަކުން އަނެއްރަށަކަށް އަންގާން އަލިފާންދެއްކުން މިކަން ކޮށްއުޅެނީ ކޮންމެވެސް ބޮޑު ޚަބަރެއް އެންގުމަށެވެ
ހުޅުވައި
ނ (1) ރާއްޖެބަލީގެ ވަޔެއް (2) ދުޅަނުވެ ހުޅުހުޅުގައި ރިހޭ ބައްޔެއް
ހުޅުވުން
މ (1) ލެއްޕިފައިހުރި އެއްޗެއްގެތެރެ ހާމަކޮށްލުން (2) ފޮށިފަދަ ތަކެތީގެ ހުޅުލައި ހަރުކޮށްފައި ހުންނަ މަތި ހާކުރުން (3) ޖެހިފިތިފައި ހުންނަ ދެއެއްޗެއް ފޭކޮށްލުން މިސާލު: )ހ( ކަތުރު ހުޅުވުން )ށ( ޗާކުފިޔޮހި ހުޅުވުން (4) ފިހާރަ މަދުރަސާ މަޢުރަޟް ފަދަތަންތަން ހަދާ ނިމިގެން އެތަންތަން ހިންގާން ފެށުން (5) އޮފީސް ފަދަ ތަންތާގެ މަސައްކަތް ހިނގާން ފެށުން
ހުޅުމެހުން
މ (1) ހުޅުއެރުވުން (2) ހުޅުލެއްވުން
ހުޅުފަނާދިއުން
މ ރޭގަނޑު މަސް ހިފަން ދާއިރު މަސް ގާތަށް ގެނައުމަށްޓަކައި ފަންހުޅިއެއްގައި ރޯކޮށްގެން ނުވަތަ އެހެންވެސް އައްޔެއް ހިފައިގެން މޫދަށް އެރުން
ހުޅުފަން
ނ ރޭގަނޑުގައި ފަޅުން މަސްހިފާމީހާ އޭނާގެ ގާތަށް މަސްގެންނާން ރޯކޮށްގެން ގެންގުޅޭ ފަން ނުވަތަ އެފަދަ ކޮންމެވެސް އައްޔެއް
ހުޅުލާމިޔަރު
ނ )ގ ( ހޫހިމިޔަރު މިއީ ފަޅުމަތީ އުޅޭ ދޮންކުލައިގެ މިޔަރެކެވެ
ހުޅުގަނޑު
ނ ރޯވެގެން އަރާ އަލިފާން މިސާލު: )ހ( ބައްތީގެ ހުޅުގަނޑު )ށ( އުދުނުގެ ހުޅުގަނޑު
ހުކުންލުން
މ ތާސްކުޅޭއިރު ގަދަކޮށްފައިވާ ރަނގައިގެ ގަނޑެއް ޖެހުން
ހުކުރަހަތްދޯހަ
ނ )ލ ( ހުކުރު ހަތްދުވަސް
ހުކުރު
ނ (1) ހުކުރު ހަތްދުވަހުގެ ފުރަތަމަ ދުވަސް (2) ހުކުރުދުވަހު މެންދުރު ވަގުތުގައި ޖަމާޢަތުގައި ކުރާ ފަރުޟު ދެ ރަކުޢަތް ނަމާދު
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުކުރު ހެދުން
ނ (1) ހުކުރަށްދާން އަޅާ ހެދުން (2) މަޖާޒު: އަވަހަށް ބަދަލުވާ ބަދަލުވުމާމެދު ދޭމިސާލެއް މިސާލު: އިރުވައި ވިއްސާރައެކޭ ހުކުރު ހެދުމެކޭ އެއްގޮތެވެ
ހުކުރު ކުރުން
މ (1) އިމާމުވެ ހުކުރުނަމާދު ކުރުން (2) ހުކުރުނަމާދު ކުރުން
ހުކުރު ޚުޠުބާ
ނ ހުކުރުނަމާދުގެ ކުރީގައި އިމާމުމީހާ ހަރުފަތަށްއަރައި ކިއުއްވާ ޚުތުބާ ނުވަތަ އިއްވާ ވަޢުޡާއި ނަސޭހަތް
ހުކުރުހައްޖެއް ލިބުން
މ މަޖާޒު: ކަމެއް ހީނުކުރާހާ މޮޅަށް ފަހިވުން
ހުކުރުނަމާދު
ނ ހުކުރުދުވަހު މެންދުރު ނަމާދުގެ ވަގުތުގައި ޖަމާޢަތުގައި ކުރެވޭ ފަރުޟު ދެރަކުޢަތް ނަމާދު