radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ސިލިންޑަރު
ނ (1) އިންޖީނެއްގެ ފިސްޓަން ލައްވާތަން (2) މަޢުދަނީ އެއްޗަކުން ވައްކޮށް ދިގުކޮށް ހަދައިފައި ހުންނަ އެއްޗެއް މިއީ ގޭސްފަދަ އެއްޗެހި އަޅަން ހަދައިފައި ހުންނަ އެއްޗެކެވެ
ސީތަފާލުގައި ދަނޑިންތެޅުން
މ ގުއި ތަފާލުގައި ދަނޑިން ތެޅުން މިއީ ފައިދާ އެއްނުވާ ކަންތައްކުރާ މީހުންނަށް ބުނެއުޅޭބަހެއް
ސީލު
ނ ކަނޑުގައި އުޅޭ ޖަނަވާރެއް މިއީ ރަށްރަށުގެ ގޮނޑުދޮށަށް އަރައިއުޅޭ އެއްޗެކެވެ މި ނޭވާލަނީ ފެނުން މައްޗަށެވެ
ސީސޯ
ނ މެދަށް އެއްޗެއް ލައްވައި ދެކޮޅަށް ކުދިން އަރައިގެން ކިރޭ ގޮތަށް ބާއްވައިފައިވާ ފިލާ މިއީ ކުޑަކުދީން ކުޅުމަށް ބޭނުންކުރާ އެއްޗެކެވެ
ސުންބުލާ
ނ ރާއްސެއްގެ ނަން މިއީ ހަވަނަ ބުރުޖެވެ
ސުއްކަތުރާކަނޑު
ނ ސުއްކަތުރާ ޖަޒީރާއަށް ނިސްބަތް ކުރެވޭ ކަނޑުއޮޅި މިކަނޑުއޮޅި އޮންނަނީ ޢަރަބި ކަނޑުގެ ތެރޭގައި ބޭ އޮފް ޢަދަނުގެ އަނގަމަތީގައެވެ މިއީ ވަރަށް ގަދަ ކަނޑުއޮޅިއެކެވެ
ސުއްޓާ
ނ ދުންފަތުން ހިމަދިގުކޮށް ވަށްކޮށް އަނބުރައިފައި ހުންނަ އެއްޗެއް މިއީ ދުންފަތުގެ އިސްތިޢުމާލު ކުރާމީހުން ރޯކޮށްގެން ބޯ އެއްޗެކެވެ
ސުވާ
ނ (1) ކުޅޭ ކުޅިވަރެއްގައި ބޭނުން ކުރާ ބޯޅައެއް ކަހަލަ އެއްޗެއް މިއީ ފޮތިން ހަދައިފައި ކައިވަތެއް ހުންނަވަރުގެ ފަށެއް ލައިފައި އޮންނަ ބޯޅައެކެވެ (2) ސުވާ ބޭނުން ކޮށްގެން ކުޅޭ ކުޅިވަރެއް (3) ކާ އެއްޗަކުން އެއްފަހަރާ އަނގަޔަށްލާން އަތުން ނަގާ މިންވަރު (4) )ޏ ( ޓެނިސްބޯޅަވަރުގެ ވައްބޯޅައަކާއި ބަމައެއް ހުންނަ ވަރުގެ އޮނުބުރިއެއް ބޭނުންކޮށްގެން ކުޅޭ ކުޅިވަރެއް މި ކުޅިވަރު ކުޅެނީ ކުޅޭމީހުން ދެބަޔަކަށް ބަހައިލައިގެންނެވެ (5) )ސ ( ފަންވަތުން ވިޔެގެން ކުޅެން ގެންގުޅޭ ބަށި
ސުވޭހުހީނާ
ނ ހީނާފަތުގެ ބާވަތެއް މިއީ އާދައިގެ ހީނާގަހުގެ ފަތަށްވުރެ ފަތް ބޮޑެތިކޮށް ވާކޮށް ހެދޭ ގަހެކެވެ މިގަހުގެ ފަތް ފުނޑައިފައި އެޅިޔަސް ފަތްކުދި ހީނާފަތް އެޅީމާ ރަތްވާވަރަކަށް ރަތެއް ނުވާނެއެވެ
ސުލޭމާނުމުދި
ނ ލިޔުމާއި ކުރެހުމުގެ ތެރޭ ބޭނުންކުރާ ފަސްފިޔަހުންނަ ތަރިއެއް މިއީ ފަންޑިތަވެރި ކަމުގައި ބޭނުންކުރާ ނިޝާނެކެވެ
ސެއްޅި
ނ ކަޅުމުށި ކުލައިގެ ކުޑަކުޑަ ސޫތްޕެއް މީގެ ބޭރުގައި ހުންނަނީ ވަރަށް ހަރު ތޮށިގަނޑެކެވެ މިއީ ފުންމަފުންމައިގެން ދާ އެއްޗެކެވެ
ސެވޫނަރު
ނ ސޫޖީ ކައްކަން ބޭނުންކުރާ އެއްޗެއް މި ހުންނާނީ ހިމަދިގުކޮށް ނަރުފަށްތަކެއް ހެންނެވެ މިއީ ފޮނި ކާއެއްޗެހި ހަދާ އެއްޗެކެވެ
ސޭމުރުޣު
ނ ސާމަރާ ދޫނި ކަހަލަ ބޮޑު ދޫންޏެއް މިއީ ކުރީގެ ވާހަކަ ތަކުގައި އެ ދޫންޏެއްގެ ވާހަކަ ގެނެސްފައިވާ ޚިޔާލީ ދޫންޏެކެވެ
ޑަމްޕަރު
ނ އެއްޗެހި އުފުލުމަށްޓަކައި ކުރީކޮޅު ނަގައި ވެއްޓޭ ގޮތަށް ހަދައިފައި ހުންނަ އެއްޗެއް މިއީ އެއްގަމުގައި ދުއްވާ އިންޖީނުލީ އެއްޗެކެވެ
ޑީސަލް
ނ ޕެޓްރޯލަށްވުރެ ހަލުއިކަން ކުޑަ އޮލަ ތެލެއް މިއީ އިންޖީނު ހިންގަން ބޭނުންކުރާ ތެލެކެވެ
ޑޭޒީ
ނ އެއްބަރިޔަށް ހުންނަ ފިޔަތަކަކުން އެކުލެވިގެންވާ ތަނޑި ދިގު ރީނދޫ ކުލައިގެ މަލެއް އަޅާ ގަހެއް މިއީ އާދައިގެ ކުޑަ ގަހެކެވެ މީގެ އެތައް ވައްތަރެއް ހުރެއެވެ ތަފާތު ކުލަތައްވެސް ހުރެއެވެ
ޒަބަރުޖުދު
ނ ހިލައިގެ އަގުހުރި ބާވަތެއް މިއީ ޒުމުއްރަދުގެ ބާވަތެކެވެ މީގެ ކުލައަކީ ރީނދޫ ވައްތަރަކަށްދާ ފެހިކުލައެކެވެ
ޒަބާދު
ނ ޒަބާދުބުޅަލުގެ ނަގުލުގެ ބުޑުގައި ހުންނަ ގޮށެއްގައި އުފެދޭ އެއްޗެއް މިއީ ކަލުރަތްކުލައެއްގައި ހުންނަ ތަތްއެއްޗެކެވެ މިއީ ބޭސްވެރިކަމުގައި ބޭނުންކުރެވޭ އެއްޗެކެވެ
ޒައިތޫނިގަސް
ނ ދިގުކޮށް ހެދޭ ގިނަދުވަހަށް ދެމިހުންނަ ގަހެއް މިގަހުގައި އަޅާ ވަތްކަށް ކިޔަނީވެސް ޒައިތޫންޏެވެ މިއީ ހަށިގަނޑަށް ފައިދާހުރި އެއްޗެކެވެ މީގެ އޮށުން ނަގާ ތެލަކީވެސް ފައިދާހުރި ތެލެކެވެ
ޒައްރެއްގެމިންވަރު
ނ (1) ހަމަލޮލުން ނުފެންނަހާ ކުޑަމިންވަރު (2) އެންމެ ކުޑަ މިންވަރު މިއީ މިސާލުގެ ގޮތުން ކުޑަކަން އެންގުމަށްޓަކައި ބުނާ ބަހެކެވެ