radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
އަމަށުން
ނއ (1) ފުރިހަމަކޮށްވާ (2) އުނިކަމެއްނުވާ (3) އަސްލުގޮތަށް (4) ސަލާމަތުން (5) ފުރިހަމައަށް
އަމާނާތް
ނ (1) މީހުންގެ އަތުގައި ދުވަސްކޮޅަކު ރައްކައުކޮށްފައި ބެހެއްޓުމަށްޓަކައި މީހުން ބަހައްޓާ ތަކެތި (2) ޚިޔާނާތުގެ އިދިކޮޅު
އަމާންދިނުން
(1) ހަނގުރާމަކުރާއިރު އެއްބަޔަކު ބަލިވީކަން ޤަބޫލުކޮށް އަނެއްބަޔަކަށް ކިޔަމަން ވީކަން އެނގުން (2) މިކަމުގެ ނިޝާނަކަށް ދިދައެއްނެގުން (3) ހަތިޔާރު ބެހެއްޓުން
އަމާކީތީ ފަރަށްދިއުން
)މިސާލުބަހެއް( (1) ބުނާލަފުޒުން ދޭހަވާ ކަމެއްގެ ބޭރު ކަމެއް ނުކުރީމާ ދޭ މިސާލެއް އެއީ ބެބުރުފުތުގެ އަމާފަރަށްދާން ބުނެގެން ބެބުރުފުތު ފަރަށް ގޮއްސްފައި ބޮލިނުހިލާ އައިމާ އޭގެ ފަހުން ޖެހުނު މިސާލެއް ކަމަށް ބުނެއެވެ (2) ބުނާކަންތައް ފަރުވާ ކުޑަކޮށް ކުރުން
އަމާޒުފަތްގަނޑު
ނ (1) ބަޑި ނުވަތަ ދުނި އަމާޒަށް ޖަހާން ފަރިތަކުރާއިރު އެދިމާގައި ބަހައްޓައިފައި ހުންނަ ފިލާގަނޑު މީގައި ހުންނާނީ ފާހަގައެއް ލައިފައެވެ މަޖާޒު: (2) ކަމެއްކުރާން ގަސްދުކޮށްފައިވާގޮތް (3) ތިމާ ނުހަނު ބޮޑަށް އެދޭކަމަކާއިމެދު މަސައްކަތްކޮށްގެން ލިބޭން އަންނަފޮނި ނަތީޖާ
އަމުރުމަޢުރޫފު
ނ (1) ކީރިތި ﷲ ނަހީކުރެއްވި ކަންތަކުން މީސްތަކުން މަނާކޮށް އަމުރު ކުރެއްވިކަންތައް ކުރުމަށް މީސްތަކުންނަށް އަންގާ އެންގުން (2) ރަސްކަމުގެ އަމުރުތައް ހިންގަވާ ހިންގެވުން
އަމޭ
ނ "އަން" މިބަސް ތަކުރާރުކޮށް ބުނާގޮތް
އަފުނޯސްކަށި
ނ އެއްކޮޅުގައި ބޮލެއްލައިފައި އަނެއްކޮޅު ތޫނުކޮށް ހަދައިފައި ހުންނަ ކުދި ކައްޓެއް. މިހަދަނީ ލޯ ނުވަތަ ދަގަނޑުފަދަ އެއްޗެހީންނެވެ
އަދަބުއަދާކުރުން
މ އިހްތިރާމްކޮށް ކިޔަމަންތެރިވުން
އަތާއަތާޖެހުން
މ (1) ބުނާބަސް ކަށަވަރު ކުރުމުގެ ގޮތުން އެކެއްގެ އަތްތިލައިގެ ބަނޑުފުށުގައި އަނެކެއްގެ އަތްތިލައިގެބަނޑުފުށް ޖައްސައިލުން (2) ކަށަވަރުކޮށް ދިނުން
އަތާތެޅުވުން
މ ހާލަކާ އަތްތިލަ ދިމާކޮށްގެން އެއަތުގައި އޭތިތަޅާނޭގޮތް ހެދުން
އަތްބޯދޮށުލުން
މ މަޖާޒު: (1) އޮޑިދޯނިފަހަރު ދަންމާނަށް ތަންކޮޅެއް ދޫކޮށްލާފައި އެންމެ ބާރަށް ދުވާގޮތުގައި ދިއުން (2) ފަންރިޔާ އެއްޗެހި އެނގަކުރި ހިފައިލައިފައި ދިއުން
އަތްކެނޑުން
މ (1) ވައްކަންކޮށްގެން އަތުގެ ކުޑަހުޅުން ބުރިކޮށްލުން. (2) ކަށިވިދުރިން ރައްކައުވުމަށްޓަކައި އަތުގެ މުލައްދަނޑިން ނުވަތަ އަތްދަޑިން ދެތިންތަނުން ލޭފެންނަވަރަށް ހަންދުއްވާލައި އެތާނގައި އެކަމަށް ޚާއްޞަ ވެފައިވާ މާއްދާ )ވެކްސިންދިޔަ( ޖެއްސުން
އަތްދަށުންދިއުން
މ (1) ކުރަންވީކަމެއް ހަނދާންނެތިގެން ދިއުން (2) ނަނުގައި މަސް ބާނާއިރުގަނެގެން ދަމަނިކޮށް އަތްދަށު ނަނުކަނޑައިގެންދިއުން (3) ތިމާގެ އިޚްތިޔާރަށް ލިބިފައިވާ އެއްޗެއް ނުވަތަ ކަމެއްނެއްޓިގެންދިއުން
އަތްގަނޑު
ނ (1) އެއްޗެހީގައި ހިފާން ހުންނަ އުޅައްގަނޑު (2) ގޮނޑީގައި އަތްބާއްވާން ހަރުކޮށްފައި ހުންނަ ތަން (3) މުއްގަނޑު
އަތްގޮށި
ނ އަތްތިލައިގެ އިނގިލިތައް ގާތްކޮށް ގޮނިކުރީމާ އޭގެއެތެރެ
އަލަ ރުސިއާ
ނ ފުރެއްދެއަލަ ވަރަށް ކުދިކޮށްކޮށައި ބޯކިރާއި ހަކުރު އަޅައި ކައްކާ ކަންޖެއް
އަލަށް
ކއ (1) ފުރަތަމަޔަށް (2) އައުކޮށް
އަލަތު
ނ (1) ފުރަތަމަ. (2) އައު. މިސާލު: )ހ( އަލަތު އަނބިމީހާ. )ށ( އަލަތު ފިރިމީހާ. )ނ( އަލަތު ދަރި މިބަސް ބުނެއުޅެނީ ޚާއްޞަކޮށް ފުރަތަމަ އަނބިމީހާއަށް ނުވަތަ ފުރަތަމަ ލިބޭ ދަރިއަކަށެވެ
އަލަގަނޑުބަދަލި
ނ އަލަގަނޑެއްގެ އެތެރެކޮނެ ބޭސްއަޅައި ފޮޅިކޮށްގެން ހަދާ ބަދަލި