radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ
އޮށާޅަ
ނ މޫނުންނަގާ ބިއްސެއް މީގެ އެތެރޭގައި ހުދުކުލައިގެ ތަތްމާއްދާއެއް ހުންނާނެއެވެ މިގިނައިން ނަގަނީ ޒުވާން ފުރައިގައެވެ
އޮށިކެއު
ނ ފަތްކޭލުގެ ބާވަތެއް މިހުންނަނީ ބޮޑުކެޔޮ ޒާތަށް ވައްތައް ބުޅިކޮށް ނެވެ މީގެ ފޮނި މަޑުވާނެއެވެ
އޮށްވަޅު
ނ ފަރާތެއްގައި އަށްވަޅު ދެފަރާތުގައި ސޯޅަވަޅު ދެކޮޅުގައި ފިހާރައޭ ކިޔާ ބޮޑު ދެވަޅުހުންނަ ގޮނޑިއަކަށް ބޮލިއަޅައިގެން ކުޅޭ ކުޅިވަރެއް ބިންމަތީ މިގޮތަށް ވަޅުކޮނެގެން އެއަށް އޮށް އަޅައިގެންވެސް މިކުޅިވަރު ކުޅެއެވެ އާދައިގައި މިކުޅެނީ ވަޅަކަށް އަށްފުށް އަޅައިގެންނެވެ
އޮށްވަޅުގޮނޑި
ނ އޮށްވަޅު ކުޅޭން ހަދާފައި ހުންނަގޮނޑި މިހުންނަނީ ހަތަރުފަސް ހިންޗީގެ ފުޅައުމިނުގައި ގާތްގަނޑަކަށް ދެތިންފޫޓެއްގެ ދިގުމިނުގައެވެ
އޮށްގާފިލާއައުން
)މިސާލުބަހެއް( ކުއްލިއަކަށް މުދާތަކެއް ނުވަތަ ފަހިކަމެއް ލިބުނީމާދޭ މިސާލެއް
އޮށްގެންފައި ފޯދުން
)މިސާލުބަހެއް( ސަބަބުތަކަކުން ކަމެއްވާނޭގޮތް މެދުވެރި ކުރުމާއިއެކު އެކަމެއް ވާނެއޭ ހީވެފައި ވަނިކޮށް ކުއްލިއަކަށް ހުއްޓުނީމާ ދޭމިސާލެއް
އޮނަ
ނ ފުރަތަމަ ދިހައަކަށްފަހު ސަތޭކައާ ޖެހެންދެން އަންނަ ކޮންމެ ނުވަޔަކަށްވާ ޢަދަދު. މިބަސް ބޭނުންކުރަނީ ދިހަ ހަމަވާ ޢަދަދަކާ ގުޅުވައިގެންނެވެ. މިސާލު: އޮނަވިހި އޮނަތިރީސް )ސ ( އޮނު
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮޅިމެދުވުން
މ އޮޅިމެދެއްގެ މީހަކަށްވުން. އަސްކަރުމާ ވަރުހަނގުކަމާ އައްތާރަ ފަނިކަމާ މިތިން އޮޅިމެދުންކުރެ އޮޅިމެދެއްގައި ވެވޭނީ 8001 ލާރި ދީގެންނެވެ ބަނޑުހަނޑޫ އޮތް މީހަކުނަމަ 005 ލާރި ދީގެންނެވެ ގަނޑުވަރުތެރޭ ބޭފުޅަކު ލައްވަވާ މީހަކުނަމަ 052 ލާރި ދީގެންނެވެ
އޮޅުމަސް
ނ ބާވަތެއްގެ ލަނޑައެއް މިހުންނާނީ ނޫލަނޑައަށްވުރެ ބޮޑެތިކޮށް ފުޅައުކޮށް ކަޅުކޮށެވެ މީގެނަގޫފަތުގެ ރާވަޅި ތަންކޮޅެއް ދިގުވާނެއެވެ މީގެބޯ ވަށްވެފައި ބޮލާއި ހަށިގަނޑާ ބެދުނު ހިސާބުން ބުރިކަށިމަތީގައި ގޮން ގަނޑެއް އޮންނާނެއެވެ މިއަށް މިނަން ކިޔުނީ ތަންތާނގައި ބިތްޖެހިފައި ގިނައިން އިންނާތީއެވެ
އޮއިއަސްދަނޑި
(1) ކަނޑުއޮޅީ އޮޔާއި ކަނޑުގެ އޮޔާ ބެދުނުތާނގައި ކުދިރާޅު ހެދިފައި އޮންނަ އަސްދަނޑި (2) ކަނޑުއަޑީގައި ހުންނަ އުސް ގައުގަލަށ އޮއިވަރު ހިފީމާ އެމައްޗަށް އަރާ ދަމާލާފައި އޮންނަ ފަށް މިފަށް އޮންނާނީ އޮމާންކޮށެވެ
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
އޮއްޓު
ނ ތަންތަން ބިނދުނީމާ ނުވަތަ ގަދަކުރާން އަޅާ އޮބިގަނޑު
އޮގަރުކަނޑިއައްޑަނަ
މ (1) ރަދުންގެ ޚާއްޞަ ކަނޑިކޮޅާއި އައްޑަނަކޮޅު (2) ޢިއްޒަތަށް ވަޑައިގަންނަވާއިރު އަރިހުގައި ގެންގޮސް އުޅުނު ކަނޑިކޮޅާއި އައްޑަނަކޮޅު މިހިފަނީ އެކަމަށް ޚާއްޞަކުރައްވައިފައިވާ މީހެކެވެ
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު