radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ބުޑެހެދުން
މ )ގ ( ތާކުންތާކު ނުޖެހޭ ކަންތައް ކުރުން
ބުޖާ
ނ ހަނޑޫ މާޖައްސައިގެން ހަދައިފައި ހުންނަ ކާއެއްޗެއް އިހުޒަމާނުގައި މިގެނެސްއުޅުނީ ބަންގާޅުންނެވެ
ބުޗާ
ނ ބުޖާ
ބޫން
ނ (1) މާބުރު މަދިރި ފަދަތަކެތި އުދުހޭއިރު އެއިވޭފަދަ އަޑު (2) ކުޑަކުދިންގެ ބަހުރުވައިގައި ވަޔާއި އެއްގަމުގައި ދުއްވާ އިންޖީނުލީ ތަކެތި (3) ބާރަށް ވައިޖެހޭއަޑު (4) ބާރަށް ދަތުރުކުރާ އެއްޗެއް ވައިކަފާފައި ދާއަޑު
ބެހުން
މ (1) ދާންވީ މިސްރާބު އޮޅި ދެވޭނުދެވޭ ދިމާއެއް ހުރި ހިސާބެއް ނޭނގުން (2) އެކި ބައިބަޔަށް އަޅައި އެކި މީހުންނަށް ދިނުން (3) ތިމާޔާ ނުބެހޭ ކަމެއްގެ ތެރެއަށް ވަނުން (4) ކަމަކާނުލައި މީހަކާ ފޮށުން ނުވަތަ ގަޔަށް އެރުން (5) ޖިންސީގޮތުން ގޯނާކުރުން (6) ބައިބަޔަށް އެޅުން (7) ގުޅޭ މިސާލު: )ހ( ފޮތާބެހޭ ލިޔުން )ށ( ކިޔެވުމާބެހޭ ސާމާނު
ބެންކު ކުރުން
މ (1) ބޭންކުގައިވާ އެކައުންޓެއްގައި ފައިސާ ޖަމާކުރުން (2) ބެންކަށްލުން
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުހުއްޓާލަވަބައި
ނ ސަމާހުއްޓުމަށާއި އަދިވެސް އެހެނިހެން ގޮތްގޮތުން ޖަހާ ދަނޑިބެރު ހުއްޓާން ޖަހާލަވަ
ބެރުކޮޅުބޭލުން
މ އިހުގައި ގަޑުވަރުތެރޭ ބޭފުޅަކު ބެރުކޮޅު ޖައްސަވާން ވެގެން ނާބުސް ޚާނުން އެތަނަކަށް ބެރުގެންގޮސް ބެހެއްޓުން
ބެރުވެރިން
ނ އިހުޒަމާނުގައި ރަސްމީ ބެރުތައް ޖަހައި އުޅުނު މީހުން މިއީ ސަރުކާރުން ވަޒީފާ ދެއްވާފައިވާ ބައެކެވެ
ބެރުމުސްކުޅިކަން
ނ ރަސްމީބެރުޖަހާ މީހުންގެ ވެރިކަން
ބެރުމުސްކުޅިގޭ ހަންގަނޑު
ނ ބެރުޖަހަން ދަސްކުރަން ހަމުން ކެހެރި ނުފިލުވައި އަޅައިފައި އޮންނަބެރު މިއޮންނާނީ ބެރުމުސްކުޅި ގޭގައެވެ
ބެރުފަށާލަވަބައި
ނ ސަމާފެށުމާއި ތިންފުޅި ބެރުފަށާންޖަހާ ލަވަތައް
ބެރުފިޔަފާޅި
ނ ސަމާގައި ބެރުޖަހަން އަޅާފިޔަފާޅި
ބެރުދަނޑި
ނ ބެރުޖަހަން ގެންގުޅޭ ދަނޑި ގަނޑު މިހުންނަނީ ގަދަ ލަކުޑިއަކުން ކުޑަކޮށް ގުދުކޮށް ހަދައިފައެވެ
ބެރުދުންމާރިތާޅަފިލި
ނ އިހުގައި ރަސްކަލުން ތަންތަނަށް ވަޑައިގެންނެވުމުގެ ރަސްމީ ޢިއްޒަތުގައި ބެރުގައި ޖަހާހަރުބިޔާ އެޔާއެކު ފުމޭ ދުންމާރިއާއި ތާޅަފިލި
ބެރުލަވަ
ނ (1) ސަމާތާރާގައި ޖަހާއާދައިގެ ލަވައެއް (2) ބެރުގައިޖަހާ ރާގު
ބެރުޖެހުން
މ (1) އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެއްގައި ޖެހުން (2) މިއުޒިކުގެ ހަމަޔާ ގުޅޭގޮތަށް ވަކިތަރުތީބަކުން އެއްޗެއްގައި ނުވަތަ ތަނެއްގައިޖެހުން (3) ކަރަންޓު ބޭނުންކޮށްގެން ނުވަތަ އެނޫން ވެސް ގޮތަކުން ބެރުގެ އަޑު ނެރެން ހަދައިފައިވާ އެއްޗަކުން އަޑުނެރުން
ބެރެބޭވުން
މ )ޏ.ސ.( (1) ކާށިގަބުޅި ކުރުނބާ ކަރާ ބަރަބޯފަދަ ތަކެތީގައި ޅަ ތޯ ނުވަތަ ހަރުތޯ ބަލަން ޓަކިޖެހުން (2) )ޏ ( އިހުގައި ވަރުގަދަ މީހުން ބަލަން ބަނޑުގައި ފުއްޓަކި ޖެހުން
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ