radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ސަތަރި
ނ (1) އެއްޗެހި ނުވަތަ ތަންތަން ހިޔާކުރުމަށް ބޭނުންކުރާ ފޮތިގަނޑެއް މިއީ ފެން ނުފާއްދާގޮތަށް ހަދައިފައި ހުންނަ އެއްޗެކެވެ (2) )މަލިކު( ބޮލަށް ނަގާކުޑަ
ސަލްވާ
ނ ކޮތަރަށްވުރެ ބޮޑު ކުކުޅަށްވުރެ ކުޑަ ދޫންޏެއް މިއީ ބަނީ އިސްރާއީލު ބާގައިގެ މީހުން ސީނާގައި ތިބި ދުވަސްވަރު އެމީހުނަށް ﷲ ތަޢާލާ ދެއްވި ޚާއްޞަ ކާނާއެކެވެ މި ކާނާގައި ހިމެނެނީ މަންނަ ކިޔާ ފޮނިރަހަލާ އެއްޗަކާއި ސަލްވާއެވެ
ސަގަންގޫރު
ނ ސަހަރާގެ ތެރޭގައި އުޅޭ ސުއިތްޕެއް. މިއީ ރަކިސް ބޮނޑަށްވުރެ ކުދިކޮށް އެވައްތަރަކަށް ހުންނަ އެއްޗެކެވެ މިއީ ބާހުގަދަ ކުރުމަށް ބޭނުންކުރާ އެއްޗެކެވެ
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ސަޕޯޓު
ނ ތާއީދު
ސާރިދޯޅު
ނ ވަކިތޫނު ކެހެރިދިގު ބޮނޑިމަސްޖަނަވާރެއް މިއީ މިނިކާ ޖަނަވާރެކެވެ
ސާމަރާކޮޅު
ނ ސާމަރާދޫނީގެ ފަތުން ހަދައިފައިވާ ފަންކާއެއް މިއީ ރަސްރަސްކަލުން ދަރުބާރުގައި ތިއްބަވާއިރު ގައިކޮޅަށް ވިހެން ބޭނުންކުރާ އެއްޗެކެވެ
ސާމޯރު
ނ އޮޑިފަހަރުގެ ކުނބުގެ ކުރީގައި ހުންނަ "ނީ" ގެ ތެރެއަށް ލައްވައިފައި ހުންނަ ދެފުރޮޅުލީ އެއްޗެއް މިއީ ރިޔާ ނަގަން ހަންޖާ ލައްވަން ހަދައިފައި ހުންނަ އެއްޗެކެވެ
ސާމްރާޖީ
ނއ (1) ސާމްރާޖާގުޅޭ (2) ސާމްރާޖަށް ތާއީދުކުރާ
ސާފުމޮހޮރާ
ނ ޖަވާހިރުގެ ތެރޭގައި ހިމެނޭ އެއްޗެއް މިއީ ފަތިކޮށް ކުކުޅުބިސް ބުރަށް ހުންނަ އެއްޗެކެވެ މިއީ ހަރުފަމުތުގެ ވައްތަރެކެވެ ކުލައަކީ ކިސަޑު އަޅިކުލައެވެ ބޮޑުމިނަކީ ގާތްގަނޑަކަށް ބައި އިންޗިއެވެ
ސާފޫރުއަލަ
ނ )ސ ( ފުރެއްދެއަލަ މިއީ ކަހަނަލައިގެ ވައްތަރެކެވެ ހުންނަނީ ދަނބުފާޑު ކުލައެއްގައެވެ
ސާލާމިސުރީ
ނ ގަހެއްގައި އަޅާ ދެ އިންޗިއެއް ވަރުގެ އެއްޗެއް މި ހުންނާނީ އެއްކޮޅަށް ފަލަކޮށް އަނެއްކޮޅަށް ހިމަކޮށެވެ ހިމަކޮޅުގައި ކައްޓެއް ފާޑުގެ އެތިކޮޅެއް ހުރެއެވެ މިއީ ބޭހަށް ބޭނުންކުރާ އެއްޗެކެވެ
ސާލުފައްޓު
ނ )މަލިކު( ބޮޑުގޮޅި ހުންނަ ފަށުއި ފޭރާމެއް މިއީ އަންހެނުން އަންނަ އެއްޗެކެވެ
ސާޖަންޓު
ނ (1) ފުލުހުންގެ ތެރޭގައި ހިމެނޭ މަގާމެއްގެ ނަން އެމެރިކާގައި މިއީ ކެޕްޓަނުގެ ދަށުގައި ހުންނަމީހާގެ މަޤާމެވެ (2) ސިފައިންގެ ތެރޭގައި ހިމެނޭ މަގާމެއް މިއީ ކޯޕްރަލަށްވުރެ މަތިނަމަވެސް ސްޓާފު ސާޖެންޓަކަށްވުރެ ދަށް މަޤާމެކެވެ
ސިންގާ
ނ (1) ނުރައްކާތެރި ވަލު ޖަނަވާރެއް މިއީ ޝިކާރަ ކޮށްގެން ކައިއުޅޭ ވަކިތައް ތޫނު ގަދަފަދަ ޖަނަވާރެކެވެ މީގެ ފިރިހެން އެއްޗެހީގެ ކަރުދޮށުގައި މުށިކުލައިގެ ބޮޑު ކެހެރި ގަނޑެއް އޮވެއެވެ (2) މަޖާޒު: ނއ ހައިބަތު ހުރި
ސިކަންދަރު
ނ (1) ދުނިޔޭގެ މަޝްހޫރު ހަނގުރާމަވެރި ފާތިޙުންގެ ތެރެއިން އެއްބޭފުޅެއްގެ ނަންފުޅު މީނާ ދުނިޔޭގައި އުޅުއްވީ އީސާގެފާނު ދުނިޔެއަށް ވަޑައިގަތުމުގެ ކުރިން 323 ން 653 އަށެވެ މިޞްރުގެ އިސްކަންދަރިއްޔާ ބިނާކުރެއްވީ އޭނާއެވެ އަވަހާރަވީ ޢިރާޤުގެ ބާބިލްގައި ގަދަ ހުންފުޅެއްގައެވެ (2) ބެރު ވާންކުރުމަށްޓަކައި ޓިނބުލީގެ ބަދަލުގައި ނަނުން ފުރާފުރުމެއް
ސިކަންތިދަނޑި
ނ ރަސްކަމަށް ކޮލިލާ ދުވަހު ކޮއްޔާއެކު ޢިއްޒަތް ފުރިހަމަ ކުރުމަށް ގެންދާ ތަކެތީގެ ތެރޭގައި ގެންދާ އެއްޗެއް މިއީ ނުވަ ފޫޓް ހުންނަވަރުގެ ކުރެހި އޮނެއްގެ މެދެއްހައި ތާނގައި ވަށްބުރެއް ހަރުކޮށް އެބުރުގެ ވަށައިގެން ލާބޮނދި އެލުވައި އެއޮނުގެ ކޮޅުގައި ކުރި ބޯއްޓެއް ލައިގެން ހަދައިފައި ހުންނަ އެއްޗެކެވެ މީގައި ހުންނާނީ ކުލަކުލައިގެ ވަރަނގު ކަރުދާސް ހިއްޕައިފައެވެ
ސިއާސަކަން
ކއ (1) ބަސްނާހާކަން (2) ބަސް ޤަބޫލު ނުކުރާކަން މިއީ ކުޑަކުދިންނާ މެދު ބޭނުންކުރާ ބަހެކެވެ (3) )ބދ ( ގަދަފަދަ ކަމާއި އާރާއި ބާރު ހުރިކަން
ސިފްޓަރު
ނ ރެންޗުގެ ބާވަތެއް މިއީ އަނގަކުޑަކޮށް ބޮޑުކޮށް ހެދޭގޮތަށް ހުންނަ އެއްޗެކެވެ