radheef.info
ރަދީފު


ފަނިވަރަޖެހުން
މ މަސް އައިނުގައި އުޅޭ އެންފަންޏަށް ކަނޑުމަތީ ދޫނި ތިރިކުރުން
ފަނިފަކުސަ
ނ އެއްގަމުގައި އުޅޭ ފުރާނައެޅުއްވި ތަކެތީގެތެރެއިން އޮހޮރޭ ލޭ ނުހުންނަ ކުދިކުދި އެއްޗެހި
ފަނިދިރި
ނ )މ ( މާޅޭނބޫ
ފަނިލެވުން
މ ފަނިވެގެން އުޅޭކުދިން ނުވަތަ މީހުން ބޮޑުކަމުދާއިރު ނުވަތަ ހޮޑުލާއިރު ފަނި ނުކުތުން
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަން
ނ (1) ރުކޭ ކިޔާ ގަސްގަހުގެ ފަތް. (2) ކުޅޭ ކުޅިވަރެއް. )ފަންކުޅުން ބަލާ!( (3) ނއ. އިސްތަށިގަނޑަށް ދެވޭ ސިފައެއް. މިސިފަދެވެނީ ބުޅިކަމެއް ރާޅުބާންޏެއް ނެތް އިސްތަށިގަނޑަށެވެ މިސާލު: ފަންބޮލެއް ފަން އިސްތަށިގަނޑެއް
ފަންހާމަސް
ނ ފަރުފަރާއި ފަޅުފަޅުގައި މުރަކައާއި ގާތަކުގެ ތެރޭގައި އުޅޭ ބޮޑު ކޮތަރިބައެއް ހުންނަ މަހެއް. މީގެ ކޮތަރި ބައިގައި ވަރަށް ވިހަގަދަ ކަށިތަކެއް ހުންނާނެއެވެ ރުޅިއައުމުން ކޮތަރިބައި ފޮޅުވާލައެވެ މިއީ ވަރަށް ރީތި ތަފާތު ކުލަތަކެއްގައި ހުންނަ މަހެކެވެ
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންނުމަސް
ނ މަސްދޯނިފަހަރު މަހުން ލަފައިގެން އުޅޭއިރު އެތަނަށް ދާ މީހުންނަށް ހިލޭ ދޭ މަސް
ފަންބުއިން
މ ފަންކުޅޭއިރު ފަނޯތް ގޮވައި ފަނުގައި އަތްލުން
ފަންކާތުނޑު
ނ ފަންކާ ރުކުގެ ފަނުން ހަދައިފައިވާ ފަންކާގެ ވަށައިގެން ވިހޭ ފަށާ ގުޅޭ ހިސާބުގައި ގުދުގުދު ލައްވައިފައި ހުންނަ ތުނޑުބައި
ފަންކުޅުން
މ ދިވެހި އަންހެނުން ކުޅޭ ކުޅިވަރެއް މިއީ ކުޅޭ މީހުން ދެބަޔަށް ބަހައިލައިގެން ގިނަ ބަޔަކު ކުޅޭ ކުޅިވަރެކެވެ މިކުޅިވަރު ކުޅޭއިރު ކޮންމެ ކޮޅެއްގައިވެސް ފަނަކަށް ބަހައްޓާ މީހެއްގެ ގައިގާ ނުވަތަ އެއްޗެއްގައި އަތްލައިފައި "ފަނޯއި" މިހެން ގޮވުމުން ލަނޑެއް ދެވުނީއެވެ
ފަންވަތުނަން
ނ މީހުންނަށް އާންމުކޮށް ކިޔައި އުޅޭނަން
ފަންދަނޑި
ނ ލިޔެލާޖަހާއިރު ލާއެއްވަރުކުރަން ގެންގުޅޭ ދަނޑިކޮޅު މިދަނޑިކޮޅު ހަދައިފައި އޮންނަނީ ހިކިއިހަލުގެ ގޮނޑިންނެވެ
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ
ފަންސުރުމަސް
ނ ފުންނަ ޢާއިލާގެ މަހެއް. މިއީ ފަޅުފަޅުގެ ބޭރުތޮށީގައްޔާއި ގަލާއި މުރަކަތަކުގެ ތެރޭގައި ދިރިއުޅޭ މަހެކެވެ. އެން ހިފާއިރު މަދުމަދުން މިމަސް ހިފައެވެ
ފަންޑިތަހުސްވެފައިހުރިއެދުރުބޭކަލެއްހެން
)މުސްކުޅިބަހެއް( މީހަކަށް ކެއްސެއްދޭން ތިމާ ނުބައިރޭވުމެއް ރާވައިފިނަމަ އެރޭވުމުން އެންމެފަހުން ގެއްލުންލިބޭނީ ތިމާއަށޭ ބުނުމަށް ބޭނުންކުރާބަހެއް )މިސާލުބަހެއް( ގޮތް ހުސްވެފައި ހުންނަ ހުރުމަށް ބުނެއުޅޭ ގޮތެއް