radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
އެއްލުން
މ (1) އަތުން އެއްޗެއްގައި ހިފާ އެ ދުރަށްދާނޭހެން އަތުން ދޫކޮށްލުން. (2) ގުޑި ތެލަނގަ ފަދަ ތަކެތި ހިފައިގެން ހުރެފައި ނަނުގައި ހުންނަ މީހާ ބުނީމައި މައްޗަށް އަރައިގެން ދާނޭހެން ދޫކޮށްލުން. (3) މަސްބޭނުމަށްޓަކައި ނަނުގެ އެއްކޮޅު ހޫރާލުމާއެކު މޫދަށް ދޫކޮށްލުން. މިހެން ހަދަނީ ނަނުގެ ކޮޅުގައި އޮންނަ ބުޅީގައި އެން އަޅައިފައެވެ. )އެއްލި ނނކ އެއްލައިފި ނކ އެއްލަނީ ވވ އެއްލާނެ ވނ އެއްލާ! އމ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްގޮތަކަށްވެސް
(1) ދުވަހަކުވެސް (2) ފަހަރެއްގައިވެސް މިބަސް ބުނެއުޅެނީ ނަފީގެ ގޮތުގައެވެ
އެވަރުން
ކއ ގަދައެޅުމާއެކު އެހާބޮޑަށް މިސާލު: އެލިބުނީ "އެވަރުން" އުޅުނު ކަމުންނެވެ
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އެފުޅު
ނ އަނބިމީހާއަށް ކިޔާގޮތެއް މިހެންކިޔަނީ މަނިކެޔަށްވުރެ ދަށުދަރަޖައިގެ މީހުންނަށެވެ
އެދުންއައުން
މ (1) ހިތުގައި އެދުމެއް ފައިދާވުން (2) ޝަހުވާނީއެދުން ހިތުގައި އުފެދުން
އެދުރުބޭކަލުން
ނ (1) އެދުރުންނަށް މާތްކޮށް ކިޔާގޮތް ޚާއްޞަކޮށް މިހެންކިޔައިއުޅެނީ ކޮށިކޮށީގެ އެދުރުންނާ މެދުގައެވެ (2) ކަންތަކަށް ކުޅަދާނަމީހާ
އެދުރުދަނޑި
ނ ކުޅިޖަހާ ކޮށިކޮށީގައި ގެންގުޅޭ ޚާއްޞަ ދަނޑިއެއް މިދަނޑިހިފައިގެން ކުޅިއެއް ނުޖަހާނެއެވެ ފަސްގަނޑުގައި ކުޅިޖަހާއިރު ކޮށީމީހުން ތިބޭނީ މިދަނޑީގެ ކައިރީގައެވެ
އެދުރުލަވަ
ނ (1) ފަސްފިޔަވަޅު ބެރާއި ސަމާގައި ޖަހާ ލަވައެވެ (2) ސަމާތާރަ ފަށާން ޖަހާލަވަ ސަމާތާރައިގައި ދަންފަޅި ބަލައިގަންނަ މީހުން އައިސް ފުރަތަމަ ޖަހާނީވެސް މިލަވައެވެ
އެދުރުޖިންނި
ނ ޖިންނީންގެ އެދުރެއް ކަމަށް ހީކުރެވޭ ޖިންނި
އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
އެތުރުން
މ (1) އެއްޗެހިތަކެއް ތަރުތީބުކޮށް ބެހެއްޓުން. (2) ރަނުން އަތްކަން އެޅުން. ރ. އެތުރި ނނކ އަތުރައިފި ނކ އަތުރަނީ ވވ އަތުރާނެ ވނ އަތުރާ އމ
އެތުމަދު
ނ ބޭހެއްގެނަން މިހުންނަނީ ފުޅިމަދުހެން ލުއިކޮށްނެވެ
އެތެރެބަނޑަހަލުބަނޑޭރި
ނ އެތެރެބަނޑަހަލުގެ ފަރާތުން ކުރާންޖެހޭ ހުރިހައި ކަމެއްބެލެހެއްޓުމުގެ ބަނޑޭރި ކައްކާ ބަދިގޭގައި ކެކޭކެއްކުން ތަކުގެ ޚަރަދު ބަލަހައްޓައި މިކަންތައް ހިންގާނީ މި ބަނޑަހަލުގެ ފަރާތުންނެވެ
އޮހޮރުން
މ (1) އޮހުން. (2) ދިޔާއެއްޗެއްފައި ބައިގަތުން މަޖާޒު: (3) މީހަކަށް އާދަޔާ އިޚިލާފުވާ ފަދަޔަކުން އެއްޗެހިތަކެއް ލިބެމުން ދިއުން. ރ. އޮހޮރި ނނކ އޮހޮރައިފި ނކ އޮހޮރަނީ ވވ އޮހޮރާނެ ވނ އޮހޮރާ އމ ރނ. އޮހޮރުން. ނނކ އޮހޮރިއްޖެ ނކ އޮހޮރެނީ ވވ އޮހޮރޭނެ ވނ އޮހޮރޭ އވ
އޮށަނި
ނ ބޭރުގައި އުންފަޅައިފައި ހުންނަ ތޮށިބޯ އޮށްފަތި ރާގުންޑާ ބައްޓަމުގެ ވަކެއް މިއީ ވަރަށްބޮޑަށް އަމަލުވާ އެއްޗެކެވެ މީގެ ގަސް ހުންނާނީ ބަށިގަސް ފާޑަށެވެ