radheef.info
ރަދީފު


ގޮނޑުދޮށަށްއެރުން
މ މަޖާޒު: (1) ކުޑަކަމު ނުވަތަ ބޮޑުކަމު ދިއުން (2) އަތިރިއަށް ދިއުން
ގޮނޑުދޮށަށްފޭބުން
މ މަޖާޒު: ގޮނޑުދޮށަށް އެރުން
ގޮނޑުދޮށް
ނ ދެފަސް ބެދުނު ހިސާބުން ފެށިގެން މޫދާ ދެމެދު
ގޮނަކަށްގޮނެއް
ގބ )މުސްކުޅިބަހެއް( މީހަކު ހަދިޔާއެއް ފޮނުވައިފިނަމަ އަނެކަކުވެސް އެއްޗެއް ފޮނުވަން ޖެހޭނެ ކަން އެންގުމުގެ ގޮތުންބުނާ ބަހެއް
ގޮނީފުލަށްއެރުން
މ ގޮނީފުލަށް ފޭބުން
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮންޏަށްދިއުން
މ މަޖާޒު: މަސްހިފަން ދިއުން
ގޮރުލޯގަނޑަށްވެއްޓުން
ގބ މަޖާޒު: ޅަދަރިމައި އަންހެނަކާ މީހަކު އިނުމުން ބުނެއުޅޭ ބަހެއް
ގޮޅިއަކަށްފެއްތުން
މ މަޖާޒު: ޤާނޫނީ ކުށެއްގައި ބެއްދުން
ގޮޅިއަކަށްފެތުން
މ މަޖާޒު: ޤާނޫނީ ކުށެއްގައި ބެދުން
ގޮދަންފުށް
ނ ގޮދަން މުގުރައިގެން ހަދާފުށް
ގޮތްވަށްއޮތްބިސް
ނ ކުކުޅު ވިހައިގެން ނިކުންނައިރު ނުވިހައި އޮންނަބިސް
ގޮތްގޮތަށް
ކއ (1) ފާޑުފާޑަށް (2) ވައްތަރުވައްތަރަށް
ގޮލާކަނަށްތިންރާޅު
ގބ މަޖާޒު: ހިންދެމިލާނެ ވަގުތެއް ނުލިބި ކަމަކަށްފަހު ކަމެއް ކުރިމަތިވުމަށް ބުނެއުޅޭ ބަހެއް
ގޯލަށްޖެހުން
މ ގޯލާ ދިމާޔަށް ބޯޅަފޮނުވައިލުން
ސަހަނަށްއެޅުން
މ )ބ ( ތަށިތައްޓަށް ބަންޑުންދާވަރަށް އެއްޗެހި އެޅުން
ސަބުއެކަށް
އކ ހުރިހާ އެއްޗެއް އެކުގައި
ސައިބޯނިއޮށް
ނ ސައިބޯނި ގަހުގެ އޮށް މިއީ ކުންނާރު އޮށާ އެއްބޮޑު މިނެއްގައި ކުލަކުލައިގައި ހުންނަ އޮށްތަކެކެވެ މިއޮށްތައް ފެން އެއްޗަކަށް އެޅުމުން ފޮނުއަރާނެއެވެ މިބޭނުން ކުރަނީ ގިރިޓީކުރާއިރު އެ ގިރިޓީ ކުރާ އެއްޗެހި ސާފުކުރުމަށެވެ
ސަލީބަށްއެރުވުން
މ މި ސިފަޔަށް ހަދައިފައި ހުންނަ ކާލިނގަކަށް މީހަކު އަރުވައި މޮހޮރުޖަހައި ހައްޔަރުކޮށް މަރައިލުން
ސަޓަޔަށްމުއްޓަށްދިއުން
މ މަޖާޒު: އެއްޗެހި ތަކެއް އެގޮތް މިގޮތަށް ބަހައި ހުސްވުން