radheef.info
ރަދީފު


ދި
ނ އަންހެންދަރި
ބޮޑުހިސާބުގައިޖެހުން
މަޖާޒު: (1) ދެކެވޭ ވާހަކައެއް ކުށްވެރިވާ ހިސާބަށް ދިއުން (2) ދެކެވޭ ވާހަކައަކަށް އަޑު އަހާމީހާއަށް ޖަވާބުނުދީ ނުހުރެވޭ ހިސާބަށްދިއުން
ބޮޑުހުޅު
ނ އައްސުލްޠާނު މުޙައްމަދު މުޢީނުއްދީނު ކުޑަބަންޑާރައިންގެ ރަސްކަމުގައިވީ ސިޔާސީ ގަޑުބަޑުގައި މާލޭގެ ގޭގެ އެންދި އެންދުން
ބޮޑުހުޅުދޫ މީހުންގެ ވަކިވުން
)މިސާލުބަހެއް( އެކީގައި ތާކަށް ގޮސްގޮސްހުރެފައި އަނެކަކުގާތު ބުނުމަކާނުލައި ވަކިވެގެން ދާދިޔުމަށް ބުނެއުޅޭބަހެއް
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުނަސީބު ފިޔޮހީންޖެހުން
)މިސާލުބަހެއް( ނޭނގިހުރެ ކުރެވޭ ކަމަކުން ތިމާޔަށް ރީތި ލިބޭނޭގޮތް ދިމާވުން
ބޮޑުރާކަނި
ނ ރާކަނީގެ ބާވަތެއް މީގައި ގާތްގަނޑަކަށް ފޫޓެއްހާ ދިގުމިން ހުންނާނެއެވެ މީގެ އިނގިލިތައް ހުންނާނީ ތެދަށެވެ
ބޮޑުބަދިގެ
ނ ގަނޑުވަރު ތެރޭގައި ހުރި ހަތަރު ބަދިގޭން އެއްބަދިގެ ހަވަރަށް ކައްކާ ކެއްކުންތައް ކައްކަނީ މިބަދިގޭގައެވެ
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
ބޮޑުބުރުގާ
ނ މޫނާދިމާގައި ދޯހަޅި ފޮތިކޮޅެއް ހަރުކޮށްފައި އޮންނަ މުޅިމީހާ ނިވާވާވަރުގެ ބޮޑުދޮޅިއެއް
ބޮޑުބޯ
ނ ރާޒުވާ ކުޅިބައިގައި ހުންނަ އެންމެ ދިގުކުޅި މިއީ ކުޅިތައް އަތުރާއިރު ބޭރުން ތިންވަނަ ކުޅިއެވެ މިކުޅި ހިނގާނީ ކަންކުއްޗަށެވެ
ބޮޑުކަން
ނއނ (1) ކުޑަކަން މިބަހުގެ އިދިކޮޅު (2) ކޮންމެ މިނަކުން ނަމަވެސް އިތުރުކަން (3) މޮޅުކަން (4) ޢިއްޒަތްތެރިކަން
ބޮޑުކަމުދިއުން
މ (1) މާގެފިލިކުރުން (2) ސީލުން (3) ބޮޑުހާޖިވެރިކަމުދިއުން
ބޮޑުކިޔެވެނިން
ނ އިހުގައި. ދުޢާ ވެރިކަމާ އޮލީއާ މިބާވަތުގެ ރަސްމީ ކިޔެވުން ކިޔަވަން ދައުލަތުން ޚާއްޞަ ކުރައްވާފައިވާ ބައެއް. މިޖަމާޢަތް އެކުލެވިގެންވަނީ ދެ ޚަތީބުންނާއި ދެމަލިމުންނާއި ފަނޑިޔާރުގޭ ހަތަރު ނާއިބު ބޭކަލުންނާއި އަދި ފަސްމުދިން ބޭކަލުންގެ މައްޗަށެވެ
ބޮޑުކުނާ
ނ ރަސްމީގޮތުން އެކިއެކި ބޭނުމަށްޓަކައި ރާއްޖޭގައި ވިއުއްވާކުނާ މިކުނާ ހުންނަނީ ރޯލު ކުނާހެން ދިގުކޮށެވެ
ބޮޑުކުރުން
މ (1) ސައިޒުން އިތުރުކުރުން (2) ކުދިން ބެލުން (3) މަޖާޒު: ހައްދައިލުން
ބޮޑުކެޔޮ
ނ ފަތްކޭލުގެ ބާވަތެއް މިއީ ދިގުކޮށް ސީދާކޮށް ވައްތައް ހުންނަ ފޮނިރަހަ މަޑުކޭލެކެވެ ވަކުގެ ތޮށިގަނޑު ހުންނާނީ އަރިއަރިއަށެވެ
ބޮޑުކޯއްޓޭ
ނ އިހުގައި ބޭރުން އަންނަ ނައުޒޯނގުފަހަރު އެތެރެއަށް ވަނީމާ ދިދަނަގާން މާލޭ ބޮޑުކޯއްޓޭ ބުރުޒުމަތީ ކަސްޓަމުގެ އުތުރުން ހުރި ކޯއްޓޭ
ބޮޑުއަށި
ނ (1) ދިވެހި ގޭގޭގެ ބޭރުގޭ ދޮރުގެ އިރުމަތިން ހުރަހަށް ހުންނަ ދިގު އަށި (2) މުށިކުޅޭއިރު އަޅައިފައި ހުންނަ މުށި ގޭގައި ފައިފުއްސާ ޖެހިގެން ކަނާތް ފަރާތުން ހުންނަ ގެ ނުވަތަ ގޮޅި
ބޮޑުވިނަ
ނ މޫދު ހުއިގެ ބާވަތެއް މިއީ ވަރަށް މަދުން ފެންނަ ކަޅުކުލައިގެ ހުޔެކެވެ މިފަތުގެ ފުޅާމިނުގައި ބައިއިންޗި ދިގުމިނުގައި ހައިންޗިވަރު ހުންނާނެއެވެ
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު