radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ވިއާނުވުން
މ )ވިޔާނުދިއުން( (1) ކަމުނުދިއުން (2) ބޭނުން ނުހިފެވުން (3) ގޮތްނެތުން
ވިއާދިއުން
މ (1) ގޮތްހުރުން (2) ރަނގަޅުވުން (3) ބޭނުން ހިފޭނެގޮތްވުން
ވިއްސާރަވުން
މ ވައިގަދަވެ ވާރޭ ވެހޭގޮތްވުން
ވިއްސިވިހާލިވުން
މ ހާވިޔާވުން
ވިއްސުން
މ (1) ބުރުވުން )ބުރައިގެންދާނޭގޮތަށް އުކުން( (2) ދަރިވިހެއުމަށް ފަހިވާނޭގޮތަށް ފަރުވާ ކުރުން (3) ހާވިޔާކުރުން
ވިދާލުން
މ (1) އަލިކަން ފާޅުވެގެން ދިއުން (2) ވިއްސާރަ ވިލާގަނޑަކުން ކުއްލިއަކަށް އައްޔެއްވުން (3) މަޖާޒު: ކަމެއްގައި ކުރިއަރައިގެން ދިއުން
ވިދިވިދިވުން
މ )ގ ( ފުނޑުފުނޑުވުން
ވިދުން
މ (1) ގުގުރާއިރުވާ އަލި ގުގުރުމުގެ އަޑަށްވުރެ ކުރިން ކުއްލިއަކަށް ވުން. (2) އިނގިލި އަތް ފައިފަދަ ތަންތާނގެ ކުރި ނުވަތަ ކޮޅު ތަނެއްގައި ވަކި ގޮތަކަށް ޖެހުން (3) ދަނޑިއެއް ނުވަތަ ދަނޑިބުރިއެއް ފަދަ އެއްޗެއްގެ ކޮޅު ވަކިގޮތަކަށް ތަނެއްގައި ޖެހުން ނުވަތަ ޖެހި ބާރުވުން (4) ބުޅީގައި އެމެއް ހަރުކުރުން (5) ބުޅީގައި މަހެއް އަޅައިގަތުން (6) އެތެރެހައްޓަށް ފުންކޮށް ކުއްލިއަކަށް އަރާ ތަދު (7) ބެބުޅުން ހުރި އަލިކަން
ވިދުއެޅުން
މ (1) ތޮރުފުން (2) ފޫދުއްވުން (3) އެއްޗެއްގައި ލޯވަޅު އެޅުން
ވިލާބޯވުން
މ އުދަރެހުގައި ހުންނަ ފުސްވިލާތައް އެއްތާކަށް ޖަމާވުން
ވިލާގަނޑެއްގައިޖެހުން
މ ގަދަ ވިއްސާރަ ގަނޑެއްގެ ތެރެއަށް ވަދެވުން
ވިލާޖެހުން
މ އުދަރެހުން ވިލާ ފާޅުވުން
ވިސްނޭވަރުވުން
މ (1) ތަންދޮރު އެގޭވަރުވުން (2) ކަންކަމާމެދު ބުއްދި ފޯރުވޭވަރުވުން
ވިޔަޔާދިއުން
މ (1) ކަމުދިއުން (2) ބޭނުން ހިފޭގޮތްވުން (3) އަޚުލާޤީ ގޮތުން ރަގަޅު މީހެކޭ ބުނެވޭ ގޮތްވުން
ވީ
ނ )ވީ( (1) ތޮއްޓާއެކު އޮންނަ ހަނޑޫފުއް (2) ނނކ "ވުން" މިބަހުގެ ނިމިނިމުނުކަން
ވީރާނާވުން
މ (1) އިންދިރާސްވުން. (2) ބައުވެގެން ނުވަތަ އެނޫންވެސް ގޮތަކުން ހަލާކުވުން. (3) އާބާދުވުމަށްފަހު ހަލާކުވެގެން ދިއުން
ވީއްލުން
މ ހިފެހެއްޓިފައިވާ އެއްޗެއް ނުވަތަ ކަމެއް ދޫވުން ނުވަތަ ދޫކޮށްލުން މިސާލު: ބަނދެފައި ހުރި ކުކުޅެއް މޮހިގެން ދިއުން އަތުގައި އޮތް އެއްޗެއް ދޫވުން އޮބަހައްޓައިގެން އުޅޭ އެއްޗެއް ނޯބެހެއްޓިގެން ދިއުން ދަމުން ވީއްލުން ރޯދަވީއްލުން ކޭތަވީއްލުން
ވީދުން
މ (1) ކަރުދާސް ފޮތި ފަދަ އެއްޗެހި އިރައި ވަކިކުރުން. (2) ފަންވަތް ގޮފިފަދަ އެއްޗެހި ދަމައިގަނެގެން ވަކިކޮށްލުން (3) މަޖާޒު: ހުތުރު ބަހުން އެއްޗެހި ގޮވުން
ވުޟޫކުރުން
މ ޚާއްޞަ ވެގެންވާ ގުނަންތަކެއް ވަކި ނިޔަތަކާއެކު ފެނުން ދޮވުން
ވެހަވުން
މ )ސ ( ވިހަވުން