radheef.info
ރަދީފު


ވައި
ނ (1) ދުނިޔޭގެ މައިގަނޑު ހަތަރުބައިގެ ތެރެއިން އެއްބައި އެއީ ގިނި ވެލި ވައި ފެން މިއެވެ. އޭގެ ވަސީލަތުން އިންސާނުންނާއި ދިރޭ ހުރިހައި ތަކެތި ނޭވާލާން ބޭނުންކުރާ މާއްދާ އުޑާއި ބިމާއި ދެމެދުގައި ހިނގާ ރޯޅިފަށް. (2) ހަށިގަނޑުގެ ތެރޭގައި ހިގާ މާއްދާއެއް މީގެ ސަބަބުން އެކި ކަހަލަ އުނދަގޫވެއެވެ
ސަލީބަށްއެރުވުން
މ މި ސިފަޔަށް ހަދައިފައި ހުންނަ ކާލިނގަކަށް މީހަކު އަރުވައި މޮހޮރުޖަހައި ހައްޔަރުކޮށް މަރައިލުން
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ސަޔާނަވައި
ނ (1) ނުވަދިހަ ހައެއް )69( (2) ފަންސަޔާނަވައި އާއި ސަތާނަވައިއާ ދެމެދުގެ ޢަދަދު
ސާބިތުދަރަނި
ނ ޝަރީޢަތުން ލައްވައިފައިވާ ދަރަނި
ސާމޯރު
ނ އޮޑިފަހަރުގެ ކުނބުގެ ކުރީގައި ހުންނަ "ނީ" ގެ ތެރެއަށް ލައްވައިފައި ހުންނަ ދެފުރޮޅުލީ އެއްޗެއް މިއީ ރިޔާ ނަގަން ހަންޖާ ލައްވަން ހަދައިފައި ހުންނަ އެއްޗެކެވެ
ސާފުޓު
ނ އިންޖީނާ ބުރަފައްޗާ ގުޅުވައިދޭ ދަގަނޑު
ސިރިންޖު
ނ އިންޖެކްޝަން ޖަހަން ބޭނުންކުރާ އާލަތެއް މި ހަދައިފައި ހުންނަނީ ކޮޅުގައި ކައްޓެއް ހަރުކުރެވޭ ގޮތަށެވެ ސިރިންޖުގެ އެތެރޭގައިވާ ބޭސް ހަށިގަނޑުގެ ތެރެއަށް ފޮނުވައިލަނީ މިކަށީގެ ތެރެއިންނެވެ
ސިރިވަންސަނައޯގަ
ނ (1) ލާބައިގެ އިރުވައި (2) ހެޔޮއިރުވަރެއްގެ ނަން
ސިކަން
ނ (1) ބަރަބޮލާއި ފުފޫފަދަ އެއްޗެހިލާން އަތުން ހިފޭގޮތަށް ފަނުން ތައްޔާރު ކޮށްފައި ހުންނަ އެއްޗެއް (2) ތެލި ބަހައްޓަން ވާ ޖަހައިގެން އެލުވައިފައި ހުންނަ ދުރަން
ސިކަންތިދަނޑި
ނ ރަސްކަމަށް ކޮލިލާ ދުވަހު ކޮއްޔާއެކު ޢިއްޒަތް ފުރިހަމަ ކުރުމަށް ގެންދާ ތަކެތީގެ ތެރޭގައި ގެންދާ އެއްޗެއް މިއީ ނުވަ ފޫޓް ހުންނަވަރުގެ ކުރެހި އޮނެއްގެ މެދެއްހައި ތާނގައި ވަށްބުރެއް ހަރުކޮށް އެބުރުގެ ވަށައިގެން ލާބޮނދި އެލުވައި އެއޮނުގެ ކޮޅުގައި ކުރި ބޯއްޓެއް ލައިގެން ހަދައިފައި ހުންނަ އެއްޗެކެވެ މީގައި ހުންނާނީ ކުލަކުލައިގެ ވަރަނގު ކަރުދާސް ހިއްޕައިފައެވެ
ސިކަލު
ނ ދެވައިރުގުޅަން ވައިރުގެ ކޮޅުގައި ހަދައިފައި ހުންނަބައި
ސިއްސައިލުން
މ (1) ބިރުގަންނަވައިލުން (2) ސިހިގެންދާގޮތް ހެދުން
ސިއްސުވައިލުން
މ (1) ބިރުގަންނަވައިލުން (2) ކުއްލިއަކަށް ޖެހިލުންވާގޮތް ވުން
ސިދުރަތުލްމުންތަހާއަށް ހިތްއެރުން
ގބ މަޖާޒު: ތިމާޔާ އެކަށީގެން ނުވާ ފެންވަރަކަށް ހިތް ފޯރުވައިގެން އުޅޭމީހުންނާ މެދު ބުނެއުޅޭ ބަހެއް
ސީން
ނ (1) ތާހާއި ތަވާފަދަ އެއްޗެހީގައި ފޮޅިފަދަ އެއްޗެހި ފިހާއިރު ކިޔާ އަޑު (2) ކުޑަކުދިންގެ ބަހުރުވައިގައި ފޮޅި
ސީދާކޮށްލުން
މ (1) ތެދުކޮށްލުން (2) މަގަށް އަޅުވައިލުން
ސީސޯ
ނ މެދަށް އެއްޗެއް ލައްވައި ދެކޮޅަށް ކުދިން އަރައިގެން ކިރޭ ގޮތަށް ބާއްވައިފައިވާ ފިލާ މިއީ ކުޑަކުދީން ކުޅުމަށް ބޭނުންކުރާ އެއްޗެކެވެ
ސުނޯ
ނ (1) ވައިގައި ހުންނަތެތްކަން ފިނިކަމުގެ ސަބަބުން ގަނޑުވެގެން އުފެދޭ އެތިއެތިކޮޅު މިހުންނަނީ ހުދުކޮށެވެ ކަފަހާ ލުއިކޮށެވެ )ވައިގައި ހުންނަ ތެތްކަން މިގޮތަށް ބަދަލުވަނީ ސުންދަރަޖަ ސެލްސިއަސް 0 ދަރަޖަ ގައެވެ ( (2) މަޖާޒު: ސުނޯއާއި ވައްތަރު އެއްޗެއްސާ މެދު ބުނެއުޅޭ ގޮތެއް (3) މޫނުގައި އުނގުޅަން ތައްޔާރު ކޮށްފައި ހުންނަ ބާވަތެއްގެ ކްރީމެއް
ސުރެ
އ ފެށިގެން މިބަސް ބޭނުންކުރަނީ ވަގުތާ ނުވަތަ ޒަމާނާ ގުޅުވައި ގެންނެވެ މިސާލު: )ހ( ދުނިޔެ ފެށުނީއްސުރެ )ށ( ދޭއް ޖެހީއްސުރެ