radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
އަންބާބެރު
ނ އަންބާލަވަޔަށް ހަމަކޮށް ޖަހާބެރު
އަންދަރުސާ
ނ ފުއްގަނޑު ކަމީރުކޮށްގެން ކުކުޅުބިސްލައިގެން ތެލުލާ ފޮނިކާއެއްޗެއް މިހުންނާނީ ދޮންކެޔޮކަޖުރު ފާޑަށެވެ
އަންދާސީހިސާބު
ނ (1) ގާތްގަޑަކަށް ބަލާހިސާބު (2) ލަފާޔަކަށް ކޮށްލާ ހިސާބު
އަންދާސީކުރުން
މ (1) ކަންކަމުގެ މިންވަރު ލަފާކުރުން (2) އެއްޗެއްގެ ގިނަމަދުކަން ހިތުން މިންވަރުކޮށްލުން
އަންގައިލުން
މ (1) ކުޑަގޮތަކަށް އެންގުން (2) ކުޅިޖެހުމުގެ އިޞްޠިލާޙުގައި ތިމާޔާ މުޤާބަލަށް ނުކުންނާން ހުންނަ މީހާ ނުކުތުމަށް އިޝާރާތްކޮށްލުން
އަރަހުށި
ނއ ހުރިހައިގޮތަކުން ހުރިހައި އެއްޗަކަށްވުރެ މަތިވެރި މިއީ މާތް ރަސްކަލާނގެ ސިފަފުޅެކެވެ މިބަސްބޭނުންކޮށް އުޅެނީ ﷲގެ އިސްމުފުޅާއެކު ގައެވެ
އަރަބިތަމަޅަ
ނ ޢަރަބި އަކުރަށް ނުކުތާ އިތުރުކޮށްގެން ތަމަޅަބަސް ލިޔެ އުޅޭ އަކުރެއް
އަރަބިލަވަ
ނ (1) ބެރުޖަހައިފައި ކިޔާން ބާޒާރީ ޢަރަބިބަހުން ހަދައިފައި ހުރި ލަވައެއް (2) މިލަވަޔަށް ހަމަކޮށް ޖަހާބެރު
އަރަތް
ނ މީހުންގެ ވިސްނުންހުރި ވަރެއް ބެލުމަށް ކޮށް އުޅޭ ސުވާލުގެ ބާވަތެއް މިސާލު: " ކޮއްކޮއެއް ދައްތައެއް ބޭބެއެއް ނެތެވެ އެކަމަކު މިހިރަކުއްޖާގެ ބައްޕައަކީ އަހަރެންގެ ބައްޕަގެ ދަރިއެކެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރާރުއް
ނ ރާކޮށްގެން ގެންގުޅޭ ރުއް
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަރާފައިބާވައި
މ އުރަވަޅީވައި މިބަލީގައި ވާގޮތަކީ އުރަވަޅިއަށާއި އެއްކޮށް ދަށްބަނޑަށް ތަދުވަނީއެވެ ބައެއް ފަހަރު އުރަވަޅި ބޮޑުވެސްވެއެވެ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިއަށް
ކއ (1) އެއްކައިރިއަށް ތިރިކޮށް (2) އެއްފަރާތަށް ޖެހި
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަބަނޭރުން
މ ކަމެއް ކޮށްކޮށް ނުނިމުން
އަބާ
ނ އަރަބި ހެދުމުގައި ކަމަރު ބަންނަ ލިބާހުގެ މަތީންލާ ބޮޑު ލިބާސް މިއީ ވަރަށް ފުޅައުކޮށް އޮންނަ ބަނޑުފެޅި ލިބާހެކެވެ
އަބާބީލުދޫނި
ނ ކަޅުކުލައިގައި ބަނޑުދޮށް ހުދުކޮށްތިބޭ ކުދިދޫންޏެއް މިގިނައިންއުޅެނީ މައްކާ ޙަރަމްފުޅުގެ ތެރޭގައެވެ