radheef.info
ރަދީފު


ޓ
ނ ތާނައިގެ ވިހިވަނަ އަކުރު
މަޅިފަތި
ނ ދޫނި ހިފުމަށްޓަކައި ބޮނބިނަރު ނުވަތަ އެވަރުގެ ހިމަފަށްތަކަކުން ވަކިވަކި މަޅިތަކެއް ހަދައި އޮށީގައި ނުވަތަ އެފަދަ އެއްޗެއްގައި ހަރުކޮށްގެން ތައްޔާރުކުރާ އެއްޗެއް
މަޅިފަތިޖެހުން
މ ދޫނި ހިފުމަށްޓަކައި ތަނެއްގައި މަޅިފަތި ބެހެއްޓުން
މަޅިގަނޑު
ނ (1) އެއްޗެހި އެލުވައިފައި ބެހެއްޓުމަށްޓަކައި ނުވަތަ ތަންޑުގަނޑު ފަދަ އެއްޗެހި ލެއްވުމަށްޓަކައި އެއްވަރެއްގައި ގިނަދުވަހު ހުންނާނޭހެން ހަރުކުރާ ނުވަތަ އެކުލަވާމަޅި. (2) އަމިއްލައަށް ފުޅަލި ހުޅުވިގެން ދިޔަނުދިނުމަށްޓަކައި އަޅުވަން ހުންނަ މަޅި. މިމަޅި ފިލާ ދަގަނޑު ރޯނު އަދި މިނޫންވެސް އެއްޗެހިން ހަދައިފައި ހުރެއެވެ
މަޅިޖެހުން
މ (1) ކުކުޅު ނުވަތަ ދޫނިފަދަ އެއްޗެއް ހިފުމަށްޓަކައި މެދުގައި ހުސްބުރެއް އޮންނާނޭހެން ދޫގޮށެއްޖެހުން )މިގޮށްޖަހައިފައި ހުންނާނީ ދަމާލީމާ ބާރުވާގޮތަށެވެ ( (2) މަޅި ހެދުން
މަކުޑި
ނ (1) އެއްޗެއް ހިފެހެއްޓުމަށްޓަކައި ނުވަތަ ހުޅުވުނަ ނުދިނުމަށްޓަކައި ލަކުޑިން ހަދައި ހަރުކޮށްފައި ހުންނަ އެއްޗެއް. މިސާލު: ދޮރުފަތްލައްޕާފައި އަޅުވާ ލަކުޑި ދޮރު ހިފެހެއްޓުމަށް ދޮރުކަނީގައި ޖަހާފައި ހުންނަ މަކުޑި. (2) އެއްޗެހި ހިފެހެއްޓުމަށާއި ހަރު ކުރުމަށްޓަކައި ފާރަށް ލައްވައިފައި ހުންނަ ލަކުޑި (3) ތަނބުގެ މައްޗަށާއި ފުލަށް ލައްވާ ލަކުޑި (4) ޓިނުޖަހާއިރު ފަތިގަނޑާއި ޓިނުގަނޑާ ދޭތެރެއަށް ލައްވާ ލަކުޑިކޮޅު
މައިހެލުން
މ )ލ ( ކައްޓަލަ ވެލުގައި ކައްޓަލަ ހުރިތޯ ބެލުން
މައިނާރު
ނ (1) ފައިގެ މަސްފަށްތައް ހިފެހެއްޓުމަށްޓަކައި ފައިތިލައާގުޅިފައިވާ ހުދުވާފަށްތައް މިނާރުތައް ފަލަ އެއްނާރުގެ ގޮތުގައި ފައިތިލައާއި ގުޅިފައިވަނީ ކުޑަކަޅުވާއާއި ދިމާއިން ފުންނާބަށެވެ (2) ލޭހިނގާ ފަލަ ލޭހޮޅި
މައިން
ނ (1) "މައި" މިބަހުގެ ގިނަގޮތް (2) މަޢުދަން ނެގުމަށްޓަކައި ބިމުއަޑީގައި ކޮނެފައި ހުންނަ ވަޅުވަޅުގަނޑު ނުވަތަ ބިންގަރާސް (3) ތަންތަން ނުވަތަ އެއްޗެހި ގޮއްވާލުމަށްޓަކައި ބޭނުންކުރާ ބޮމެއް
މައިބުރިކަށި
ނ ބޮނބިފަޅި ކަށިތަކުގެ ތިރިންފެށިގެން ޅިނދުކަށްޓާ ދެމެދު
މައިކު
ނ އަޑުތައް އިލެކްޓްރިކް ސިގްނަލްތަކަކަށް ބަދަލުކޮށްދޭ އާލަތެއް ގިނަފަހަރަށް މިބޭނުން ކުރަނީ އަޑު ދުރަށް ފޮނުވުމަށާއި އަޑުތައް ރެކޯޑު ކުރުމަށެވެ
މައިކްރޯމީޓަރު
ނ (1) މީޓަރެއްގެ އެއްމިލިއަން ބައިކުޅަ އެއްބައި (2) މިނެއްޓެއްގެތެރޭގައި އެއްޗެއް ދަތުރު ކުރާވަރެއް ބެލުމަށް ދުރުމީއެއް ނުވަތަ މައިކްރޮސްކޯޕެއް ހަރުކޮށްގެން ހަދާފައިވާ އާލަތެއް
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މައިދާން
ނ (1) ހާމަޔަށް އޮންނަ ތަނަވަސް ބިން. (2) ޚާއްޞަ ކަންކަމަށްޓަކައި މީހުން ނުކުމެ ތިބޭތަން. މިސާލު: ހަނގުރާމައިގެ މައިދާން. (3) މަޖާޒު: ވަކި ޚާއްޞަ ރޮނގެއް. މިސާލު: ކުޅިވަރުގެ މައިދާން ތަޢުލީމީ މައިދާން
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މައިތިރިވުން
މ (1) ހަމައިން ނެއްޓިގެން އުޅޭ ބަޔަކު ހަމަޔަކަށް އެޅުން (2) ހަރުކަށިކަން ކުޑަވުން (3) ބައްޔެއް އެހުރި ދަރަޖައަށްވުރެ ލުއިވުން (4) ކުރާގަދަ ވިއްސާރައެއް މަޑުވާގޮތްވުން (5) ރޯގާއެއްގެ ބާރުކެނޑުން
މައިލާ
ނ )ސ ( ފޭރާންކުރާއިރު އުއިގަނޑު ހިފެހެއްޓުމަށްލާފައި އޮންނަލާތަކުގެ ތެރެއިން ފަހުކޮޅުގެ ލާ މިއީ ލަކުޑިން ހަދާފައި އޮންނަ އެއްޗެކެވެ
މައުރަޒު
ނ (1) ފަންނީގޮތުން ކުރެވޭ މަސައްކަތްތަކުގެ ނަމޫނާތައް ހުށަހެޅޭތަން (2) ދައްކަން ބޭނުންވާތަކެތި ދެއްކުމަށް ބަހައްޓާފައި ހުންނަތަން
މައްދު
ނ ޢަރަބި ލިޔާއިރު އަކުރުދަމާގޮތަށް ކިއުމަށްޓަކައި ޖަހާ ނިޝާން
މަދަން
ފުނަ ނުވަތަ ކަނދުއޮށް މަދު ދަވައިގެން ފުނޑައިގެން އޮޑިދޯނި ފަހަރުގެ ހިންމި ބެލުމަށް ހަދާފުޓުންޏެއް