radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ސުޓޫޑިއޯ
ނ (1) ކުރެހުންތެރިއަކު ނުވަތަ ފޮޓޯ ނަގާމީހަކު ނުވަތަ ލަވަ ކިޔާ މީހަކު ނުވަތަ ނަށާމީހަކު އޭނާގެ އެ މަސައްކަތް ކުރާތަން (2) ފިލްމް ނެގުމަށް ޚާއްސަކޮށް ހަދައިފައި ހުންނަ އިމާރާތް (3) އަޑު ރެކޯޑުކުރާ ކޮޓަރި (4) ޓެލެވިޜަނުން ދުރަށް ދައްކާ ނުވަތަ ރޭޑިޔޯއިން ދުރަށް އަޑު ފޮނުވާތަން
ސެހެރުން
މ މަޖާޒު: )ޏ ( (1) ކަމަކަށް ނުވަތަ އެއްޗަކަށް އެދިމީހެއްގެ ގާތުގައި މާބޮޑަށް އާދޭސް ކުރުން (2) ކެނދުން
ޑާންޑޫން
ނ (1) މަރަވަޅި ބިންމަތީގައި ކޭއްތޭއިރު އިވޭ އަޑު (2) މާބާރަށް ހިނގައިފައިދާން ފެށުމުން އެހިނގާ ހިނގުމަށް ކިޔައިއުޅޭ ނަމެއް
ޑިއުޓީ
ނ (1) އަދާކުރަންޖެހޭ ވަޒީފާ (2) އެތެރެކުރާ މުދަލާއި ބޭރު ކުރާ މުދަލުގެ އަގުގެ ނިސްބަތުން ސަރުކާރަށް ނަގާބައި
ޒަންޖަބީލް
ނ އަރިދަފުސް ރޯގާ ޖެހުމުން ފަރުވާ އެއްގެ ގޮތުންދޭބޭސް ފެނެއް މިކައްކާނީ އިނގުރާއި ފޮނިތޮައްޓާއި ކާފޫރުތޮޅިއާއި ވޭމުއި އަޅައި ގެންނެވެ
ޒައިތޫނިގަސް
ނ ދިގުކޮށް ހެދޭ ގިނަދުވަހަށް ދެމިހުންނަ ގަހެއް މިގަހުގައި އަޅާ ވަތްކަށް ކިޔަނީވެސް ޒައިތޫންޏެވެ މިއީ ހަށިގަނޑަށް ފައިދާހުރި އެއްޗެކެވެ މީގެ އޮށުން ނަގާ ތެލަކީވެސް ފައިދާހުރި ތެލެކެވެ
ޒުވާރިތެޔޮ
ނ ޒުވާރިންނަގާތެޔޮ
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި
ޒުވާބުކިޔުން
މ އަންބާފަދަ ބައެއްކަހަލަ ލަވަކިޔާއިރު ނަގާކިޔާމީހާ ކިޔާބައިކީމާ އޭގެ ޖަވާބުގައި ކިޔާބައި ދެންތިބިމީހުން ކިޔުން
ޒުލްޤަރުނައިނި
ނ ކީރިތި ޤުރްއާނުގައި ނަންގަނެވިފައިވާ ނަބީބޭކަލަކާގާތް ޢަދްލުވެރި ރަސްކަލެއްގެ ނަންފުޅު
ޒުލްޤަޢިދާ
ނ ހިޖްރީ ކަލަންޑަރުގެ އެގާރަވަނަމަސް
ޓަކުންޓަކުން
ނ ފުންނާބު އުސްފައިވާން ނުވަތަ އުށްޖެހި މަރަވަޅީގައި ހިނގާ އިރު އިވޭއަޑު
ޓެރޭމު
ނ އެއްތަނުން އަނެއްތަނަށް ދަތުރުކުރެވޭގޮތަށް ހަދައިފައިވާ ގާޑިޔަލެއް މިދަތުރުކުރަނީ މަތީގައި ދަމައިފައިވާ ދަގަނޑު ނަރު ތަކެއްގެ އެހީގައެވެ
ޓެކުސް
ނ (1) ވާރު (2) ބޯބޯމަތިން ނުވަތަ ވަކިކަމެއްކުރާ ބައެއްގެ އަތުން ގަވާއިދެއްގެ މަތިންސަރުކާރަށް ނަގާ އެއްޗެއް
ޔާރިއެޅުން
މ (1) ދެރޯޒުއެޅުން. (2) ބުރަތަކެތި ނެގުމަށާއި ދެމުމުގެ ފުރޮޅުގެ ތެރެއިން ޗޭނު ނުވަތަ ވާދެމިގެން ހިނގާގޮތަށް ހަދައިފައިވާ އެއްޗެއްގެ ބޭނުން ކުރުން
ޔާއިދަރޯސް
ގބ )ގ ޏ ( ކަނޑުދަތުރުކުރާ އުޅަނދުފަހަރު ގަދައިގައި ދަތުރު ކުރާއިރު ރާޅާ އަޅައިފައި ދުއްވައި ގަތުމުން ހުންގާނުގައި ހުންނަ މީހާއަށް ހުންގާނަށް ސަމާލުވުމަށް އެންގުމުގެ ގޮތުން ބުނެއުޅޭ ބަހެއް
ޕަމްޕު
ނ (1) ފެނާއި ތެޔޮފަދަ ތަކެތި ނަގާ ނުވަތަ ނަގައި ދުރަށް ފޮނުވައިދޭ އާލަތެއް (2) ވައިޖަހާ އާލަތެއް
ޕާލަމެންޓު
ނ މިނިވަން ގައުމެއްގެ ގާނޫނު ހަދާ އެންމެމަތީ މަޖްލިސް
ޕުރޮވިޑެންޓް ފަންޑު
ނ މުވައްޒަފުންގެ މުސާރައިން ވަކިޢަދަދަކަށް ފައިސާ ކަނޑައި ހަމައެޢަދަދަށް އެމުވައްޒަފަކު މަސައްކަތްކުރާ ތަނުން ފައިސާ ޖަމާކޮށްދީގެން ހިންގާ ފަންޑު މިއީ މުވައްޒަފުންގެ މުސްތަގްބަލުގެ ފައިދާ އަށްޓަކައި ހިންގާފަންޑެކެވެ
ޕުރޮގުރާމް
ނ (1) ޖަލްސާއެއް ނުވަތަ ކަމެއް ހިންގާނެ ނުވަތަ ހިނގަމުން ދާނެގޮތް ކަނޑައަޅައި ލިޔެފައިވާ ލިޔުން (2) އެޖެންޑާ (3) އެކިއެކި ކަންކަމާ ގުޅޭގޮތުން ތައްޔާރުކޮށް ޓީވީއާއި ރޭޑިޔޯއިން ފޮނުވާ ފޮނުވުމެއް