radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ކުނި
(1) ބައެއްތަކެތީގެ ތާޒާކަން ކެނޑިގެން އެވާ ފިލުނދު (2) ބައެއް ތަކެތި ފިލުނދު ވެގެން ވާނުބައި (3) ބޭނުމެއްނެތިގެން އުކައިލާން ޖެހޭ ތަކެތި (4) ފާރުގަނޑުގައި ހެދޭ ނުބައި މާއްދާ (5) އަނގަޔާ ކަރުތެރޭގައި ހެދެޭ ބައްޔެއް (6) ނިފާސްކަމުގެ ލޭ
ކުނިހުދު
ނ އަތްކަން ކުރާ މީހުން އެއްފަށުން މަހަމުން ފަށް ގަތާގެތުމެއް
ކުންނާރު
ނ އެނބޫވައްތަރަކަށް ހުންނަ އެއަށްވުރެ އޮށްކުޑަ މޭވާއެއް މީގެ ކިތަންމެ ވައްތަރެއް ހުރެއެވެ އޭގެތެރޭގައި ހުތްކުންނާރާއި ފޮނިކުންނާރު ހިމެނެއެވެ
ކުންނު
ނ ބޮޑެތި ގަލުން ނުވަތަ ފަރުބަދައިން ބޭރަށް ނުކުމެފައި ހުންނަ މުލި
ކުރަހާފޮށި
ނ (1) ފޮޓޯ ނަގަން ގެންގުޅޭ ފޮށި (2) ކެމެރާ
ކުރަނދު
ނ ބާވަތެއްގެ ހިލަވެއްޔެއް މިބޭނުންކުރަނީ ބާވަތް ބާވަތުގެ ހަނުތަޅާށެވެ މިހިލަވެލި އަލިފާނަށް ލީމާ އާދައިގެ ހިލަވެއްޔަށްވުރެ އަވަހަށް ވިރޭނެއެވެ ވިރުވާއިރު މީގައި ތަތްކަމެއް ހުންނާނެއެވެ
ކުރަނޑި
ނ (1) ފެންބޯތައްޓާއި ބޯތަށިފަދަ ތަށިލާން މައްޗާއެކު ލިޔެލާ ޖަހައިފައި ހުންނަ އެއްޗެއް މީގެ ކިތަންމެ ވައްތަރެއް ހުރެއެވެ ކޮންމެ ވައްތެރެއްގައިވެސް މަތިގަނޑު މެދުގައި އުށެއް ހުންނާނެއެވެ (2) ކުރަނޑި ފާޑަށް ބިއްލޫރިން ހަދައިފައި ހުންނަ ތަކެތ ި (3) ޖަނަވާރާއި ދޫނިސޫފާސޫފީގެ މައިދާ (4) މިސްކިތް މިސްކިތްފަދަ ތަންތާނގައި ލާގެ ޒީނަތްތެރިކުރަން ކުރަނޑީގެ މަތިގަނޑާ އެއްގޮތަށް ލިޔެފައި ހުންނަ އެއްޗެއް
ކުރަކިއަޑު
ނ (1) އޮމާން ކަމެއްނެތް އަޑު (2) ކުރެހިފައިވާ އަޑު
ކުރަމަގާލި
ނ (1) މެށުނު ތަނެއް ނުވަތަ ކެނޑުނު ތަނެއްގެ މަތީގައި ހަރުވެ ހިކިފައި އޮތްލޭކޮޅު (2) ފަސޭހަވަމުން އަންނަ ފާރުކޮޅުގެ މަތީގައިލާ ތޮށި
ކުރަމަގާލިލުން
މ (1) ކެންޑޭ ތަންތަނާއި މެށޭ ތަންތާނގެ މަތީގައި ލޭކޮޅު ހިކުން (2) ފަސޭހަވަމުން އަންނަ ފާރުކޮޅެއްގެ މަތީގައި ތޮށިލުން
ކުރަފި
ނ ފައިދިގުކޮށް ފަތިކޮށް ހުންނަ ކަޅުރަތްކުލައިގެ އުދުހޭ ދިރޭ އެއްޗެއް. މީ ގޭތެރޭގައްޔާއި ގުދަންގުދަން ފަދަ ތަންތާނގައި އުޅޭ އެއްޗެކެވެ މީގެ ކިތަންމެ ބާވަތެއް ހުރެއެވެ
ކުރަފިހިލުން
ނ ކުރަފިތައް ނުކުމެގެން އުދުހިގަތުން
ކުރަފިއެރުވުން
މ މަޖާޒު: ކޮންމެ ކަމެއްވެސް ކުރަންނޭނގޭ ޙާލުގައި މާދެރަކޮށް ކުރުމުން ބުނެއުޅޭ ގޮތެއް
ކުރަލުން
މ (1) ގައިގެ ހަމުގައި ގިނަފަހަރު އެއްޗެއް ކޭއްތިގެން ހަންބޯވުން (2) މަޖާޒު: ކަމެއްކޮށްކޮށް އާދަވެގެން އެކަމަށް ހޭނުން
ކުރިބައި
ނ )ޅ.( މަސްއައިނުގައި ކުދިމަސް ބާނަން ގެންގުޅޭ އެންމެ ހިމަ ކުދިދޮށި މަސްއައިނުގައި ދަހިކޮށް ކުދިމަސް ބާނައިއުޅެނީ ކުރިބައިންނެވެ
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުރިއެރުން
މ (1) ކަމެއްގައި އަނެކަކަށްވުރެ ނުވަތަ އަނެކައްޗަކަށްވުރެ ކުރިޔަށް ދެވުން (2) މޮޅުވުން (3) މައްޗަށް ދިޔުން (4) ތަރައްޤީވުން
ކުރިމަތިލުން
މ (1) މޫނާ މޫނު ސީދާކުރުން (2) އެއްޗަކާ ނުވަތަ މީހަކާ ދިމާއަށް ސީދާ ބެލުން (3) އެއްޗެއް ހޯދުމަށް ނުވަތަ ކަމެއްކުރުމަށް ނުވަތަ ކަމެއް ކާމިޔާބުކުރުމަށް ތައްޔާރުވެ މަސައްކަތް ފަށައިގަތުން (4) ދިމާކުރުން (5) ކަމެއް އުފުލައިގަތުމަށް ޢަޒުމު ކަނޑައެޅުން
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ