radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ކުރެހިހިމެރި
ނ ހިމެރީގެ ބާވަތެއް މީގެ އޮށުގައި ހުންނާނީ ކުރެހުން އެޅިފައެވެ
ކުރެހުންތެރިޔާ
ނ ކުރެހުމަށް މޮޅު މީހާ
ކުރެއްވުން
މ (1) ކުރުން މިބަހަށް މާތްކޮށް ކިޔާގޮތް (2) މީހަކު މެދުވެރިކޮށްގެން އެހެން މީހަކު ނުވަތަ ބަޔަކުލައްވާ އެއްޗެއް ހެއްދުން ނުވަތަ ކަމެއް ކުރުވުން
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުޅަނދިލިމާ
ނ (1) އެތެރޭގައި ވައްތަރަކު ކަރުގަނޑެއް ހުރެފައި ކުކުޅުބިސްބުރަށް އެއްކޮޅަށް ދިގުކޮށް ހުންނަ ރީތިމަލެއް މިއީ ކުރަފަތްތޮޅި ވެލުގެ މަލެވެ މީގެ ދެކުލައެއް ހުރެއެވެ (2) ނަންރީތިމާ (3) ނޫމާ
ކުޅަނދުރު
ނ އުދުހިއުޅޭ ކަށިޖަހާސޫތްޕެއް. މިހުންނަނީ ރީނދޫ ކުލައިގައެވެ. މިއުޅެނީ އަމިއްލައަށް ހަތާހަދައިގެންނެވެ. މީގެތެރެއިން މާމުއިކުޅަނދުރަކީ މާމަލުންފޮނި ބޮއިގެން މާމުއި އުފައްދާ ސޫތްޕެކެވެ
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅި ހުއްޓުން
މ ސަމާގައި ޖަހާކުޅި ރަސްމީގޮތުން ނިންމުން
ކުޅިމީރު
ނ އަހުވަ )މިސާލު: (1) މިހާރު ހުންނާނީ އޭނާއަށް ކުޅިމީރު ފެނިފައެވެ (2) މިހާރު ތިޔަކަމުގެ ކުޅިމީރު އަހަންނަށްވެސް ފެނިއްޖެއެވެ (3) ބަލަން ހުންނާށެވެ! ނިކަންރަގަޅަށް އޭނާއަށް ކުޅިމީރު ދައްކާލާނަމެވެ
ކުޅިޖެހުން
މ ކޮށިކޮށީމީހުން ކަނޑި އައްޑަނަ ނުވަތަ ދަނޑި ހިފައިގެން ހެވިކަމުގެ މަސައްކަތުގައި ވަކި ޤަވާއިދެއްގެ މަތީން ހެލިފެލިވުން
ކުޅުގަނދު
ނ ބޭހަށް ގެންގުޅޭ މުލެއް މިހުންނަނީ ދަނޑިތަކެއްހެން ބުރިބުރިއަށެވެ މީގެ ކުލައަކީ ހުދުކުލައެވެ
ކުޅެންއެރުން
މ ކުޅިވަރެއް ކުޅޭއިރު ކުޅެންވީމީހާ ކުޅޭތަނަށް ދިއުން
ކުޅެވަޑައިގަންނަވާބޮޑުލަވަ
ނ ދަނޑިބެރުގެ ލަވައެއް މީ ސަމާގައި ރަދުން ކުޅި ޖެއްސެވުމަށް ނުކުމެވަޑައިގަންނަވާނަމަ ޖަހައި އުޅުނު ލަވައެކެވެ
ކުކުން
ނ ކުޑަވަރެއްގެ ގަހެއްގައި އަޅާ މީރުވަސް ދުވާ މަލެއްގެ ކަރުގަނޑު. މިހިއްކީމާ ހުންނާނީ ރަތް ރީނދޫ ކުލައެއްގައެވެ. މިއީ ކާއެއްޗިއްސަށް ލާށާއި ބޭހަށް ބޭނުންކުރާ އެއްޗެކެވެ
ކުކުޅަށްވުރެ ބިސްދޮށިވުން
)މިސާލުބަހެއް( ތިމާޔަށް ވުރެ ކަމަށް އެކަށީގެންވާ މީހުން ތިއްބާ އެކަމަށް އިސްވެގަނެގެން އުޅުން
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކުކުޅުފައިދޮށުވެފިޔޮކެއް މަރެއްނުވާނެ
)މިސާލުބަހެއް( ކަމެއް ރަނގަޅަށް ދަންނަ މީހަކު އަތުން ކަމެއް ގޯސްނުވާނެކަން ދެއްކުމަށް ބުނެއުޅޭ ބަހެއް
ކުއްޅަވައްފަލުރަނިންނަށްވުން
މ )މިސާލުބަހެއް( މީހަކު ދެރަކޮށް ހުރިއިރު ބޭނުންކުރި އެއްޗެއް އެމީހަކު މޮޅުވީމާ ނޭނގޭކަމަށް ހެދިގެން އުޅެން ފެށީމާ ބުނާބަހެއް