radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ސަދަބު
ނ ގުޑުގުޑާގެ އަބުނައިގެ ކޮޅުގައި ތިމަރައިން ލިޔެ ފައި ޖަހައިފައި ހުންނަ އެއްޗެއް
ސާރިމަތީފަލީ
ނ ދިހަފަލި ހުންނަ ދޯނިފަހަރުގެ ދިރުނބާކޮޅުން ތިންވަނަ ފަލި
ސާފު
ނއ (1) ކުންޏެއް މިލައެއް ނެތް (2) ހަޑީގެ އިދިކޮޅު (3) އަލި (4) އޮޅުމެއްނެތް
ސާލާމިސުރީ
ނ ގަހެއްގައި އަޅާ ދެ އިންޗިއެއް ވަރުގެ އެއްޗެއް މި ހުންނާނީ އެއްކޮޅަށް ފަލަކޮށް އަނެއްކޮޅަށް ހިމަކޮށެވެ ހިމަކޮޅުގައި ކައްޓެއް ފާޑުގެ އެތިކޮޅެއް ހުރެއެވެ މިއީ ބޭހަށް ބޭނުންކުރާ އެއްޗެކެވެ
ސިންކު
ނ (1) ސަތޭކަ ފަދަމް (2) ހިސާބު އަކުރު ކަނާތުން ވާތަށް ގުނާއިރު އަށާރަވަނަ އަކުރުގެ ވަޅަށް ކިޔާނަން (3) ތަށިދޮވުން ފަދަ ކަންތަކުގައި ބޭނުން ކުރުމަށް މައުދަނީ އެއްޗަކުން ހަދައިފައި ހުންނަ ތައްޓެއް މީގެ އެއްކޮޅު ހުންނާނީ ތަށިފަދަ ތަކެތި ބެހެއްޓޭގޮތަށެވެ
ސިންގަޅައިން
ނ (1) ސްރީލަންކާގައި )އޮޅުދޫކަރައިގައި( އުޅޭ ސިންގަޅަ ބަހުން ވާހަކަ ދައްކާ ދަރިކޮޅުގެ މީހުން (2) މާދަރީބަހަކަށް ސިންގަޅަ ބަސް ބޭނުންކުރާ މީހުން
ސިރިންޖު
ނ އިންޖެކްޝަން ޖަހަން ބޭނުންކުރާ އާލަތެއް މި ހަދައިފައި ހުންނަނީ ކޮޅުގައި ކައްޓެއް ހަރުކުރެވޭ ގޮތަށެވެ ސިރިންޖުގެ އެތެރޭގައިވާ ބޭސް ހަށިގަނޑުގެ ތެރެއަށް ފޮނުވައިލަނީ މިކަށީގެ ތެރެއިންނެވެ
ސިކަންތިދަނޑި
ނ ރަސްކަމަށް ކޮލިލާ ދުވަހު ކޮއްޔާއެކު ޢިއްޒަތް ފުރިހަމަ ކުރުމަށް ގެންދާ ތަކެތީގެ ތެރޭގައި ގެންދާ އެއްޗެއް މިއީ ނުވަ ފޫޓް ހުންނަވަރުގެ ކުރެހި އޮނެއްގެ މެދެއްހައި ތާނގައި ވަށްބުރެއް ހަރުކޮށް އެބުރުގެ ވަށައިގެން ލާބޮނދި އެލުވައި އެއޮނުގެ ކޮޅުގައި ކުރި ބޯއްޓެއް ލައިގެން ހަދައިފައި ހުންނަ އެއްޗެކެވެ މީގައި ހުންނާނީ ކުލަކުލައިގެ ވަރަނގު ކަރުދާސް ހިއްޕައިފައެވެ
ސިކަލު
ނ ދެވައިރުގުޅަން ވައިރުގެ ކޮޅުގައި ހަދައިފައި ހުންނަބައި
ސިލުނބު
ނ ގުޑުގުޑާއިން ދުންބޯއިރު ދުންފަތް އެޅުމަށްޓަކައި މުށިން ހަދައިފައި ހުންނަ އެއްޗެއް މި ހުންނަނީ އަބުނައިގެ ކޮޅުގައި ހުންނަ ސަދަބަށް ޖެހޭގޮތަށެވެ
ސުނޯ
ނ (1) ވައިގައި ހުންނަތެތްކަން ފިނިކަމުގެ ސަބަބުން ގަނޑުވެގެން އުފެދޭ އެތިއެތިކޮޅު މިހުންނަނީ ހުދުކޮށެވެ ކަފަހާ ލުއިކޮށެވެ )ވައިގައި ހުންނަ ތެތްކަން މިގޮތަށް ބަދަލުވަނީ ސުންދަރަޖަ ސެލްސިއަސް 0 ދަރަޖަ ގައެވެ ( (2) މަޖާޒު: ސުނޯއާއި ވައްތަރު އެއްޗެއްސާ މެދު ބުނެއުޅޭ ގޮތެއް (3) މޫނުގައި އުނގުޅަން ތައްޔާރު ކޮށްފައި ހުންނަ ބާވަތެއްގެ ކްރީމެއް
ސުންކަންޖެހުން
މ (1) ބަޔަކު ކާއެއްޗެއް ތައްޔާރު ކުރަނިކޮށް ފެނުމުން ނުވަތަ ތަނެއްގައި ކާ އެއްޗެއް ހުއްޓައި ފެނުމުން އޭގެ ތެރެއިން އެތިއެތި ކޮޅު ނަގައިގެން ކެއުން (2) ދަހިކުދިން ނުވަތަ މީހުން އެތިއެތި ކޮޅުން ކެއުން
ސުރެންސުރެން
އ (1) މެދުކެނޑުމެއްނެތި (2) އެއްކޮޅުން އަނެއްކޮޅަށް
ސުއްބު
ނ (1) ކުޑައެތިކޮޅު (2) ކުޑައެތިފޮދު
ސުލައިޑު
ނ (1) ފޮޓޯނަގާގޮތަށް ނަގައި ފިލްމު ސާފުކުރުމަށްފަހު އަލި އަޅުވައިލީމައި ފޮޓޯ ގޮތަށް ފެންނަ ފިލްމު. (2) ލޭފަދަ އެއްޗެހި މައިކްރޮސް ކޯޕުން ބެލުމަށްޓަކައި މައިކްރޮސްކޯޕަށް ލައްވާ ބިއްލޫރިކޮޅު
ސުލްޙަ
ނ (1) އެކުވެރިކަން (2) ދެކޮޅުވެރިކަމެއް ނެތްކަން (3) އަމަން އަމާންކަން
ސޭކު
ނއ (1) ބުއްދި ހަމަނޫން (2) ދެކޮޅުނުޖެހޭ
ސޮނިފޮތިކޮޅު
ނ ޅަކުދީންގެ މޭމައްޗާ ދިމާވާގޮތަށް ކަރުގައި އައްސާފޮތިކޮޅު
ޑަމްޕަރު
ނ އެއްޗެހި އުފުލުމަށްޓަކައި ކުރީކޮޅު ނަގައި ވެއްޓޭ ގޮތަށް ހަދައިފައި ހުންނަ އެއްޗެއް މިއީ އެއްގަމުގައި ދުއްވާ އިންޖީނުލީ އެއްޗެކެވެ
ޒައިލަފޯން
ނ ދަނޑިކޮޅަކުން އެކި އަޑުގައި ތެޅުމުން މިޔުޒިކްގެ ހަމަ ނެރެވޭ ގޮތަށް ހަދައިފައި ހުންނަ މިޔުޒިކް ކުޅޭ އެއްޗެއް މީގެ އަޑުތައް ހުންނަނީ އެކި ބޮޑުމިނަށް ބުރިކޮށްފައި ލަކުޑި ކޮޅުތަކަކުންނެވެ ބައެއް ފަހަރަށް މަޢުދަނަކުންވެސް ހަދައިފައިހުރެއެވެ