radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ފަތުރު
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމަށް ކުރާ ދަތުރު
ފަތުރުވެރިޔާ
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމުގައި ޗުއްޓީހޭދަ ކުރާމީހާ
ފަތުކެއްކިފޮށާ
ނ އަހިގަހުގެ ފަތާއި ތޮއްޓާއި މޫލައިގެން ކައްކައި ކުލަޖައްސައިފައި ހުންނަ ފޮށާ މިއީ އަންނަން ބޭނުންކުރާ އެއްޗެކެވެ
ފަތުޖެއްސެވުން
މ މީހުންކުރާ އަމަލުތައް މަލާއިކަތުން ލިއުއްވުން
ފަތްބޯ
ނއ (1) ފަތްގިނަ (2) މަސްތުވާފަތް ބޭނުން ކުރާ (3) މަޖާޒު: ބޮލުގެ އިސްތަށިގިނަ
ފަތްކެޔޮ
ނ ދޮންނުވާއިރު ފަލަމަޑީގެ ގޮތުގައި ބޭނުންކުރާ ދޮންވުމުން މޭވާއެއްގެ ގޮތުގައި ބޭނުންކުރާ އެއްޗެއް. މިސާލު: ބޮންތިރަތްކެޔޮ. ސަންޕާކެޔޮ ފުސްކެޔޮ މާޅޮސްކެޔޮ ބޮޑުކެޔޮ އޮށިކެޔޮ ރަތްކެޔޮ ކަނދިލިކެޔޮ ސުވާސާކެޔޮ ފުސްމާޅޮސްކެޔޮ
ފަތްދިޔަ
ނ އަހިމުލުން ތައްޔާރުކުރާ ދިޔައެއް. މިއީ ފޭލިފަދަ ތަކެތި ވިއުމަށްޓަކައި އުއިގައި ކުލަޖެއްސުމަށް ބޭނުންކުރާ އެއްޗެކެވެ
ފަތްސިލުނބުފުޅު ވަތްކުރުން
މ ދުންފަތް އެޅުން މިބަސް މިގޮތަށް ބޭނުން ކުރަނީ އާދައިގެ މީހަކު ބޭފުޅަކަށް ފަތްސިލުނބުފުޅު ވަތް ކުރާނަމައެވެ
ފަލިޖެހުން
މ އޮޑިދޯނިފަހަރު ކުރިޔަށް ނުވަތަ ފަހަތަށް ގެންދިއުމަށްޓަކައި ފެނުގައި ފަލިދޫ އަޅުވައިދެމުން ތަކުރާރުކުރުން
ފަލްސަފާ
ނ (1) ބުއްދިވެރިކަމުގެ ޢިލްމު. (2) ކަމެއްގެ ބޭނުން ޢާންމު ވިސްނުމަށް ޤަބޫލު ކުރެވޭ ގޮތަށް ވިސްނައިދީފައިވާ ވިސްނައިދިނުން (3) ބައެއް ނުވަތަ ޖަމާޢަތެއްގެ މީހުންގެ ވިސްނުން ހުންނަގޮތް (4) ކަންކަމާމެދު ބުއްދި ޤަބޫލުކުރާގޮތަށް ދައްކައިފައިވާ ހަމަ
ފަލްސަފާވެރިޔާ
ނ (1) ބުއްދިވެރިޔާ (2) ޙިކްމަތްތެރިޔާ (3) ކަންކަމާމެދު ޤަބޫލުކުރާގޮތަށް ހަމަދައްކާ މީހާ (4) ފަންނީ އަދި ޢަމަލީ ޢިލްމުތައް ނޫން ސިކުޑީގެ ހަމަވިސްނުމުގެ ޢިލްމު ލިބިފައިވާ މީހާ
ފަސިންޖަރު
ނ (1) ދަތުރު ފަތުރުކޮށް އުޅޭ އުޅަނދެއްގައި އެއްތަނުން އަނެއްތަނަށް ދިއުމަށް ދަތުރުކުރާމީހާ (2) ފާސިންޖޯރު
ފަސްހަނގުރާމަބެލުން
މ (1) ހަނގުރާމަ ކުރާމީހާގެ ބުރިކަށި ހިމާޔަތް ކޮށްދިނުން (2) ހަނގުރާމަ ކުރާލަޝްކަރުގެ ފަހަތުން ބަޔަކު ހަމަލައެއް ދޭތޯ ބެލެހެއްޓުން (3) މަޖާޒު: ކަމެއް ނުވަތަ ތަނެއް ބޮއްސުންލިޔަ ނުދީ ހުރިހާކަމެއް ބެލެހެއްޓުން
ފަސްބެރުގައިޖެހުން
މ ގާއޮޑީލަވައިގެ އަންބާބެރު ޖަހާއިރު ޖަހާފަސްބެރުޖެހުން )އިހުގައި ރާތީބު ކުރާއިރުވެސް މި އަންބާ ބެރު ޖަހައެވެ
ފަސްކަނިދަށް
ނ ކަތިރިޔަލުގައި ދަތުރުކުރާއިރު ދޯނީގެ ދަށްކިބައިން މެދު އޮޑިން ފެށިގެން ދަންމާނު ބުޅިއާދޭތެރޭ ރިޔަލު ދަށުން ފެންނަތަން
ފަސްއަށި
ނ ގަނޑުވަރުތެރޭގައި ހުންނަ ހަނގުބޭކަލުން ދަމަށް ދުރުވާ ފަސްއަށި )ހ( ފުޅިދޮށު އަށި )ށ( އިސްވަރު އަށި )ނ( ވެލާނާވަރު އަށި )ރ( ހަކުރާވަރު އަށި )ބ( ބޭރުބޮޑު އަށި
ފަސްއަނބުރާ
ނ ވާއަޅާއިރު ވަލުގެ އުޅިތައް ނިޔުޅުން ވިޔަނުދީ އެނބުރުން ހަރުކުރާ މީހާ
ފަސްއޮށް
ނ (1) ފަސްއޮށުން ކުޅޭ ކުޅިވަރެއް މިކުޅިވަރު ކުޅުމަށް ބޭނުންކުރާ އޮށްތައް ޢާއްމުކޮށް ހަދައިފައި ހުންނަނީ ބިއްލޫރިންނެވެ (2) ފަސްއޮށް ކުޅެން ގެންގުޅޭ އޮށްތަކުގެ ތެރެއިން އޮށެއް
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފަސްމުގުލަށްޖެހުން
މ (1) ވަލަށް ދޫވަމުންގޮސް ވަލުގެ އެންމެކޮޅަށް ދިއުން (2) އިތުރަށް ދޫކުރާނެ ތަނެއް ނެތުން (3) މަޖާޒު: ގޮތްހުސްވުން (4) ކުރާނެ ކަމެއް ނޭނގުން