radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ވަކިގަނޑު
ނ ގުޑިޔާއި ތެލަނގަ ފަދަ އެއްޗެހީގައި އަޅާން އޮފު ކަރުދާހުން ނުވަތަ ވަރަގު ކަރުދާހުން ކަފައިގެން ހަދާ ނުވަތަ ދަވާދުން ފަވައިގެން އަޅާ ތުނޑު ކުރެހުން ގަނޑު
ވަކުބުޑު
ނ (1) ދިޔަގަނޑު ކޮޅުފަސްކޮޅަށް ދިޔަނުދިނުމަށްޓަކައި ކޮށިފިލަޔާ ވައްގަނޑާ ދެމެދުގައި ޖަހައިފައި ހުންނަ ފިލާކޮޅު )ދިޔަހަރު( (2) ބުޑު ވައްގަނޑުގެ ފޫ
ވައިކަރަދޫ ބޮޑުރޯނު
ނ އިހުޒަމާނުގައި ދިވެހި ގުރާބުތަކުގެ ބޭރުގައި ހަރުކުރަން ތައްޔާރުކުރާ ރޯނެއް. މިހަރުކޮށްފައި ހުންނަނީ ބޮނޑިބޮނޑިހުރިގޮތަށެވެ. މިހަރުކުރުމުގެ ބޭނުމަކީ ބަޑީގެ އުންޑައިން އުޅަނދު ސަލާމަތް ކުރުމެވެ
ވައިކިހުނު
ނ ކިހުނުގެ ބާވަތެއް މިބަލީގައިވާގޮތަކީ ލޭއައުމެއް ދޮސްއައުމެއް ނެތި ދަށްބަނޑު ފުއްޕައިފައި ރިހުމާއެކު އާދަޔާ ޚިލާފަށް ކުޑަކަމު ދާންވަނީއެވެ
ވައިކެރި
ނ ވަޔާއެކު ހިމަހިމަކޮށް އަންނަވާރޭ
ވައިވަނި
ނ ދިވެހި ރުކުގައި ގަންނަ ތަކެތި ޅައިރު ލިބޭ ގެއްލުމެއްގެ ސަބަބުން ފެޅިފައި ހުރެ ހަރުވީމާ ކިޔާ ނަން
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވައިވަރުކުރުން
މ ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭހައި ވަރަށް ދަތުރުކޮށް ވައިމައްޗަށް އެރުން
ވައިވަރުވުން
މ (1) ރިޔަލު ދަތުރުގައި ދާންވީތަނަށް އެއްއަތު ދެވޭގޮތަށް ވައި ލިބުން (2) ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭ ވަރަށް ދަތުރުކޮށް ވައިމައްޗަށް ދެވުން
ވައިމަތިނުބައިވުން
މ (1) ވިއްސާރަ ވައްތަރުވުން (2) ކުރާން އުޅޭކަމަކަށް ހުއްޓުން އަރާ ފަދަ ކަމެއް ނުވަތަ އެކަމަކަށް މަސައްކަތް ކޮށްފިއްޔާ ގެއްލުމެއް ލިބިދާނޭ ފަދަ ލިސާނެއް ފެނުން (3) މަޖާޒު: އަމުރުވެރިއަކު ނުރުހޭގޮތް ފެނުން
ވައިފަހިކުރުން
މ ރިޔާނަގާ އެއްޗެހި ފުރާއިރު ރިޔަލުގައި ވައި އެޅޭ ގޮތަށް ފައްސިޔަ ކުރުން
ވައިފެން
ނ ވަޔާއި ފެން
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
ވައިދުނި
ނ (1) އާދަޔާ ޚިލާފަށް އުޑުމަތީން ފެންނަ ހުދު ދިގު ތުނި ވިލާފަށެއް މިއީ ވައިޖެހޭނެ ކަމުގެ ލިޝާނެއްކަމަށް ބުނެއުޅެއެވެ. (2) އިލޮށީން ނުވަތަ އޮނުން ކުރުފަލަ ތުތިމަހަކާ ގާތްސިފައަކަށް ހަދައިފައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ ގުޑީގެ ބާވަތެއް މީގެ ތިރީގައި ކުޑަ ފިނދުފަތެއް ހުންނާނެއެވެ
ވައިގުރާބު
ނ ރިޔާ ނަގައިގެން ބިންމަތީގައި ދުއްވާން ފުރޮޅުލައިފައި ހަދާ ކުދި އޮޑި ދޯނިފަދަ ތަކެތި )މިއީ ކުޅޭ އެއްޗެކެވެ
ވައިގުޅިޖެހުން
މ "ވައިގުޅީ" ގައި ބަޔާންކޮށްފައިވާ ގޮތަށް ޢަމަލުކުރުން މީގައި ގުޅީގެ ބަދަލުގައި ކައިރިފަށް ބޯކޮށް ހުންނަ ތަށިވެސް ޖަހައި އުޅެއެވެ ފޮތިކޮޅަކަށް ވެލިއަޅައިގެން ބަނދެފައި އޭގެކޮޅު ކާށި ތެލުން ތެންމާ ރޯކޮށް ބަނޑުމަތީގައި ބަހައްޓައިފައި އޭގެމަތިން ގުޅިއެއްޖެހުން މިކަންކުރަނީ ބަނޑުގައި ވައިހެދިގެން ރިއްސާތީއެވެ
ވައިސޫރި
ނ (1) ވައިގުރާބު (2) ބިންމަތީ ބެހެއްޓީމައި ވަޔާ ފުރޮޅެމުން ހަލުއިކޮށް ދުވެފައި ދާނޭހެން ހަދާ ފަންހޮޅި (3) ވައިގުރާބުފަދަ ތަކެތި
ވައިސޫފި
ނ )ބ ( ވައިތެރޭގައި އެނބުރޭ އެއްވެސް އާރެއް ބާރެއްނެތް ފަނި ފަކުސަފާޑުގެ އެއްޗިއްސަށް ކިޔާއުޅޭ ނަމެއް
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވައްޑި
ނ )ގ ( ދަޅު ޑަބިޔާ ފާޑުގެ އެއްޗެހީގެ އެތެރެއަށް ލެވިފައި ހުންނަ ބަނޑި