radheef.info
ރަދީފު


ދި
ނ އަންހެންދަރި
ބޮންޑާފާނަ
ނ އޮޅުފާނައިގެ ބާވަތެއް. މިއީ އާދައިގެ ފާނައަށްވުރެ ބިޔަ ނިގޫފަތުގެ ކޮޅު އެއްވަރަކަށް ހުންނަ އަނގަ ބޮޑު ދަތްތޫނު ގަދަރަތްކުލައިގެ މަހެކެވެ. މަހުގެ ވަށައިގެން ގަދަ މުށިކުލައިން ކައިރިއެޅިފައި ހުންނަ ނޫކުލައިގެ ތިކިތަކެއް ހުރެއެވެ. އަދި ބުރިކަށިމަތީގައި ހުރަހަށްވާގޮތަށް ފުޅާ ދެތިން ގަޅި ހުރެއެވެ
ބޮޅުވޮށި
ނ އެކިވަރުގެ ބޮޅު ވަށްކުރާންގެންގުޅޭ އެކި ވަރުގެ ދަގަނޑުކޮޅު މިއަށް "މުދިވޮށި" މިހެންވެސްކިޔައެވެ
ބޮޅުޖެހުން
މ (1) އުއި ފަށުވި ކަސަބު ފަދަ ތަކެތި ބޮޅުބޮޅަށް އޮޅައިފައި ގޮށްޖެހުން (2) ދިޔާ ހަކުރުފަދަ އޮލަ ތަކެތިން އިނގިލި ގުދުކޮށްލައިގެން ނެގޭވަރަކަށް ނެގުން
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮކަރުގަސް
ނ ފަތްތައް ބޮނޑިބޮނޑިއަށް ހުންނަ ގަސްގަނޑުދިގު ލަކުޑީގައި މީރުވަސް ދުވާ ގަހެއް މިއީ ވަރަށް އުމުރުދިގު ގަހެކެވެ މީގެ ލަކުޑީން އަތަރުހަދައެވެ
ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބޮކިއެނދުން
މ (1) އެލެކްޓްރިކް ބޮކީގައި ހުންނަ ނަރުކޮޅު އަނދައިގެން ނުދިއްލޭގޮތްވުން (2) މަޖާޒު: ލޯކަނުވުން
ބޮކިއެރުން
މ ދިޔާ އެއްޗެއްގެ މައްޗަށް ބޮކި ނުކުތުން
ބޮކިޖެހުން
މ (1) އެއްޗެއް ކެކެމުން އަންނައިރު އަޑިން އަރާބޮކި މައްޗަށް ފާޅުވުން (2) އެއްޗެއް ވިރުވާ އަޅާއިރު އޭގައި ކުދިކުދި ބިހިހެން ތަންތަން ހުރުން (3) ބޮކި ހަރުކުރުން
ބޮއި
ނ (1) ތަނެއް ނުވަތަ އެއްޗެއް ފާހަގަކުރުމަށްޓަކައި ފެންމަތީ އޮންނާނެހެން ހަރުކޮށްފައި ނުވަތަ އުޅަނދުފަހަރު އެޅުމަށް ފެންމަތީ އޮންނާނެހެން ހަރުކޮށްފައި އޮންނަ ކޮންމެ އެއްޗެއް (2) އުޅަނދުފަހަރު ތަނެއްގައި ނުވަތަ އެއްޗެއްގައި ޖެހިގެން ގެއްލުމެއްވިޔަ ނުދިނުމަށް ކައިރިފަށުން ބޭރުން އެލުވައި ހަރުކޮށްފައި އޮންނަ އެއްޗެއް (3) ބުއިން މިބަހުގެ ވާކަމާއި އަމުރު
ބޮއިލުން
މ (1) ދިޔާއެތި ފޮދެއް ދިރުވައިލުން (2) އެއްޗެއްލޮވެލުން (3) މޫދުގައި ނުވަތަ ކަނޑުގައި ބޮއިހަރުކުރުން
ބޮއިގަސް
ނ ގާތްގަނޑަކަށް 03 މީޓަރު އުސްމިނަށް ބޯކޮށް ފެތުރިހެދޭ ގަހެއް މިގަހުގެ ފަތްހުންނާނީ ހިތެއްގެ ސިފައިގައި ކުޑަތަންކޮޅެއް ފުލަށް ދިގު ކޮށެވެ ފަތުގެ ނާރުތައް ފާޅުކޮށް އެނގެން ހުންނާނެއެވެ މިގަހުގައި އަޅަނީ ދަނބުކުލައަކަށް ދާއޮށެކެވެ މިއޮށް ނުކުންނަނީ ފަތްވަޅުތަކުންނެވެ
ބޮއް
ނ (1) ފެނުގައްޔާއި އެއްގަމުގައި އުޅޭ ފުމެމުން ހިނގާ އަނގަބޮޑު ސޫތްޕެއް (2) އަތްމަތީ ހަތިޔާރު )އަތުންޖަހާބަޑި( ގޮއްވައިލަން ނައްޓައިލާ ތަން މިއީ އިހުގައި ކިޔާ އުޅުނު ގޮތެކެވެ (3) މަޖާޒު: ޅަކުދިން
ބޮއްބޯ
ނ )ސ.( ކިރުއެރިފައިވާ އުރަމަތި. މިއި ކުޑަކުދިން ވާހަކަދައްކައި އުޅޭއިރު ކިޔައި އުޅޭ ގޮތެކެވެ. ފެން ނުވަތަ ދަޅު ކިރުފަދަ އެއްޗެހި ބޯން ބޭނުންވީމާވެސް މިހެން ކިޔައެވެ
ބޮއްބޯކެޑާ
ނ ކުޑަކުދިންގެ ބަހުރުވައިގައި އުރަމަތީގެ ވައްގަނޑު
ބޮއްކަނި
ނ )ތ ( ރާބޮނދި
ބޮއްކުރާދޮށަށް އޮޑިކެނބުން
މ މަޖާޒު: (1) ފިރިހެނުން ހޯދަން އަންހެނުން ދިއުން (2) ނޯކަރު މީހާގާތަށް ސާހިބުމީހާ ކަންތަކާ ދިއުން
ބޮއްކޮައްޔާ
ނ )ގ ( ދިޔަހިއްކާފައި
ބޮއްކޮއި
ނ )ގ ( ދިޔަހިއްކާ ފައި
ބޮއްވުން
މ އެއްޗެއް ބޯންދިނުން