radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްނިގޫ
ނ ނިގުލުގެ ކޮޅު ގޮށެއްހެންހުންނަ ނިގޫ
ގޮށްރާޅު
ނ (1) އޮޔާ ވަޔާ އިދިކޮޅުވުމުގެ ސަބަބުން އެގޮތް މިގޮތަށް އުފެދިފައި ހުންނަ ރާޅު (2) ގޮށްގޮށަށް ހުންނަރާޅު (3) މަޖާޒު: މަސައްކަތެއްގެ ތެރޭގައި މީހަކު އުފައްދާ ހަމަނުޖެހުން
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮށްމަޅި
ނ ހަތަރު ފަރާތަށް ހަތަރު ކަންގަނޑު ހުންނާނެހެން ޖަހާގޮށެއް. މި ގޮށްޖަހައި އުޅެނީ މަލާފަތްކޮޅު ތަށިކޮޅުފަދަ އެއްޗެހި ބަންނައިރުއެވެ
ގޮށްފަޅި
ނ ވަލުގެކޮޅު ނިއުޅުނަނުދިނުމަށް ވަކިވައްތަރަކަށް ޖަހާގޮށެއް
ގޮށްފަޅިއެޅުން
މ ވަލުގެކޮޅު ނިއުޅަނުދިނުމަށް ވަކިވައްތަރެއްގެ ގޮށެއްޖެހުން
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮނިވުން
މ (1) އެތެރެއަށް ލެނބުން (2) އެތެރެއަށްޖެހުން (3) އިތި ވުމުގެ އިދިކޮޅު
ގޮންކާށި
ނ ފޭލީގެ ކޮޅުމަތީގައި އަޅާ ދުޅައެއް
ގޮބު
ނ (1) މިދިލިގަހުގައި އަޅާވައް (2) ބައެއް އެއްޗެހީގެ ކޮޅުގައި ހަރުކޮށްފައި ހުންނަ ތަން މިސާލު: ދިދަދަނޑީގެ ކުރީގައި ހަރުކޮށްފައި ހުންނަ ގޮބު (3) ތަޅުފަދަ އެއްޗެހީގައި ހިފަން ހުންނަ ބައި (4) އަލަމާރި ވަތްގަނޑު ފަދަ އެއްޗެހި ހުޅުވާއިރު ހިފުމަށް ވަށްކޮށް ހަދައިފައި ހުންނަ ބައި
ގޮއްލަ
ނ ލަނބުރާނުގެ ކޮޅުގައި ޔާރީޖެހުމަށް ލަކުޑިން ލިޔެފައި ހަރުކޮށްފައި ހުންނަ ލޯވަޅުއެޅި އެއްޗެއް
ގޯސީބުން
ނ ނާފަހަރުގެ ކަމަރާމަތީ ކަލްމީ ކުނބު )ކޮޅުފަސްކޮޅު ކުނބު( ގައި އެއްކޮޅު ވިއްދައިފައި އަނެއްކޮޅުގައި ކަފިގަނޑެއްލައިފައި އޮންނަ ފަލަ ލަކުޑިގަނޑެއް. މިއީ ގޯސީ ރިޔާ ނަގާއިރު ފަރުމާނަކަށް ބޭނުންކުރާ އެއްޗެކެވެ
ގޯސީވަންދޭލަ
ނ ނާފަހަރުގެ ގޯސީބުގެ ފަހަތުކޮޅުން ފެށިގެން ކުރުސި ގަނޑަށް ހުންނަވައިރު
ގޯސްގޮވުން
މ (1) ދެކޮޅުނުޖެހޭ ވާހަކަ ދެއްކުން (2) ތާކުން ތާކު ނުޖެހޭ ވާހަކަ ދެއްކުން (3) ވިޔާނުދާ ވާހަކަ ދެއްކުން
ސަނާގަނޑު
ނ (1) ބޮޑު މާލޫދު ފެށުމުގެ ކުރިން ކިޔާ ބޮޑު ޞަލަވާތާއި ޅެންބައި (2) ކަމެއް ފެށުމުގެ ކުރިން އެކަމެއް ތަޢާރަފު ކުރުމަށް ދައްކާ ވާހަކަކޮޅު
ސަރާސަރު
ނއ (1) އެއްކޮޅުން އަނެއްކޮޅަށް (2) ނިވަލެއް ނެތް (3) ހުރަހެއް ނެތް
ސަބުދެރިޔާ
ނ )ގ ސ ( ނާލުބައްތެއްޔާއި ބައްތެލި ދޯނީގައި ދިރުނބާކޮޅު ފެންފިލާމަތިން ދައްސޫރަ އޮންނަގޮތަށް ލަކުޑިން އަޅައިފައި އޮންނަ އެއްޗެއް
ސައްކަރަންޏާ ދޮރޯށި
ނ ގުޅަކުޅޭ ފަސްގަނޑުން އުތުރަށް ދާން ނުކުންނަ ދޮރޯށި މިދޮރޯށި ހުރީ ސިފައިންގެ ގޭގެ ހުޅަނގުން އިބްރާހީމީ މަގުގެ ދެކުނު ކޮޅުގައެވެ