radheef.info
ރަދީފު


ބަ
އ އައްބަ
ރޭނުން
މ (1) އުވަޔާއި ވެއްޔާ އެއްކޮށް ގަށައިގެން ގާ ބަހައްޓަމުން އެ އަޅަމުން ތަނެއް ހަދަމުން މައްޗަށް ނެގުން ސިމެންތި ލައިގެންވެސް ރާނައެވެ ބައެއް ފަހަރަށް ހުސް ގަލުންވެސް ރާނައެވެ (2) ސިލުނބު ތަވާ ފަދަ ތަކެތި ބޭނުން ހިފުމުގެ ކުރީގައި އަލިފާނުން ހޫނުކޮށްލުން
ރޭކަނު
ނ އިރުއޮއްސުނީއްސުރެ ފަތިސްވަންދެން ލޮލަށް އަނދިރިވެފައި ހުންނަ ބައްޔެއް
ރޭކުރެއްވުން
މ ރޭކުރުން މިބަހުގެ މާތްގޮތާއި އެންމެ މާތްގޮތް
ރޭފަނާނާރާކުދިން
ނ (1) ކަންހުރިގޮތް ނޭނގޭ ވަރުކުދިން (2) އާދަކާދަ ނުފިލާވަރު ކުދިން މިބަސް ޒުވާނުންނަށް ބޮޑެތި މީހުންނަކަށް ކިޔައެއް ނޫޅެއެވެ
ރޭފާން
ނ (1) ރޭގަނޑު ލޯއަނދިރިވާ ބައްޔެއް (2) ނަކަތް ތެރިން ބަހުރުވައި ގައި ރޭގަނޑު ކަންތައް ކުރާން ރަނގަޅު ވަގުތު
ރޭދުވާމަގު
ނ އަބަދާ އަބަދު
ރޭލުފަށް
ނ ބައްތެލި ދޯނިފަހަރާއި ބައްތެލި ފަހަރުގެ މަތިކަނާ ހަމައިގާ އަޅައިފާ ހުންނަ ފަށް މިފަށް އަޅަނީ އެލްމެނިއަމް ނުވަތަ ލޮއިންނެވެ ފަތޭރިމަޑޫ ކޮށުމުގައި މިފަށް ހުންނަގޮތަށް ތައްޔާރުކޮށްފައި ހުރެއެވެ
ރޭސް
ނ (1) އެކަކު އަނެކަކަށްވުރެ ނުވަތަ އެއްބަޔަކު އަނެއްބަޔަކަށްވުރެ ކުރި ހޯދުމަށް ކުރާ ވާދަ. މިސާލު: ހަތިޔާރުގެ ރޭސް. (2) ދުވުމުގެ ނުވަތަ ދުއްވުމުގެ މުބާރާތް. މިސާލު: ކާރުރޭސް ރިލޭރޭސް އަސްރޭސް ދޯނިރޭސް (3) ބާރުދުވެލި މިސާލު: ދުވެލިބާރު ނުކުރާށެވެ
ރޭޑިއޯމެސެޖު
ނ ރޭޑިޔޯ ތެލްފޯނު މެދުވެރިކޮށް ފޮނުވާ ބަޔާން ނުވަތަ އަންގާއެންގުން
ރޭޒާ
ނ ވިރިކެކޭ ބައެއް މަޢުދަނުންނާއި ފައިބަރުފަދަ ތަކެތިން އެކިބޭނުމަށް ހަދައިފައި ހުންނަ ފުއް ނުވަތަ ފޯލި މިއީ އެނބުރޭ ބައެއްކަހަލަ ތަކެތީގެ އެނބުރުން ހަލުއިކުރުމަށް އެތަކެއްޗަށް ލައްވާއެއްޗެކެވެ
ރޮށި
ނ (1) ފުށް މޮޑެ ތުނިކޮށް ދަމައިގެން ފިހާ ކާއެއްޗެއް (2) ކާފޫރު ބަންޑެލީގެ ފޮތިފޮތި (3) )ސ ( ފަރުޖު
ރޮނގު
ނ (1) ކޫރު (2) ފޮތެއްގައި ނުވަތަ އެއްޗެއްގައި ދަމާ ފަށް (3) ސީދަލަށް ނުވަތަ ބައްޓަމަކަށް ހިމަދިގުކޮށް ދަމާފަށް (4) ފަންނު (5) މަގު
ރޮނގުދެމުން
މ (1) ފޮތެއްގައި ނުވަތަ އެއްޗެއްގައި ފަށްދެމުން (2) ސީދަލަށް ނުވަތަ ބައްޓަމަކަށް ހިމަދިގުކޮށް ފަށްދެމުން
ރޮނގުތެޔޮމަސް
ނ ފަރުމަހުގެ ބާވަތެއް މިއީ މަސްގަނޑުގެ ތެޔޮކަންގަދަ ފަރުމަހުގެ ބާވަތެކެވެ އުމުރުން ގިނަ ދުވަސްވީވަރަކަށް ކުލަގަދަވަމުންގޮސް ކަޅުކުލައަށް ބަދަލުވާ ގަދަމުށި ކުލައިގެ މަހެކެވެ މިމަހުގެ ނިގޫފަތް ކުޑަވާނެއެވެ ނިގޫކޮޅުގެ ދެފަރާތުގައި ކުޑަދެކުރަގަނޑާއި ބޮޑު ކުރަގަނޑެއް ހުރެއެވެ
ރޮނޑު
ނ ހަންބޯ ރާޅު ދަތްގަދަ މަސްހަރު އަނގަކުޑަ މޫދުމަހެއް މިއީ ފަޅުތެރޭގައި ހާލި ހަދައިގެން ބިސްއަޅާ އެބިސް ބަލަހައްޓާ މަހެކެވެ
ރޮކެޓު
ނ ވަރަށް ބާރަށް ފަހަތަށް ފޮނުވައިލާ މާއްދާއެއްގެ ސަބަބުން ކުރިޔަށްދާގޮތަށް ހަދައިފައިވާ އެއްޗެއް މީގެ އެންމެ ޢާއްމު ވައްތަރުތައް ހުންނަނީ އެއަށް އަޅައިފައިވާ އަނދާ މާއްދާތަކާއި އޮކްސިޖަން އެއްކޮށް އަންދައިގެން އުފެދޭއާވި ފަހަތަށް ފޮނުވާ ލައިގެން ދުއްވާގޮތަށެވެ. މިއެންމެ ޢާއްމުގޮތެއްގައި ބޭނުންކުރަނީ ހެދިހަނދު ފަދަ އެއްޗެހި ޖައްވަށް ފޮނުވުމަށާއި ޖައްވީ އުޅަނދު ފަހަރުގެ ދަތުރުތަކުގައެވެ
ރޮއި
ނ (1) ގިނަދުވަހު ނުފިލާ ހުންނަ ކަށިމަތީގައި ހެދޭ ފެންފައިބާ ހިރުވާ ފާރެއް. (2) ރުއިން މިބަހުގެ އަމުރު
ރޮދިފަނި
ނ އިންސާނާގެ ބަނޑުތެރޭގައި ފަލަގޮހޮރުގެ ފަހަތުބައިގައި އުޅޭ ދިރޭ އެއްޗެއް މިފަނި ހުންނާނީ ފަނިވެގެން އުޅޭ މީހާ ބޮޑުކަމުދާ ނަޖިހުގެ ތެރޭގައި ހުދުކުލައިގެ ކުދިކުދި ރޮދިބުރިތަކެއް ހެންނެވެ
ރޮދިޖެހުން
މ (1) ދިވެހިލިބާހުގައި ބޯވަޅު އަޅާއިރު ދެހިރު ދޭތެރޭ ބަގިޔާ ޖެހުން. (2) ފޮތިގަނޑެއްގައި ނުވަތަ ހެދުން ފަދަ އެއްޗެހީގައި ފަތި ޖެހުން
ރޮދު
ނ މަސްބައްދާން ގެންގުޅޭ ވާ ނުވަތަ ފަން