radheef.info
ރަދީފު


ޔާރު
ނ (1) އިޔާރު (2) ރަޙުމަތްތެރިޔާ (3) އެކުވެރިޔާ
އާލަތްކުރުން
މ ނާފަހަރުގެ ރިޔަލަށް ގޮތްހަދަން ތައްޔާރުކުރުން
އާލާތްކުރުން
މ ނާފަހަރުގެ ރިޔަލަށް ގޮތްހަދަން ތައްޔާރުކުރުން
އިންސާފުގައިޖެހުން
މ (1) ޝަރީޢަތުގައި ޖެހުން (2) ފަނޑިޔާރުގެއަށް ދާންޖެހުން
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިލޮށިޖެހިކެޔޮ
ނ (1) ބަނބުކެޔޮ މަޑުކުރާ އިރު މަޑުވެއްޖެތޯ ބަލާން އިލޮށި ހަރާފައި ނަގައި ކާލާ ކެޔޮކޮޅު (2) މަޖާޒު: ކޮންމެވެސް ބޭނުމަކަށް ތައްޔާރުކުރާ އެއްޗެހީގެ ތެރެއިން އެގޮތް މިގޮތަށް ނެގޭ ތަކެތި
އިސްތިންޖާކަރުދާސް
ނ އިސްތިންޖާކުރުމަށް ތައްޔާރުކޮށްފައި ހުންނަ ޚާއްޞަކަރުދާސް
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އީދުއަތިރި
ނ ރަށްރަށުގައި ޢީދުކުޅެން ތައްޔާރުކޮށްފައި އޮންނަ އަތިރި
އުއްތަމަ ފަނޑިޔާރު
ނ. (ބދ) އިސްފަނޑިޔާރު (ގާޟީއަލްގުޟާތު)
އުއްތުން
ނ (1) ރަންރިހިފަދަ ތަކެތި އެކަމަށް ތައްޔާރުކޮށްފައި ހުންނަ ޚާއްޞަ ފެނެއްގައި ކައްކައިގެން އެޔަށް ގެންނަ ރީތި ކުލަ. (2) )މ.( މިކުލަ ގެނައުން
އުވަވަޅުޖެހުން
މ ވަޅެއްކޮނެ އެއަށް ދަރުއަޅައި އޭގެމައްޗަށް ގައު އަޅައި އުވަދަވާން ތައްޔާރުކުރުން
އުވަގެށުން
މ އުވަޔާއި ވެލީގެ ތެރެޔަށް ފެން އަޅައި ރަނގަޅަށް އެއްކޮށްގެން ރާނާން ތައްޔާރުކުރުން
އުޑިއެޅުން
މ (1) އެއްޗެއް މުގުރުމަށްޓަކައި އުޑިތައްޔާރުކުރުން (2) އުޑީގެ ނާރެހުގައި މަތީކިބަ އެޅުވުން )އެއިރުހުންނަންވާނީ އުޑީގެ ދަށުގައި އެއްޗެއް ފަތުރާފައެވެ
އެހެންނާ
އ (1) ނުވަތަ (2) ނޫނީ މިއީ ދެއެއްޗަކުންކުރެ އެކައްޗެއް ނުވަތަ ދެގޮތުންކުރެ އެއްގޮތެއް ޚިޔާރުކުމަށް ބުނާ ބަހެކެވެ ކއ (3) މީގެކުރީން (4) އެހެން ފަހަރަށް
)މިސާލުބަހެއް( ކަމަކާމެދު އެއްވަރަށް އިޚުތިޔާރު ލިބިފައިވާ ދެމީހަކަށް އެކަމެއް ރަނގަޅަކަށް ނުހިންގޭނެއެވެ އެއްއުރާގައިދެކަނޑިޔަކަށްނޯވެވޭނެއެވެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެތިފަހަރުއުކުން
މ ހަނގުރާމާގައްޔާއި ހެވިކަމުގައި އަނެކަކުގައިގާ ޖަހާން ހަތިޔާރު އުކުން
އެތިފަހަރުއެއްލުން
މ ޙަމަލާދީގެން އޮންނަ މީހާގައިގައި ޖަހާން މަޅައިގަންނަ ހަތިޔާރު ދޫކޮށްލުން
ވަންދޮށަށްދިއުން
މ އިހުގައި ރޯދަމަހުގެ ރޯދަވީއްލުމަށް ގަނޑުވަރުގެ ބޮޑުބަދިގެދޮށަށް ޢާންމުން ދާ ދިއުމެއް މިކަމަށް ބޮޑުބަދިގެ ދޮށުގައި ހަނޑޫ ކަނޑާ ވަނެއްގެ މަތީގައި ދޮލަނގަށް ކަދުރާ އަދި ބައެއް ތަކެތި އަޅައި ތައްޔާރުކޮށް ބަހައްޓައިފައި ހުރެއެވެ
ވަޅު
ނ (1) އެކިއެކި ބޭނުމަށްޓަކައި ކޮނެފައި ހުންނަ ތަންތަން. (2) ބައެއް ޚާއްޞަ ތަންތަނަށް ނަން އިތުރަކާ ގުޅައިގެން މަރުވަޅު ފުރޯވަޅު ސަޖިދަވަޅު ފުއްވަޅު މިގޮތްގޮތަށް ކިޔައެވެ. (3) ފެން ބޭނުންކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިގެންނާއި އެ ނޫން ގޮތްގޮތަށް ތައްޔާރުކުރާ އެއްޗެއް (4) )ލ ( ވަޅި