radheef.info
ރަދީފު


ސޫ
ނ (1) ޒަކަރު (2) )ބދ ( ކުޑަކަމުދާ ހާޖަތް
މަޤާމްފުޅު
ނ ރަސޫލު ބޭކަލުންނާ ނަބީބޭކަލުންނާ ވަލީވެރި ބޭކަލުންގެ އަސަރުފެނިގެން ނުވަތަ އެބޭކަލުންގެ ހަނދާނުގައި ހަދައިފައިވާ ތަންތަނަށް މަތިވެރި ކުރުމުގެ ގޮތުން ކިޔާއުޅޭ ނަމެއް މިސާލު: އިބްރާހީމުގެފާނުގެ މަޤާމުފުޅު ތަބުރޭޒުގެ ފާނުގެމަގާމުފުޅު
މާރިނދަ
ނ ކަނޑުގައި އުޅޭ ވަރަށް މަދުން އެއްގަމަށް އަރާ ސޫތްޕެއް މި ވައްތަރުވާނީ ފެންހަރުފައާއެވެ މިއީ ވަރަށް ތޫލި އަޑަކުން ގޮވާ އެއްޗެއްކަމަށް ބުނެވެއެވެ
މާބުރު
ނ އުދުހުމުގެ ބާރުގަދަ ދިހުންކުލައަރާ ކަޅުކުލައިގެ ސޫތްޕެއް މިއީ ވަކަރާއި ލަކުޑިފަދަ ތަކެތި ތޮރުފައިގެން ވަދެއުޅޭ އެއްޗެކެވެ
މިޢުރާޖު
އ (1) މަތިވެރި ދަރަޖަ (2) މަތިވެރިމަޤާމް (3) މާތްރަސޫލާމަލަކޫތީ ޢާލަމަށް ކުރެއްވި ދަތުރުފުޅު
މިޢުރާޖުއަރާވަޑައިގަތުން
ނ ރަސޫލުﷲ ޞައްލައްﷲ އަލައިހި ވަސައްލަމަ އަލް މަސްޖިދުލް އަޤްޞާއިން މަލަކޫތީ ޢާލަމަށް ކުރެއްވި ދަތުރުފުޅު ކުރެއްވުން
މީދާ
ނ މީހުންނަށް އުނދަގޫކޮށް ގެއްލުންދީ ޖެއްސުންކުރުމުގެ މިޒާޖު އިންތިހާ ދަރަޖައަށް ލިބިފައިވާ ހިކަންޖާ ވައްތަރު ލޯއަލި ސޫތްޕެއް މިއީ ދަތްތަކުގެ ބާރު ވަރަށް ގަދަ ވިހަ އެއްޗެކެވެ
މުޅަތަކެތި
ނ ހުއްދަ ކަތިލުމެއްގެ ސަބަބުން ނޫންގޮތެއްގައި މަރުވާ މަސްކެއުން ޙަލާލު އެއްގަމު ސޫފި
މުކައްލަފު
ނ އިވުން ނުވަތަ ފެނުން މިދެޙިއްސުން ކުރެޙިއްސެއް ސަލާމަތުން ހުރުމާއެކު ރަސޫލު ބޭކަލަކު ދީނަށް ގޮވާލެއްވި ގޮވާލެއްވުން އެމީހަކާ ހަމައަށް ވާޞިލުވެފައިވާ ބުއްދިހުރި ބާލިޣުވެފައިވާ މީހާ
މުޑުވައްކުރުން
މ (1) މުޑުވައް އިންދައިގެން އެއިން ގަސްފަޅައި އެގަހުގެ އެންމެ ޅަދައުރު ދަންދެން ރަނގަޅަށް ބެލެހެއްޓުން (2) ކުކުޅުހާލާއި ގެރި ބަކަރި ފަދަ ބައެއް ސޫފާސޫފި ޖޯޑުކޮށްގެން ދަރިކޮޅެއް އުފެއްދުން
)ކުދިމަސް( މެހި
ނ (1) ފަނި ފަކުސައިގެ ތެރޭގައި ހިމެނޭ ހަފައި ހުންނަ އުދުހޭ ސޫތްޕެއް މިއުފެދެނީ އެއްޗެހީގައި އަޅާ ފުޅައިންނެވެ މީގެ އެކި ވައްތަރު ހުރެއެވެ (2) )ބދ ( ގާގަލަށް ވަންނަ މަސް
މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
މޭބިސްކުރަނޑި
ނ ދޫނި ސޫފާސޫފީގެ މޭގަނޑާއި ބިހާއި ކުރަނޑި )ކަނޑުމަހުގެ މެޔާއި ބިހާއި ބަނޑަށްވެސް މިހެން ކިޔައި އުޅެއެވެ
މޯރާދަގަނޑު
ނ (1) އޮޑިދޯނިފަހަރުގެ ދިރުނބާކޮޅުގައި ހުންނަ ދަގަނޑު (2) ދައްސޫރަ ދަގަނޑު
މޯޅިކޮށްލުން
މ (1) ދޫނިސޫފާސޫފީގެ ފިޔަގަނޑު ގަޔަށް ލަފައިލުން. (2) ހަތްކޮޅު ކުޑަފަދަ ތަކެތި ލައްޕާލުން (3) ލަދުގަސްފަދަ ބައެއް ގަސްގަހުގެ ފަތްތައް ލައްޕައިލުން
ފަނި
ނ (1) ފޮނި ރަހަލާވަރަށް ފެނުގެ ތެރެއަށް ހަކުރު އަޅައިގެން ގިރާ ނުވަތަ ކައްކާ ބުއިމެއް. ތަފާތު ބާވަތްތައް އެއްކޮށްގެންވެސް މިތައްޔާރުކުރެވެއެވެ. މިސާލު: އިސްބަގުލު ފަނި ސާގުފަނި ފުފުލުފަނި (2) ދިރޭސޫތްޕެއް މީގެ ތަފާތު ވައްތަރުތައް އެކިއެކި ވަރުވަރަށް ހުރެއެވެ މިސާލު: ކިލާފަނި އެކިއެކި ބަލިބަލީގެ ފަނި (3) )ޏ ސ ( ރާފޮނި
ސައްޔިދުބޭކަލުން
ނ ކީރިތި ރަސޫލާގެ ދަރިކޮޅަށް ނިސްބަތްވާ ފިރިހެން ބޭފުޅުން
ސައްޔިދުމަތިކޮޅު
ނ ކީރިތި ރަސޫލާގެ ދަރިކޮޅު
ފައިންޕުޅުބީއްސެވުން
މ ކީރިތި ރަސޫލާ ތަނަކަށް ވަޑައިގަތުން
ފައިދިގުމަކުނު
ނ ބަނޑު ދަށުގައި ފޮށިލައިގެން ވިހާ ދިގު އަށްފައި ހުންނަ ސޫތްޕެއް މިއީ ވާ މަކުނަށް ވުރެ މާބޮޑެތި ވިހަގަދަ އެއްޗެކެވެ
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު