radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ހުރާމަސް
ނ ބާވަތެއްގެ ފަރުމަހެއް މިއީ ގާގަލުގައި ތަތްވެފައި އިސްޕަންޖުގޮތަށް ހުންނަ އަޅިކުލައިގެ އެއްޗެކެވެ މިވައްތަރުވާނީ ދޮންކެޔޮވަކެއްގެ ހަތަރުފަޅި ކޮށް އެއްފަޅިއާއެވެ
ހުރިނެތްގޮތް
ނ (1) ކަމެއްގެ ވާނުވާގޮތް (2) ތަނެއްގައި ކަންހިނގާނުހިނގާގޮތް
ހުޅަނގުދެކުނު
ނ ސަމުގާގެ މިސްރާބުން 225 (ޑިގްރީ) ދަރަޖަ
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން
ހުޅިގަނޑު
ނ (1) ބޮލުހުޅި (2) ސިންގާ އާއި އަސްފަދަ ތަކެތީގެ ކަނދުރާ މަތީގައި އޮންނަ ދިގު ކެހެރިގަނޑު
ހުޅުއެޅުން
މ އެއްރަށަކުން އަނެއްރަށަކަށް އަންގާން އަލިފާންދެއްކުން މިކަން ކޮށްއުޅެނީ ކޮންމެވެސް ބޮޑު ޚަބަރެއް އެންގުމަށެވެ
ހުޅުވުން
މ (1) ލެއްޕިފައިހުރި އެއްޗެއްގެތެރެ ހާމަކޮށްލުން (2) ފޮށިފަދަ ތަކެތީގެ ހުޅުލައި ހަރުކޮށްފައި ހުންނަ މަތި ހާކުރުން (3) ޖެހިފިތިފައި ހުންނަ ދެއެއްޗެއް ފޭކޮށްލުން މިސާލު: )ހ( ކަތުރު ހުޅުވުން )ށ( ޗާކުފިޔޮހި ހުޅުވުން (4) ފިހާރަ މަދުރަސާ މަޢުރަޟް ފަދަތަންތަން ހަދާ ނިމިގެން އެތަންތަން ހިންގާން ފެށުން (5) އޮފީސް ފަދަ ތަންތާގެ މަސައްކަތް ހިނގާން ފެށުން
ހުޅުފަނާދިއުން
މ ރޭގަނޑު މަސް ހިފަން ދާއިރު މަސް ގާތަށް ގެނައުމަށްޓަކައި ފަންހުޅިއެއްގައި ރޯކޮށްގެން ނުވަތަ އެހެންވެސް އައްޔެއް ހިފައިގެން މޫދަށް އެރުން
ހުޅުފަން
ނ ރޭގަނޑުގައި ފަޅުން މަސްހިފާމީހާ އޭނާގެ ގާތަށް މަސްގެންނާން ރޯކޮށްގެން ގެންގުޅޭ ފަން ނުވަތަ އެފަދަ ކޮންމެވެސް އައްޔެއް
ހުކުރު ހަތްދުވަސް
ނ ހުކުރު ހޮނިހިރު އާދީއްތަ ހޯމަ އަންގާރަ ބުދަ ބުރާސްފަތި
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުއިވަކި
ނ (1) މޫދުގެ ހުއިގަހުގައި އަޅާއޮށް (2) )ހ ( ބަތާވިގާ
ހުއްފޮނި
ނ )ސ.( ރުކުރާ ގާ ނާޅައި ކައްކައިފައި ހުންނައިރު ކިޔާނަން
ހުއްދަފަތާ ނިކުތުން
މ އިހުގައި ހުއްދަފަތާއި ޚިލާފަށް ހިނގާ ކަންތައް މަނާކުރުމަށް ވެރިކަމުގެ ފަރާތުން ބަޔަކު ނެރުން
ހުއްޓައިލުން
މ (1) ނުހިނގާގޮތް ހެދުން (2) ނުގުޑާގޮތް ހެދުން (3) ނުހެލޭގޮތް ހެދުން (4) ނިންމާލުން
ހުއްޓިހުރުން
މ (1) ނުހިނގާ ހުރުން (2) ނުގުޑިހުރުން (3) ނުހެލި ހުރުން
ހުއްޓުންއެރުން
މ (1) ނުހިނގާގޮތްވުން (2) ވަގުތީގޮތުން މެދުކެނޑުން
ހުވަނދު ފަރުވާ
ނ ގަސްގަހާގެއްސާއި މާމެލާމެލިން ނަގާ އަތަރާއި ހުވަނދު ބޭނުންކޮށްގެން ދޭ ފަރުވާއެއް
ހުވަނދުބޭސް
ނ މީރުވަސްދުވާ ބޭހުގެ ބާވަތްތަކެއް. އެއީ ކެލާ ބޮކަރު ކަޅަނގާރި ލާދަން ފޮތި ހުވަނދު މަހުލަނބޯއޮށް ކޮއްޗޭފަތް ހުއިސުން ކުމުންޒާނި މިއެވެ