radheef.info
ރަދީފު


ލޭ
ނ ދިރޭ ތަކެތީގެ ހަށިގަނޑުގެ ނާރުތަކުގެ ތެރޭގައި ހިތާއި ފުއްޕާމެޔާ ގުޅިގެން ހިނގާ ރަތްކުލައިގެ ދިޔައެއް
ބޮލެޖެހި
ނ (1) މަސްމެރުމަށް މަހުގެ ބޮލުގައި ޖަހާން ގެންގުލޭ މުގުރު ގަނޑު (2) ސާމަރާ މިބަހުގެ 2 ވަނަ މާނަ ބަލާ!
ބޮޑު ގަނޑުވަރު
ނ އިހުގައި މާލޭގައިހުރި ރާއްޖޭގެ ރަސްކަމުގެ ކޮއިލު
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުހުޅު
ނ އައްސުލްޠާނު މުޙައްމަދު މުޢީނުއްދީނު ކުޑަބަންޑާރައިންގެ ރަސްކަމުގައިވީ ސިޔާސީ ގަޑުބަޑުގައި މާލޭގެ ގޭގެ އެންދި އެންދުން
ބޮޑުރޯގާ
ނ 1341ހ ވަނަ އަހަރު، 1922މ ވަނަ އަހަރު، މާލޭގައި ޢާއްމުކޮށް ފެތުރުނު އިންފުލުންޒާއާއި ނިއުމޯނިޔާ ބަލި
ބޮޑުކޯއްޓޭ
ނ އިހުގައި ބޭރުން އަންނަ ނައުޒޯނގުފަހަރު އެތެރެއަށް ވަނީމާ ދިދަނަގާން މާލޭ ބޮޑުކޯއްޓޭ ބުރުޒުމަތީ ކަސްޓަމުގެ އުތުރުން ހުރި ކޯއްޓޭ
ބޮޑުކޯއްޓޭ ބުރުޒު
ނ އިހުގައި މާލޭގައި ކަސްޓަމުގެ އުތުރުން ހުރި ބުރުޒު
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު
ބޮޑުފާރު
ނ އިހުގައި މާލޭގެ ވަށައިގެން ބުރުޒުތަކާއި ގުޅިގެން އެކި ހިސާބު ގަނޑުގައި ލައިފާ ހުރިފާރު
ބޮޑުދަނޑުމަތި
ނ އިހުގައި މާލޭގެ އިރުމަތީ ފަރާތު ފާރުން އަތިރީން އުތުރުބައި
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުދޮލަނގުކޮޅު
ނ (1) ހިތިވިލޭރޭ ފަރިއްކޮޅު ގެންދާއިރު އެންމެ ކުރީގައި ހުންނަ މީހާގެ ބޯމަތީގައި ބަހައްޓައިގެން ގެންދާ ބޮޑު ދޮލަނދު މިހުންނަނީ މުކައްބަ ޖަހައި ހުދުފޮތިން ބަނދެފައެވެ (2) ބޮޑުދޮލަނގު މިބަހަށް އެންމެ މާތްކޮށް ކިޔާގޮތް
ބޮޑުތާހީދު
ނ އެދުރު ޢުމަރު މާފަތް ކަލޭގެފާނު ހެއްދެވި ތާހީދު ރައިވަރުފޮތް
ބޮޑުލަކި
ނ (1) ބޮޑެތި ތެލަނގަ އެއްލައިފައި ހުންނައިރު ލަސްލަހުން އެއް ހަމަޔަކުން ހެލޭ ހެލުން (2) ގުޑި ދަމާއިރު ވަކިގޮތަކަށް މަޑުމަޑުން ހެލޭހެލުން
ބޯމައްޗަށް ފަރުބަދައެއް ވެއްޓުން
މ މަޖާޒު: ނުއުފުލޭވަރު ބުރައެއް އުފުލާންޖެހުން
ބޯދޮލަނގު
ނ ފަނަރަ ބާވަތުގެ ބުއިމުން ތައްޔާރު ކުރެވޭ ކެއުމުގެ ރަސްމީ ދޮލަނގެއް. މީގައި ހުންނަނީ ހަތްބާވަތުގެ ފަންޏާ ހަތް ބާވަތުގެ ކަންޖާ އަދި ހިތިބުލި ބުއްޔަކާއެވެ މިގެންދަނީ ހިތިވިލޭރޭ އިރުއޮއްސޭ އިރަށް ކޮންމެވެސް ބޮޑުބޭކަލެއްގެ ގެއަކުން ހިތި ގެއަށެވެ
ޅައިގައިޖެހުން
މ (1) ދިޔަގަނޑު ބޮޑުވެގެން ޅަޔަށް އަޅައިފައި ހުންނަ އެއްޗެއްގައި ފެންޖެހުން މަޖާޒު: (2) ކަންބޮޑުވުން (3) ސިއްރުން ކުރަމުން އަންނަކަމެއް ފާޅުވުން (4) އޮޑިދޯނުފަހަރުގެ ދިޔަގަނޑު ބޮޑުވަމުންގޮސް ހުޅަތަކުގެ ޅަފަނުން ދިޔަހިލޭވަރުވުން
ޅަދަރިބަފާ
ނ (1) ޅަދަރިންތިބި ފިރިހެނެއް (2) ކުދިންލިބި އެކުދިން ރަނގަޅަށް ބެލޭނޭގޮތް ނެތިފައިވާ ފިރިހެނެއް (3) މަޔަކާ ނުލާ ކުދިން ބަލަންޖެހިފައިވާ ފިރިހެނެއް
ޅަދަރިބަފާކަން
ނއނ (1) ޅަދަރިންތިބި ބަފައެއްކަން (2) ކުދިންލިބި އެކުދިން ރަނގަޅަށް ބެލޭނެގޮތް ނެތިފައިޥާ ފިރިހެނެއްކަން (3) މަޔަކާ ނުލާ ކުދިން ބަލަންޖެހިފައިވާ ފިރިހެނެއްކަން
ޅަދަރިބަފާވުން
މ (1) ޅަދަރިންތިބި ބަފައަކަށްވުން (2) ކުދިން ލިބި އެކުދިން ރަނގަޅަށް ބެލޭނެގޮތް ނެތިފައިވާ ފިރިހެނަކަށްވުން (3) މަޔަކާނުލާ ކުދިން ބަލަން ޖެހިފައިވާ ފިރިހެނަކަށްވުން