radheef.info
ރަދީފު


ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ކޮނޑަށްއެރުން
މ މަޖާޒު: ތިމާއަށްވުރެ މޮޅުމީހަކުލައްވައި ތިމާގެ އެދުމާއި އެއްގޮތަށް ކަންތައް ކުރުވުން
ކޮނޑުކެނޑުން
މ (1) ބަދަނުން ލިބާހުގެ އަތްގުޅާތަން ކެފުން (2) ޏ މަތިވަޑާންގަނޑުގެ ފައިދޮށުގެ ވަހަށް ލައްވާ ކޮޅުން ކެނޑުން
ކޮރުދަން
ނ (1) ބަޑިރޯކުރާ ފޮލިސާއަށް ލައްވާން ފޮތީން ނުވަތަ ކަފައިން ދެއުޅިޔަށް ޅަކޮށް އަނބުރާ އެއްޗެއް (2) ބަޑިރޯކުރާ ފޮލިސާއަށް ލައްވާން ފޮތީން ނުވަތަ ކަފައިން ކުރުފަލަކޮށް ޅަކޮށް އަނބުރާ އެއްޗެހި
ކޮޅިތިލަ
ނ މުށްލައްޕައިލީމާ ކުޑަވައި އިނގިލީގެ މެދު ބަދައިގެ ބޭރު ކައިރީން ބޮޑުވައި އިނގިލީގެ ކޮޅާއި ދެމެދުގެ މިން
ކޮޅުވުން
މ (1) ކަމެއް ނިމުން (2) ފިރިހެން ހަށީގައި ވާގިޖެހުން (3) މީހަކު ލައްވައި ހިންމިޔަށް ހަޅަނގު ވެއްދުން
ކޮޅުފަސް
ނ (1) އޮޑީގެ ކޮޅުފަސްކޮޅު މައްޔަލުގެ މަތީގައި ޚާއްޞަ ވަނައެއްލައިފައި ހުންނަ މުލައް (2) ކޮޅުފަސްކޮޅު
ކޮއްޓެއި
ނ )ބދ ( ލައްކަ
ކޮޕީކަރުދާސް
ނ ދެކަރުދާސްފަށް ދޭތެރެއަށް ލައްވައިގެންމަތީ ކަރުދާހުގައި ލިޔުނީމާ ދަށުކަރުދާހަށް ނަކަލު އަރާނޭގޮތަށް ހަދައިފައިވާ ކަރުދާސް
އަނދުންވަރުނަ
ނ އަނދުން އެޅީމާ ފެންނަ ގޮތަށް ހުންނަ މިބަސްބޭނުންކުރަނީ ރަސޫލުﷲ ޞައްލައްﷲ ޢަލައިހިވަސައްލަމައާ ނިސްބަތްކޮށެވެ
އަނގައޮރިކުރުން
މ (1) ތިރީތުންފަތު ދަށަށް ދޫލައްވައިފައި އަޑެއް ގޮއްވުމާ އެކުއަނގައިން ވައްތަރެއް ޖެއްސުން (2) މީދާގޮއްވާ ޚާއްޞަ އަޑެއް
އަނގަގޮއްވުން
މ ދައްކަން ބޭނުންނޫން ވާހަކައެއް މީހަކުލައްވައި ދެއްކުވުން
އަނގުނު
ނ އުނދޯލީގެ ދެކޮޅުގައި ދަށުން އަޅައިފައި އޮންނަ ދެވާލު އުނދޯލިއެލުވައިފައި ހުންނަނީ މީގެދެކޮޅަށް ދެވައު ލައްވައިފައެވެ (2) ފިލާ ވަކަރު ފަދަ އެއްޗެހި ބަހައްޓާން ހުރަހަށް ބަންނަ ތަކެތި
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތުއުރަ
ނ (1) މީހުން ހިނަވާއިރު އަތަށްލައްވާ ކޮތަޅު (2) އެކިއެކި ކަންތައް ކުރާއިރު އަތަށްލައްވާއުރަ
އަތްނުލާއައްދޮކިއުއްވުން
މ މަޖާޒު: (1) ނުހިފޭގޮތުން މީހަކު ރުޅިއެރުވުން ނުވަތަ އެގޮތުން މީހަކަށް ޖެއްސުންކުރުން (2) މީހަކު ގާތުކަނޑައަޅާ ކަމެއްގެ ވާހަކަ ނުބުނެ އެމީހަކު ލައްވާ އެކަމެއް ކުރުވުން
އަތްކަނި
ނ ދިވެހިގޭގޭގައި ހުންނަ ދަމާދޮރު ލައްޕައި ހުޅުވާން ހިފާ ކަނި
އަތްކެނޑުން
މ (1) ވައްކަންކޮށްގެން އަތުގެ ކުޑަހުޅުން ބުރިކޮށްލުން. (2) ކަށިވިދުރިން ރައްކައުވުމަށްޓަކައި އަތުގެ މުލައްދަނޑިން ނުވަތަ އަތްދަޑިން ދެތިންތަނުން ލޭފެންނަވަރަށް ހަންދުއްވާލައި އެތާނގައި އެކަމަށް ޚާއްޞަ ވެފައިވާ މާއްދާ )ވެކްސިންދިޔަ( ޖެއްސުން
އަލިވިލުން
މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން
އަސް
ނ (1) މީހުން ސަވާރުވެގެން ދުއްވާން ގެންގުޅޭ މަޝްހޫރު ޖަނަވާރު (2) ފުޅަފުގައި ކެހައެޅުމާއި ފުރާޅު ބަނުންފަދަ ކަންތަކުގައި ދެދަނޑި އެއްކުރާން ވަކިގޮތަކަށް ލައްވައިގެން ބަންނަ ބަނުމެއް (3) އެއްފަށަށް ބާރުކޮށްގެން ބައްދާގޮށް (4) އ އަސްތާ