radheef.info
ރަދީފު


ތެޔޮ
ނ (1) ބައެއްޒާތުގެ އޮށް އޮށާއި މަސްމަހުގެ ހަމާއި ސަރުބީއާއި މޭގަނޑުންހޭނޭ ފެނަށްވުރެ އޮލަ ދިޔާއެއްޗެއް (2) ބިމުގެ ތެރެއިން ނެގޭ އޮލަ މާއްދާއެއް މިމާއްދާއިން ޑީސަލާއި ކަރާސީނާއި އެކިވައްތަރުގެ ޕެޓްރޯލް އުފައްދައެވެ
ފޫޅުދަނޑިތެޔޮ
ނ ފޫޅުދަނޑިވަޔަށް ހަދާ ތެޔޮ
ފެނުން
މ (1) ލޮލަށް އިހްސާސްވުން (2) ސިކުނޑިއަށް ނުވަތަ ހިތަށް އެއްޗެއް ނުވަތަ ކަމެއް ސިފަކުރެވުން (3) ކުރިން ހުރިކަން އެނގިފައި ނުވާ އެއްޗެއް ހުރިކަން އެނގުން މިސާލު: ތެޔޮ ފެނުން (4) ގެއްލިފައިވާ އެއްޗެއް ނުވަތަ މީހެއް ހުރިތަން ނުވަތަ އޮތްތަން އެނގުން (5) ބުއްދިއަށް ލަފާކުރެވުން
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފޮނިކަލިޔާ
ނ ގިތެޔޮ އަޅައިގެން ފޮނިކޮށް ކައްކާ ބަތެއް
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަވާދު
ނ (1) ރަނގަ. މިއީ ތަންތާނގައި ނުވަތަ އެއްޗެހީގައިލުމަށް ތައްޔާރުކޮށްފައި ހުންނަ ތެޔޮ އެކުލެވިގެންވާ ކުލައެކެވެ (2) ލިއުމަށް ބޭނުންކުރާ ދެލިފުޅި މިސާލު: )ހ( އަނދުން ދަވާދު )ށ( ތަށިލިޔާ ދަވާދު
ދަވާދުތެޔޮ
ނ ދަވާދު ދިޔާކުރަން ބޭނުންކުރާ ތެޔޮ
ދިޔަމުޑޮޅި
ނ ރުއްގަލުބޭހަށް ބޭނުންކުރާ ފަތްޕިލާވެލީގެ ބާވަތެއް މީގެފަތް ހުންނާނީ އޮފުކޮށް ތެޔޮކޮށެވެ ހިމަދިގުގޮތަކަށެވެ
ދުންތެޔޮ
ނ ބޭހަށް ބޭނުންކުރާ ތެލެއް މިތެޔޮހަދަނީ މައިގަނޑު އެއްޗަކަށް ކުމުންޒާނި ބޭނުން ކޮށްގެންނެވެ
ދުއްލިސާ
ނ އިހުގައި ގެންގުޅުނު ތެޔޮއަޅައިފައި ފުއްލައިގެން ދިއްލަން ހަދައިފައި ހުންނަބައްތިއެއް މިބައްތީގެ ދިއްލާބައި ހަދައިފައި ހުންނަނީ އުސްކޮށް ތިރިކޮށް ހެދޭގޮތަށެވެ
ދުވަނިތެޔޮ
ނ ދުވަނީގެ ފަރުވާއަކަށް ހަދައިފައި ހުންނަ ތެޔޮ
ދެމުން
މ (1) ދިގުވުން (2) ދިގުކުރުން (3) މޮޑެފައި އޮންނަ ފުށްގަނޑެއްފަދަ އެއްޗެއް ދަނޑިގަނޑަކުން އޮބައި ފިއްތައިގެން ތުނިކުރުން މިސާލު: ރޮށިދެމުން (4) ރަންރިހިފަދަ ތަކެތި ނަރުފިލާ ގަނޑަކުން ދަމައި ހިމަކުރުން (5) ކޯރުފަދަ ތަންތާގެ ފެންގަނޑު ކޮޅުކޮޅަށް ދިޔުން (6) އޮއިވަރު އެކިދިމަދިމާއަށް ހިނގުން (7) ވާންކުރުން (8) ބުއިމަށް ދަށް ބަހުރުވައިން ބުނާގޮތް (9) ފަށަކަށް ވާންވާގޮތަށް ދެކޮޅު ތަނަކަށް ހަރުކުރުން )01( ތެޔޮފަދަ އެއްޗެއް އުނގުޅުން (11) އެތެރޭގައި ހުރި ދިޔާއެއްޗެއް ކޮންމެވެސް ވަސީލަތެއްގެ ބޭނުންކޮށްގެން ބޭރަށް ނެރުން (21) ނަނުފަދަ އެއްޗެހި ކެހުން )31( ބޭނުންވާގޮތްވުން )41( ރޮނގެއް އެޅުން ނުވަތަ ރޮނގެއްފެވުން މިސާލު: )ހ( ރޮނގުދެމުން )ށ( ރިއްސެޔޮ ފަށް ދެމުން )51( ނަހަމަ ގޮތެއްގައި އެއްޗެހިތަކެއް ބޭނުން ކުރުން
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ދޯޅު
ނ (1) މުޑިކާށީގެ މުޑީގެ ބޭރުގައްޔާއި ކާށީގެ އެތެރޭގައި ހުންނަ ކާށިތެޔޮ މިހުންނާނީ ގަނޑުވެފައިހުންނަ ކިރުހެންނެވެ (2) ވަގު ކަމާއި ސިހުން ފިލައިގެންވާ ގާތް
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރުކާރީތެޔޮ
ނ ގަސްގަހުގެ ބައިތަކުން ނުވަތަ ގަހުން ލިބޭ ބާވަތްތަކުން އުފައްދާ ތެޔޮ
ތަތްކުރޮޅި
ނ (1) ކުރޮޅީގެ ތެރޭގައި ހުންނަ ތަތްކަންގަދަ ކުރޮޅި (2) ވަކަ ކުރޮޅި މިކުރޮޅިއަކީ ވަރަށް ތެޔޮގިނަ ކުރޮޅިއެކެވެ
ތާނގީ
ނ (1) ފެން ނުވަތަ ތެޔޮރައްކާކުރުމަށް ދަގަނޑުފިލައިން ހަދައިފައިވާއެތި (2) ދިޔާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި އެއެއްޗެހި އަޅަން ހަދައިފައިހުންނައެތި މިމަޢުދަނުންނާއި ފައިބަރުފަދަ ތަކެތިންވެސް ހަދައިފައިހުރެއެވެ (3) ފެންރައްކާކޮށްފައި ބެހެއްޓުމަށްޓަކައި ރާނައިގެން ނުވަތަ ކޮންކްރީޓްކޮށްގެން ހަދައިފައިވާއެއްޗެއް
ތިންތެލުކެއްކުން
މ ގިތެލާއި ތިލެލާއި ކާށިތެލާއި މިތިންތެޔޮ އެއްކޮށްގެން އެއްޗެއް ކެއްކުން
ތިލެޔޮ
ނ ތިލެޔޮއޮށުން ހާނާތެޔޮ މިއީ ކެއުމަށާއި ބޭހަށް ބޭނުންކުރާ އެއްޗެކެވެ