radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ހެއުކަންތައް
ނ )ސ ( ހެޔޮކަންތައް
ހެއްވާމީހާ
ނ (1) ހިނިއަންނަ ޒާތުގެ ކަންތައްކުރާ މީހާ (2) ހިނިއަންނަ ކަހަލަ ވާހަކަ ދައްކައި ހަދާމީހާ (3) މީހުން ހެއްވަން އުޅޭ މީހާ (4) މަޖާޒު: ކަމުނުދާމީހާ
ހެއްލުމެއްގައި ގެއްލުމެއް
(މުސްކުޅިބަހެއް) (1) އަމިއްލައަށް ވިސްނުމަކާނުލައި އަނެކާގެ ބަހަށް ކަންތައް ކުރުމުން ލިބޭ ގެއްލުމަށް ބުނެއުޅޭ ބަހެއް (2) ކަމަކާއިމެދު ވިސްނަންވީވަރަށް ނުވިސްނައި ކަންތައްކުރުމުން ލިބޭގެއްލުމަށް ބުނެއުޅޭ ބަހެއް
ހެދި
އ (1) ސަބަބުން މިބަހުގެ މާނަ ދޭހަވަނީ އެހެން އެއްޗަކާ ގުޅުވައިގެން ބުނީމައެވެ މިސާލު: މިދަތުރު އައުދެވުނީ އޭނާޔާހެދިއެވެ (2) ތައްޔާރުކުރި (3) އުފެއްދި
ހެދިބިލެތް
ނ ދުފުމުގެ ސާމާނު އަޅައި ތައްޔާރުކޮށްފައި ހުންނަ ބިލެތް
ހެދިއަކުރު
ނ އަރަބިއަކުރުގައި ނުކުތާ ޖަހައިގެން ވިޔަނިތައް ހަދައިފައި ހުންނަ އަކުރު
ހެދުން
ނ (1) އަންނައުނު (2) ތައްޔާރު ކުރުން މިސާލު: ކާން ހެދުން (3) ވަކިސިފައެއް ޖައްސައިގެން އުޅުން (4) އުފެއްދުން (5) މަޖާޒު: ޖިންސީ އެދުން ފުއްދުން
ހެލިވަތްހެލުން
މ (1) ކޮށްނިމިފައިއޮތްކަމެއް އަނެއްފަހަރު ކުރަން ނުޖެހެނީސް ކުރުން (2) )ޅ ( މީހަކުކޮށް ނިންމައިފައި އޮތްކަމެއް ތިމާކުރިކަމެއް ކަމުގައި ހަނދާންވެގެން ދެވަނަ ފަހަރަށް އެކަންތައް ކުރުން މިސާލު: ފޮޅައިނިންމައި އޮތްތަނެއް އަލުން ފޮޅުން
ހެޑުކުއާޓަރު
ނ (1) ސިފައިންގެ މައި މަރުކަޒު (2) ސިފައިންގެ ކޮމާންޑަރު ހުންނަ މަރުކަޒު (3) ވިޔަފާރިއެއްގެ ނުވަތަ ކުންފުންޏެއްގެ އަމުރުތައްނެރޭ މަރުކަޒު
ހެޑުފޯނު
ނ ރޭޑިޔޯއާއި ކެސެޓާއި ތެލެފޯނު ފަދަ އަޑުގެނެސްދޭ އިލެކްޓްރޯނިކް ތަކެތި އަޑުއެހުމަށް ބޭނުންކުރާ އާލަތެއް މިތައްޔާރުކޮށްފައި ހުންނަނީ ދެކަންފަތުގައި ތިއްބޭގޮަތަށެވެ
ހެޔޮނުބައި
ނ (1) ހެޔޮކަންތަކާއި ނުބައިކަންތައް (2) ރަނގަޅު ނުރަނގަޅު (3) ލަފާނުލަފާ (4) ކޮންމެ މުސްލިމަކަށް ދީނީގޮތުން ކޮންމެހެން އެނގެންވާ މިންވަރު
ހެޔޮބަސްބުނުން
މ (1) ރަނގަޅު ވާހަކަ ދެއްކުން (2) އޯގާވެރިކަމުގެ ބަސްތައް ދުލުން ފާޅުކުރުން (3) ފައިދާހުރި ނަސޭހަތްދިނުން
ހެޔޮވަރުމީހާ
ނ ތަޢުރީފާއި މަލާމާތުގެ ގޮތުން ބުނެއުޅޭ ބަހެއް މިސާލު: ގިނަކަންތައްތައް ކުރާނޭގޮތް ދަންނަ ހުޝިޔާރު މީހެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެކޭ" ބުނެއުޅެއެވެ މީހަކަށް ވެވުނު ދެރަކަމެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެއްތާއޭ" ބުނެއުޅެއެވެ
ހޭނައްތާމީހާ
ނ ބަލިމީހަކަށް ޞިއްޙީ ފަރުވާއެއް ދިނުމަށް ހޭނައްތަން ޖެހިގެން ހޭނެއްތުމުގެ ކަންތައްކުރާ ޑޮކްޓަރު
ހޭބަލިވުން
މ (1) ނިދުމަކާ ނުލައި ހުރިހައި ޙިއްސުތައް ބަންދުވުން (2) ވާނުވާނޭނގުން
ހޭބޯނޭރުން
މ (1) ކަމެއްގެ ފޯރީގައި އެހެން ކަންތައްތައް ހަނދާން ނެތުން (2) އަވަދިނެތުން
ހޭބޯއެރުން
މ ވިސްނުން ބެހެއްޓުން މިބަސް ބުނެއުޅެނީ ކަންތައްގަނޑެއްގެ ތެރޭގައި ނުވިސްނައި އަވަސް އަރައިގެން އުޅޭއިރުގައެވެ މިސާލު: ނިކަން " ހޭބޯއަރައިގެން އުޅޭށޭ" ބުނެފިނަމަ އެބުނަނީ އެކުރާ ކަންތައް ގަނޮޑެއްގެ ތެރޭގައި ވިސްނުން ބަހައްޓައިގެން ކަންތައް ކުރާށެވެ
ހޭޅި
ނ (1) ރަށްރަށުގެ ދެވެލި ބިންފަށުގައި ހެދިފައިވާ ގަސްތައް (2) ހޭރި
ހޭވައްލާ
އ ކަމަކަށް ތައްޔާރުވެހުރިކަން އެންގުމަށްބުނާ ހިތްވަރުގެބަހެއް
ހޭވައްލާތައްޔާރު
އ އަމުރަކަށް އިޖާބަ ދިނުމުގެ ގޮތުން ފޯރިއާއެކު އެކަމަކަށް ތައްޔާރުގައި ވާކަން ދޭހަކޮށްދިނުމުގެ ގޮތުން ބުނާބަހެއް