radheef.info
ރަދީފު


ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތައްރާ
ނ (ގ) ތަރިއެއް
ތަލަފަންކޮޅު
ނ ރަދުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ވާރޭވެހޭނަމަ އިސްތަށިފުޅުގެ މައްޗަށްނަގާ ކުޑަ ސަތަރިއެއްފާޑުގެ އެއްޗެއް މިހަދައިފައި ހުންނަނީ ތާރުކު ފަނުންނެވެ
ތިނެސްކަންބިބީ
ނ ފަރުފަރާއި ފަޅުފަޅުގައި އުޅޭ ބިބީ ޢާއިލާގެ މަހެއް މިމަހުގެ ކުލައަކީ މަޑުމުށިކުލައެވެ މުޅިމަހުގައި ގަދަމުށި ކުލައިގެ ކުރެހުމެއް ހުރެއެވެ ގިނަ ބިބީއާ ޚިލާފަށް ކޮތަރިބައި ރަނގަޅަށް ހުޅުވައިލައިގެން އުޅޭއިރު ތިނެސްކަންގޮތަށް ހުންނަމަހެކެވެ މިއީ ދިވެހިން ކައިއުޅޭ މަހެއްނޫނެވެ
ތިއްޖެހިފާނަ
ނ ފަޅުތަކުގެ ބޭރުގައި މުރަކަތަކާއި ގާތަކުގެ ނިވަލުގައިއުޅޭ މަހެއް މިއީގަދަ މުށިކުލައިގެ ތިކިތަކެއް ހުންނަ ކޮތަރިބައިގައިވެސް ތިކިތަކެއް ހުންނަ ނިގޫފަތުގެ ކައިރިފަށް ފަނޑުހުދު ކުލައެއްގައި ހުންނަ މަހެކެވެ
ތުންދިގުބިބީ
ނ ފަރުފަރުގެ ބޭރުގައްޔާއި ފަޅުތެރޭގައި ހުންނަމުރަކަތަކުގެ ތެރޭގައި ދިރިއުޅޭ މަހެއް. މިމަހުގެ ކުލައަކީ ގަދަރީނދޫ ކުލައެވެ. މިއީ މަހުގެ ބަނޑުދަށްފަރާތުގެ ކޮތަރިބައިގައި ކަޅުކުލައިގެ ވަށްލަފެއް ހުންނަ ބޮލުގެ މަތީބައިގެ ކުލަކަޅު ތިރީބައިގެ ކުލަ ހުދުމަހެކެވެ މިއީބިބީ ޢާއިލާގެ މަހެކެވެ
ގަހާ
ނ (1) ސަމުގާގެ ފުރަތަމަ މިސުރާބު (2) ގަހާތަރި ހުންނަ ދިމާ (3) ސަމުގާގެ މާގަނޑު ނުވަތަ ކަށިހުއްޓޭދިމާ (4) )ބދ ( މައްޗަށް ހެދޭގަސް
ގަހާތަރި
ނ (1) އުތުރުފަރާތުގެ އުދަރެހުން ރޭގަނޑު ފެންނަ ފާޅުކަން ގަދަ ތަރިއެއް (2) ދަތުރުވެރިން މިސްރާބު ބަލާތަރިއެއް
ގިއުޅި
ނ ނޫފެހިކުލައިގައި ބޮނޑިކޮށް ހުންނަ ފަރުމަހެއް މިމަހުގެ ލޮލުގެ ކުރީގައި އަޑިވެފައި ހުންނަ ދިގުރޮނގެއް ހުރެއެވެ ކަންފަތްގަނޑު ކުރުވެފައި އޭގެ ކޮޅުވަށެވެ މަތީ ކޮތަރިބައިގައި ކަޅުކުލައިގެ ލައްތަކެއް ހުރެއެވެ
ގުރަހައިގެތަރި
ނ ގުރަހައިގެ ތަރިތަކުގެ ތެރެއިން އެންމެ އަލިގަދަ ތަރި
ގުރަހެލި
ނ ގުރަހައިގެ ތަރިތައް
ސަހަތްތަރި
ނ (1) ހަތްދިހަ ހަޔެއް (2) ފަންސަހަތްތަރިއާއި ސަތުހަތްތަރިޔާ ދެމެދުގެ ޢަދަދު
ސައުރަހަތްތަރި
ނ (1) ހަތްދިހަ ހަތަރެއް )47( (2) ތޭ ހަތްތަރިއާ ފަންސަ ހަތްތަރިއާ ދެމެދުގެ ޢަދަދު
ސަތުހަތްތަރި
ނ (1) ހަތްދިހަ ހަތެއް (2) ހަތެއްގެ އެގާރަ ގުނަ (3) ސަހަތްތަރިއާއި އަށުހަތްތަރިއާ ދެމެދުގެ ޢަދަދު
ސިރީދަންމަރާދީއްތަބޮވަނަ
ނ )ބދ ( ދުނިޔެއަށް ރަންތަރިއެއްފަދަ ސާހިބާ
ސުލޭމާނުމުދި
ނ ލިޔުމާއި ކުރެހުމުގެ ތެރޭ ބޭނުންކުރާ ފަސްފިޔަހުންނަ ތަރިއެއް މިއީ ފަންޑިތަވެރި ކަމުގައި ބޭނުންކުރާ ނިޝާނެކެވެ
ޒުހުރަތު
ނ (1) ގުރަހާގެ ތަރިއެއް (2) މާކަރީއާއި ދުނިޔެއާ ދެމެދުގައިވާ ތަރި (3) އިރުން ފެށިގެން ދުރަށް ދެވަނަތަރި
ޒުހުލު
ނ ގުރަހައިގެ ހަވަނަތަރި )އިރުންފެށިގެން ދުރަށް( މިއީ ގުރަހައިގެ ތަރިތަކުގެ ތެރެއިން އެންމެބޮޑު ތަރިއެވެ
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ
ޝަމްސު
ނ ގުރަހައިގެ 7 ތަރިން 1 ތަރި