radheef.info
ރަދީފު


ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ގޮތްގޮތަށް
ކއ (1) ފާޑުފާޑަށް (2) ވައްތަރުވައްތަރަށް
ސަލްވާ
ނ ކޮތަރަށްވުރެ ބޮޑު ކުކުޅަށްވުރެ ކުޑަ ދޫންޏެއް މިއީ ބަނީ އިސްރާއީލު ބާގައިގެ މީހުން ސީނާގައި ތިބި ދުވަސްވަރު އެމީހުނަށް ﷲ ތަޢާލާ ދެއްވި ޚާއްޞަ ކާނާއެކެވެ މި ކާނާގައި ހިމެނެނީ މަންނަ ކިޔާ ފޮނިރަހަލާ އެއްޗަކާއި ސަލްވާއެވެ
ސަގަންގޫރު
ނ ސަހަރާގެ ތެރޭގައި އުޅޭ ސުއިތްޕެއް. މިއީ ރަކިސް ބޮނޑަށްވުރެ ކުދިކޮށް އެވައްތަރަކަށް ހުންނަ އެއްޗެކެވެ މިއީ ބާހުގަދަ ކުރުމަށް ބޭނުންކުރާ އެއްޗެކެވެ
ސިލޭހަ
ނ ލޮންސިއާ އެއްވައްތަރަށް ހަދައިފައި ހުންނަ ހަތިޔާރެއް
ޒަބަރުޖުދު
ނ ހިލައިގެ އަގުހުރި ބާވަތެއް މިއީ ޒުމުއްރަދުގެ ބާވަތެކެވެ މީގެ ކުލައަކީ ރީނދޫ ވައްތަރަކަށްދާ ފެހިކުލައެކެވެ
ޓެންޓު
ނ (1) ފޭލިގެ. (2) ތަރަފާލު ނުވަތަ ބޯފޮއްޗަކުންހަދާ ވަގުތީ ގޮތުން ހިޔާވަހިކަން ލިބިދޭތަނެއް. މިތަން ކޮޅަށްޖަހަނީ ލުއި ދަނޑީގެ ނުވަތަ ހޮޅީގެ ބޭނުންކޮށްގެންނެވެ ވެއްޓުނަނުދީ ހިފަހައްޓަނީ ނަނު ނުވަތަ ވާޖަހައިގެންނެވެ
ޕިޔާނާ
ނ މިޔުޒިކް ކުޅޭ އާލަތެއް މިހުންނަނީ ހަރުމުނިޔާ ވައްތަރަށް ފިތް ލައިފައެވެ
ޖަހަލާކޮޅުހެދުން
މ ގަނޑުވަރުތެރޭ ބޭފުޅުން ރައްކާވާއިރަށް ތަރަފަނަހަދައި ތައްޔާރުކުރުން މިތަރަފަނަ ރައްކައުކުރަނީ ޖަހަލާޔަށް އަޅައި މަތި ބަންދުކޮށްގެނެވެ
ޖަނަވަރީވެޔޮ
ނ ހިތަކާ ވައްތަރަށް އެއަށްވުރެ ދިގުބުރަކަށް ފަތްހުންނަ ކުދިކުދި މާތަކެއް ފޮޅޭވެލެއް މިވެލުގެ މާފޮޅެނީ ފަތުގެ ބުޑުން ނުކުންނަ ތަނޑެއްގައެވެ މިތަނޑުގެ ކޮޅަށް ހިމަވެގެންގޮސް ހުންނަނީ ނަރުވާތަކެއް ހެންނެވެ
ޤައުމީ ލަވަ
ނ ޤައުމުގެ ތަރައްޤީ އާއި ޤައުމު ކުރިއެރުވުމުގެ ރޫޙާ ޤައުމު ދެކެވާ ލޯބި އެކުލެވޭގޮތަށް ހެދިފައި ހުންނަ ލަވަ