radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ރަހަފޮށި
ނ އުދަރެސް ނުފެންނަ ތަންތާނގައި ފިލާއަޅާއިރު އިރުބަލާން ދިރޭރަހަ އަޅައިފައި ހުންނަ ފޮއްޓެއް
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންބޮލި
ނ )އ ( ރަންކުލައިގެ ކުޑަބޮއްޔެއް މިބޮލީގައި އެއްވެސް ކުރެހުމެއް ނުހުރެއެވެ މިއީވަރަށް އޮފުގަދަ ބޮއްޔެކެވެ ޢާންމުގޮތެއްގައި މިބޮލި އެންމެ ގިނައިން ފެންނާނީ އުރަފަށުގައި ހުންނަ ބިޔަގާތައް ނައްޓައިލާއިރު އެ ގާތަކުގެ ދަށުންނެވެ
ރަންކަނި
ނ ބައެއްފަހަރަށް ލޮލަށް ވާގޮތަކުން އަލިފާންކަނިހެން ފެންނަ އެއްޗެއް
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންކޮކާ
ނ (1) ރަންރީނދޫކުލައިގެ ވިދާކޮކާލެއް މަޖާޒު: (2) ބަނޑުހައިވެގެން ގޮސްމާބޮޑުވަރުވީމާ ލޮލަށް ފެންނަހެން ހީވާއެއްޗެއް ހަށިގަނޑު ދެރަވެފައި ހުންނައިރު ގިނައިރުވާންދެން އުޑަފައިން އިށީނދެ އިނދެފައި ކުއްލިއަކަށް ތެދުވީމާވެސް މިފެނެއެވެ (3) )ޅ ( ލޭކޮކާ
ރަންވަންގަލަދުން
ނ )ސ ( އަނދުނުގެ ބާވަތެއް މިގަލަދުމަށް އިރުގެ ދަޅައެޅުނީމާ ނުވަތަ އަލި އެޅުނީމާ ފެންނާނީ ރަންކުލައިގައެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންދަޅަ
ނ ރަތްވިލާ ދަޅަމަތީން ފެންނަ ރަންކުލަ
ރަތްބޭސް
ނ ބޭހުގެބާވަތެވެ މިބޭސްހުންނާނީ ރަތްކުލައިގައެވެ މިބޭސްބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭތަންތަނގައާއި މެށޭތަންތާނގައި ފާރުހިއްކުމަށްޓަކައި އުނގުޅައެވެ
ރަތްވިލާ
ނ އިރުއޮއްސޭއިރު ހުޅަނގު ފަރާތު އުދަރެހުން ކުލަކުލައިގައި ފެންނަވިލާ
ރަތްވިލާދަޅަޖެހުން
މ ރަތްވިލާގެ ދަޅަ ފެންނާން ފެށުން
ރަތްމަސް
ނ ފަރުމަހުގެ ބާވަތެއް މިއީ ހުޅުނބުގިނަ ރަތްކުލައިގެ މަހެކެވެ މިމަހުގެ ދެއަރިމަތީގަިއ ރިހިކުލައިގެ ދެލައްހުރެއެވެ މިފާހަގަ ބޮޑަށް ފާޅުކޮށް ފެންނަނީ ކަނޑުގައި އުޅޭއިރުއެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރާބަދި
ނ ރުކަށް ފެންގެންދާށާ ރުކުން ބާލާ ރާއަޅަން ދެއުނބު ނުވަތަ ތިން އުނބު އެއްކޮށް ބަނދެފައި ހުންނަ އެތި
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރާޅުފޮނު
ނ ރާޅު މުގުރަމުން ބިންދަމުން ދާއިރު ފެންނަ ހުދުކުލައިގެ ބޮކިތައް
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާޑަރު
ނ ނުފެންނަ ހިސާބު ދުރުގައިވާ އުޅަނދެއް ނުވަތަ އެއްޗެއް ހޯދުމަށް ބޭނުންކުރާ ރޭޑިއޯ ރާޅު ބޭނުންކުރާ އާލަތެއް މިއިން ފޮނުވާ މަތީ ދަރަޖައިގެ ރޭޑިއޯވޭވުސް އެއްޗެއްގައި ޖެހިފައި އެނބުރި އައުމުން އެއްޗެއްހުރި މިސްރާބަކާއި ދުރުމިނެއް އަންގައިދެއެވެ މިއިން ތަންތަނުގެ ތިލަމިނާއި ފުންމިނާއި އުސްމިން ބެލެއެވެ