radheef.info
ރަދީފު


ފުން
ނއ (1) ތަނެއްގެ ނުވަތަ އެއްޗެއްގެ ސަޠުޙަށްވުރެ އަޑި. (2) އެއްޗެއްގެ ނުވަތަ ތަނެއްގެ އެތެރެއަށް އަޑިވެފައި ހުންނަވަރު ވާ ބޮޑު. މިސާލު: ފުން ދޯންޏެއް. ފުން ހޮހޮޅައެއް. (3) މަޖާޒު: ނިންޖާ ނިސްބަތްކޮށް ބުނާ ގަދަ. މިސާލު: ގަދަނިދި. )ފުންނިދި( (4) ކަންކަމާއި ޚިޔާލާއި ފިކުރުގެ އެންމެ އަޑި އެންމެ ދުރު (5) މާނަ އަތުލައިގަތުން އުނދަގޫ
ވެންފުންނަ
ނ ފުންނައިގެ ވައްތަރެޢް މިމަސް ހުންނަނީ ބޯކޮޅު ފުންނަ ވައްތަރަށް ނަގޫކޮޅު ވެންހުންނަ ފާޑަކަށެވެ
ވެންޖެހުން
މ ފޭރާން ކުރާއިރު އުއިގަނޑު ބާރުކުރާން ފަތިގަޑުން )ވެނުން( ހިފާހިފުން
މަހާނަމަތީބަރަވެލިދުވާގޮތަށްބެހުން
މަޖާޒު: ބޭއިންސާފުން އެއްޗެއް ބެހުން
މަހުކޮއްތު
ނ (1) ސަރުކާރުގެ މުވައްޒަފުންކުރެ ކާންދީގެން ގެންގުޅޭ މީހުންނަށް މަސްމަހަށް ކެއުމުގެތެރޭ ހިމެނޭގޮތުން ދޭތަކެތި (2) މަހެއްގެ މައްޗަށް ކެއުމަށްދޭ ތަކެތި ނުވަތަ ދޭ މިންވަރު
މަރިސާހިފުން
މ )ސ ( ދޭތިން އެކައްޗަށް ހިފުން
މައިނާރު
ނ (1) ފައިގެ މަސްފަށްތައް ހިފެހެއްޓުމަށްޓަކައި ފައިތިލައާގުޅިފައިވާ ހުދުވާފަށްތައް މިނާރުތައް ފަލަ އެއްނާރުގެ ގޮތުގައި ފައިތިލައާއި ގުޅިފައިވަނީ ކުޑަކަޅުވާއާއި ދިމާއިން ފުންނާބަށެވެ (2) ލޭހިނގާ ފަލަ ލޭހޮޅި
މަތާލުން
ނ (1) ތަނަކަށް ފެތިބާރުވެފައިވާ އެއްޗެއް އެހެން އެއްޗެއްގެ ބާރުން ފޭކުރަން ހިފުން (2) އެއްޗެއް ހިއްލުމަށް މަތާއަޅާއިރު އޮބާ އޮބުން
)މަތާއެޅުން( މަތާޖެހުން
މ (1) ބަރު އެއްޗެއް ފަސޭހައިން ހިއްލުމަށްޓަކައި އެކަތިގަނޑު ބޯ ދަށަށް ލައްވައިގެން އަނެކަތިގަނޑުގެ ކޮޅު ހިއްލަންވީ އެއްޗެއްގެ ދަށަށް ލައްވައިގެން ހިއްލުން. (2) ގަދަބާރަކާއެކު ކައިރި ވެފައިވާ ދެއެއްޗެއް ދުރުކުކުރުމަށްޓަކައި އެދޭތީގެ ދޭތެރެޔަށް އެއްޗެއްލައްވައި ދުރުކުރަން ހިފުން
މަސްކާށިދޫނި
ނ (1) އުދުހޭ ފުންމާ ކުޑަސޫތްޕެއް މިއީ ގޮއްފުޅަނތްގާ ވައްތަރު އެއްޗެކެވެ މިއުޅޭނީ ވިނަގަނޑުގެ ތެރޭގައްޔާއި ދަނޑުމަތީގައެވެ (2) )ހ ( ގޮއްފުޅަނގި
މަސްފުންނަ
ނ ފުންނައިގެ ބާވަތެއް މިމަސްހުންނާނީ ބޯކޮޅު ފަލަކޮށެވެ
މަސްގުޅަކެއުން
މ ދުވުން ހިފުން ފަދަކަމެއް ނުވަތަ ބުރަ މަސައްކަތެއް ނުކުރާތާ ގިނަދުވަސްވުމަށްފަހު އެފަދަކަމެއް ކުރުމުން ހަށިގަނޑަށް އިޙްސާސްވާ ތަދަކާއެކު މަސްގަނޑަށް ހަރުކަން އައުން
މިއަރުގައިމިއަރުހިފުން
ނ މިޔަރުގައި މިޔަރު ހިފުން
މިޔަރަށްޖެހުން
މ މަޑަ ނުވަތަ ކަންއިލި ނުވަތަ ކަވަރު ފަދަ އެއްޗެހި ޖަހައިގެން މިޔަރުހިފުން
މުރޮޅި
ނ ފަޅުފަޅުގެ ފުން ތަންތާނގައި ހެދިފައި ހުންނަ މުރަކަގަނޑު
މުގޯލި
ނ ފައިގެ ފުންނާބު ބިންމަތީގައި ޖައްސައިގެންހުރެ ފުންނާބު މެދަށްލައި ބޮޑުވައި އިނގިލިން ނުވަތަ ފައިތިލައިން ވައްރޮނގެއް އެޅުމުން ފާހަގަކުރެވޭތަން. މުގޯލި ބޭނުންކުރަނީ ތިންމުގޯލި ރަމަންރަމަން ފޯލި އަދި ހަތްއައްތަވާޅީން ގާނެގުން ފަދަ ކުޅިވަރުތަކުގައެވެ
މުޑުތު
ނ ތަންތާނގެ ފުންމިން ބަލަން ވާފަށެއް ފަދަ އެއްޗެއް ބައްދައިގެން އަޑިޔަށް ފައްތާ ބަރު
މުޑުތުލުން
މ ތަންތާނގެ ފުންމިންބަލަން ބަރު އެއްޗެއްގައި ވާފަށެއް ފަދަ އެއްޗެއް ބައްދައިގެން އަޑިޔަށް ފެއްތުން
މޫނު ދުށުން
މ މައްޔިތާ ކަފުންކޮށް މޫނު އެޅުމުގެ ކުރިން އެމީހެއްގެ ގާތަށް ގޮސް އެމީހަކު ދުށުން
މޫނުއެޅުން
މ (1) ކަފުންކޮށް ނިމިގެން މައްޔިތާގެ މޫނުމަތީގައި ބޭއްވުމަށް ޚާއްޞަ ކުރެވިފައިވާ ކަފަގަނޑު މޫނުމަތީގައި ބޭއްވުން ނުވަތަ ކަފަގަނޑުން މޫނު ނިވާކުރުން (2) މަޖާޒު: ހިނގަހިނގާހުރި ކަމެއް ހުއްޓުން
މޫނުދެކެންދިއުން
މ މައްޔިތާ ކަފުންކޮށް މޫނު އެޅުމުގެ ކުރިން އެމީހެއްގެ ގާތަށް ދިއުން