radheef.info
ރަދީފު


ފަރާ
ނ (1) ފަންސަވީސް ނާޅި (2) )ގ ( ފަރު
ރަތްވިލާ
ނ އިރުއޮއްސޭއިރު ހުޅަނގު ފަރާތު އުދަރެހުން ކުލަކުލައިގައި ފެންނަވިލާ
ރަތްވިލާއޮއްސުން
މ އިރުއޮއްސޭއިރު ހުޅަނގު ފަރާތު އުދަރެހުގައި ހުންނަ ކުލަތައް ފިލައިގެން ދިޔުން
ރަތްތިކިފާނަ
ނ ފާނައިގެ ބާވަތެއް މިމަހުގައި ގަދަރަތްކުލައިގެ ތިކިތަކެއް ހުރެއެވެ މަހުގެ ކުލައަކީ ރަތްކުލައެވެ ބަނޑުދަށް ފަރާތު ކޮތަރިބަޔާ ނިގޫފަތުގެ ކޮޅު ހުންނާނީ ވަށްކޮށެވެ މިމަހުގެ ނިގޫފަތުގައި ރަތްމުށިކުލައިގެ ފުރާރޮނގެއް ހުރެއެވެ
ރަތްގޮވި
ނ ފަނިފަކުސައެއް މިއީ ޢާއްމުކޮށް ކަރާ ވެލުގައި އަޅާއެއްޗެކެވެ މީގެ ތޮށިގަނޑުވަރަށް ހަރުވާނެއެވެ ކުލައަކީ ރަތްކުލައެވެ ފަތުގެ ދަށްފަރާތުގައި އިނދެގެން ފަތްކަމުން ގެންދާނެއެވެ
ރަސްމީކަންތައް
ނ ސަރުކާރުގެ ފަރާތުން ކުރާ ޢިއްޒަތުގެ ކަންތައް
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން
ރާޅުބިސް
ނ އެތެރޭގައި ހޮއި އޮންނަ އެއްފަރާތެއްގައި ދެ ލޯވަޅެއް ހުންނަ އެއްޗެއް. މިއީ ގާތްގަނޑަކަށް ހޯނުބިސްވަރުގެ އެއްޗެކެވެ. މިހުންނަނީ ގޮނޑުދޮށަށް ލައްވެފައެވެ
ރާޒުވާގޮނޑި
ނ މިއީ ފަރާތެއްގައި 8 ގޮޅިމަގުން ޖުމުލަ 46 ގޮޅިހުންނަ ގޮތަށް ހަތަރެސްކަނަށް އޮންނަ ފިލާގަނޑެކެވެ މިފިލާގަނޑު ހުންނާނީ ތަންތާ ބެހެއްޓޭގޮތަށެވެ ގޮޅިތަކުގެ ބޭރުން ފިލާގަނޑުގެ ދެކޮޅުގައި ކުޅިތައް ބެހެއްޓޭނެ ޖާގަ އޮންނާނެއެވެ
ރިހާކުރުބޮލި
ނ ވަށައިގެން ކައިރިފަށުގައި ރިހާކުރު ކުލަ ހުންނަ ބޮއްޔެއް ބޮލީގެ ބުރަކަށިމަތީގައި ފަނޑު ހުދުކުލައަކާއި ގަދަމުށިކުލައިގެ ތިކިތަކެއް ހުންނާނެއެވެ ދަށްފަރާތުގައި ހުންނަނީ ނުސާފު ހުދުކުލައެކެވެ މިބޮލި އޮންނާނީ ކުކުޅުބިސް ބުރަށެވެ
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔާލުން
މ ރިޔާހުރި ފަރާތްނޫން އަނެއް ފަރާތަށް ރިޔާ ފުރޮޅައިލުން
ރީނދޫ އުރަހަކަންނެލި
ނ ކަންނެލީގެ ބާވަތެއް. މިމަހުގެ ބޮޑެތި ބާވަތުގެ މަހުގެ ބުރިކަށިމައްޗާއި ބަނޑުދޮށް ފަރާތުގެ ދެވަނަ ކޮތަރިބައި ވަރަށް ދިގުވާނެއެވެ މަހުގެ މަތީބައިގެ ކުލައަކީ ގަދަނޫކުލައެވެ ކޮތަރިތަކުގެ ކުލައަކީ ރީނދޫކުލައެވެ
ރީނދޫވެން
ނ ވެނުގެބާވަތެއް މިއީ ދެފަރާތު އަރިމަތީގައި ރީނދޫކުލަޔާއި ނޫކުލައިގެ ތިކިތަކެއް ހުންނަ ވެނެކެވެ މިވެން ގިނައިން އުޅެނީ ހުއިވިނަ ހެދިފައި ހުންނަ ފަޅުފަޅުގައެވެ
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ
ރުނޑި
ނ (1) ހުތުރުބަހުގައި ފުރަގަސްފަރާތުދޮރު (2) ފުރަގަސް ފަރާތު ދޮރު ކައިރީގައި ފަޅާފައި ހުންނަ އިސްތަށި (3) ނިހާޔަތަށް ދެރަކޮށްލަން ބުނާ ބަހެއް
ރެޕްރެޒެންޓޭޓިވް
ނ (1) ދައުލަތެއް ތަމްސީލު ކުރުމަށްޓަކައި އަނެއްޤައުމަކަށް ނުވަތަ އަނެއް ފަރާތަކަށް ފޮނުވުމަށް ޤައުމެއްގެ ވެރިޔަކު އައްޔަން ކޮށްފައިވާ މީހާ (2) އެމްބެސެޑަރ
ރޮނގުތެޔޮމަސް
ނ ފަރުމަހުގެ ބާވަތެއް މިއީ މަސްގަނޑުގެ ތެޔޮކަންގަދަ ފަރުމަހުގެ ބާވަތެކެވެ އުމުރުން ގިނަ ދުވަސްވީވަރަކަށް ކުލަގަދަވަމުންގޮސް ކަޅުކުލައަށް ބަދަލުވާ ގަދަމުށި ކުލައިގެ މަހެކެވެ މިމަހުގެ ނިގޫފަތް ކުޑަވާނެއެވެ ނިގޫކޮޅުގެ ދެފަރާތުގައި ކުޑަދެކުރަގަނޑާއި ބޮޑު ކުރަގަނޑެއް ހުރެއެވެ
ރޯލު
ނ (1) ކަރުދާސްފަދަ ތަކެތީގައި ރޮނގުދަމަން ގެންގުޅޭ ފޯލި. (2) ވަށްކޮށް އޮޅައިފައި ހުންނަ ތަކެތި. މިސާލު: ލަވަރޯލު ކެސެޓްރޯލު ފޮތިރޯލު ކަފަރޯލު (3) އަދާކުރާބައި (4) ފުރާ ދުއްވާ ތަކެތި ދެފަރާތަށް ފުރޮޅާ ފުރޮޅުން