radheef.info
ރަދީފު


މާ
ނ (1) ގަސްގަހާ ގެއްސާއި ވެޔޮވެލާވެލި ފޯދުމަށް ދައްކާ ޢަލާމާތް. (2) އެއިން މޭވާ ނުވަތަ އޮށް ނުކުންނަ ފިޔަތަކަކުން އެކުލެވިގެންވާ ކުލަ ރީތި އެއްޗެއް. (3) ނަކަތެއްގެ ނަން. )ހުޅަނގު މޫސުމުގެ ދިހަވަނަ ނަކަތް( (4) ބޮޑު )ނ.އ.( މިސާލު: މާކަނޑު. (5) އަޅައިބެލުމުގެ ގޮތުން ބޭނުންކުރާ ބަހެއް. މިސާލު: )ހ( މާކުޑަ. )ށ( މާބޮޑު. (6) ނަމަވުމުގެ މާނައިގައި ބޭނުންކުރެވޭ ބަހެއް. މިސާލު: )ހ( އޭނާ ދިޔައިމާ އަހަރެން ދާނަމެވެ )ށ( އޭނާ އައިމާ އަހަރެން އަންނާނަމެވެ
ހައްޔަރުގައި އިނުން
މ (1) ބަލިވެއިނުން (2) މާބަނޑުވުން
ހައްޕު
އކ (1) އަނގައިން ނުބުނާން ޤަސްދުކޮށްގެން ހުރިކަން އަންގައިލުމަށް ބުނެއުޅޭބަހެއް. މިސާލު: އަހަރެން ހައްޕު ކިޔައިފީމޭ ބުނެފިނަމަ އެއީ އަހަރެން އަނގަޔަކުން ނުބުނާނަމޭ (2) މަޖާޒު: ކަމަކުން ދުރުވެހުރިކަން އަންގައިލުމަށް ބުނެއުޅޭބަހެއް މިސާލު: "ތިޔަކަމަށް ހައްޕު ކިޔައިފީމޭ" ބުނެފިނަމަ އޭގެމާނަޔަކީ ތިޔަކަމުން ދުރުވެގެން ފީމޭ
ހަވަރުއޮޑި
ނ އިހުޒަމާނުގައި ހަވަރު ތިނަދޫން އަހަރަކު އެއްފަހަރު ހަވަރަށް އެރަށުގެ ވަރުވާ ހިފައިގެން އަންނައޮޑި
ހަވަރުފެންފޮޅިޔަށްއެޅުން
މ (1) ހަވަރު ގޮވާލުމަށް ފެންފޮޅި ފިހާން މަޖިލީހަށް އަރާ ބޭކަލުންގެ ގޭގެޔަށް ހަނޑޫ ބެހުން (2) މަޖާޒު: ތިމާޔަށް އިވުނު ޚަބަރެއް ހުރިހާތާކަށް ފަތުރަމުން ހިނގުން
ހަވަރުދުރޯ
ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަވާ
ނ (1) އުޑާއި ބިމާއި ދެމެދުގައި ވާ ހުސްތަން (2) ބަޑިބޭސްއަޅައިގެން ހަދާ މައްޗަށް އަރާއެއްޗެއް
ހަވާސް
ނ ފަސްޙިއްސު. އެއީ ރަހަލުން ފެނުން އިވުން ވަސްދުވުން ގައިގައި ޖެހުނީމާ އެނގޭ އެނގުން މިއެވެ
ހަވޭލި
ނ (1) ދުރުތަންތަން ބަލާން ހަދައިފާހުންނަ އުސްގޭގެ (2) އިހުޒަމާނުގައި މުއްސަދިންނާ ޝާހީ އަންހެން ބޭފުޅުން ތިއްބެވުމަށް ބޭރު ފެންނަގޮތަށް ހަދައިފައި ހުންނަ އުސް ޢިމާރާތް
ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
ހަމަރޯނު
ނ ރޭނުން ގަނޑެއްގެ މަތި ތެދުކުރާން އެންމެ ފަހުން ދަމާރޯނު
ހަމަރޯނުނެގުން
މ ރޭނުން ގަނޑެއްގެ މަތިހަމަ ކުރާން ދަމާ ރޯނާ ހަމަޔަށް ރޭނުން
ހަމަބިމަށްފޭބުން
މ (1) މަތީ މަޤާމަކަށް ދެވުމުން ބޮޑާވެ ކިބުރުވެރިވެފައި ހުރި މީހަކު ދަށް މަޤާމަކަށް ބަދަލުވުން (2) ކުއްލިއަކަށް ދިމާވާ ކަމެއްގެ ސަބަބުން އައިސްފައި ހުންނަ ރުޅިގަނޑު ފިލައިގެން ދިއުން
ހަމައެޅުން
މ ތިންހަމަ ކުޅުމުގައި އެއްވައްތަރުގެ ތިންފުއް ދިމާކުރުން
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަމަލަ ދިނުން
މ ރުޅިވެރިކަމުގައި ނުވަތަ ވާދަވެރިކަމުގައި ދިމާކުރުން
ހަމަޖެއްސުން
މ (1) ރަމަތަކުރުން (2) އަރާރުމާއި ގަޑުބަޑު ފިލުވުން (3) ދަތިފިލުވުން (4) ވަޑާން ކުރާއިރު ދެގަނޑެތި ރަނގަޅަށް ފައްތާ ހިމުން ކުރުން (5) އެގޮތް މިގޮތްވެފައިވާ އެއްޗެހިތަކެއް ތަރުތީބު ކުރުން
ހަމްދަރުދީ
ނ އަނެކަކަށް ދެރައެއް ލިބުނީމާ އެކަމުންތިމާގެ ހިތަށް ތަދުވެ އެމީހާއާ ބައިވެރިވާ ބައިވެރިވުން