radheef.info
ރަދީފު


މަގު
ނ (1) ހިނގުމަށާއި އެއްޗެހި ދުއްވުމަށް ޚާއްޞަ ކުރެވިފައިވާތަން (2) ޓިނާއި އީޓްފަދަ ތަކެތީގައި ފެންދަތުރުކުރުމަށް ޓަކައި އަޑިކޮށްފައި ހުންނަތަން (3) ގޮތް (4) ހަމަ (5) ދިޔާ އެއްޗެހި ބޯން ބޭނުންކުރާ ޖޯޑުވައްތަރުގެ އުޅައްލީ ތަށްޓެއް
މެދުދޮރޯށި
ނ (1) މަގުމަތިން ވަންނަން ހުންނަ ދޮރޯށި ފިޔަވައި ގޯތިތެރޭގައި އެއްފަރާތުން އަނެއްފަރާތަށް ދެވެން ހުންނަ ދޮރޯށި (2) މެދުދޮރޯށި
ފަހަލު
ނ )ބދ ( މަގު
ފަންހޮޅި
ނ ރޯފަންވަތް ކޮޅަކުން ވަށްކޮށް ހަދައިފައި އޮންނަ އެއްޗެއް. މިއީ ކުޑަކުދީން ކުޅިވަރެއްގެ ގޮތުގައި މަގުމަތީގައި ދުއްވަން ހަދާ އެއްޗެކެވެ
ފަޅި
ނ (1) އެއްޗެއްގެ އެއްބައި މިސާލު: ފަޅޯފަޅި (2) އެއްޗެއްގެ ނުވަތަ ތަނެއްގެ އެއްފަރާތް މިސާލު: މަސްފަޅި މަގުގެ ވާތްފަޅި
ފަތްދަނޑި
ނ އެކިއެކި މުނާސަބަތުގައި ރަސްމީގޮތުން ދިދަނެގުމަށްޓަކައި މަގުގެ ދެފަރާތުގައި ޖަހާދަނޑި
ފަޓާނީ
ނ ފައިމަގުގައި ދަތުރު ކުރާމީހާ
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ފުޅައްމައްޗަށް އެރުން
މ އިހުގައި ފުޅައްމަތިން މަގުމަތި ބަލަން އަރަން ހަދައިފައި ހުންނަ ތަނަށް އަރައި ހަވީރު ފިންޏަށް މަގުމަތި ބެލުން
ގޯނބިލި
ނ ބިލަމަގު ގަހާ ވައްތަރު އެއަށްވުރެ މައްޗަށް ހެދޭ ގަހެއްގައި އަޅާ ވަށްކޮށް ފަތިކޮށް ފިތްފިތް ހުންނަ މޭވާއެއް މީގައިދެނީ ހުތްރަހައެވެ
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން
ގޯޅިއެޅުން
މ (1) ގޮސްގޮސްހުރި މަގުފިޔަވައި އެހެން މަގަކަށް އަނބުރައިލުން (2) މަޖާޒު: ދައްކަމުން ދިޔަ ވާހަކައިގެ މިސްރާބު ބަދަލުވުން (3) ތެދުމަގުން އެއްކިބާވުން
ގޯޅިއެޅުވުން
މ (1) މަޖާޒު: މީހަކަށް އޮޅުވައިލައިގެން އެމީހަކު ލައްވައި ގޯހެއް ހެއްދުން (2) މަޖާޒު: މީހަކު ރަނގަޅުމަގުން އެއްކިބާކޮށްލުން
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުރެދުން
މ މަގުފުރެދުން
ފެންކޯރު
ނ (1) ކަނޑާއި ގުޅިފައި ހުންނަ ފެންއާރު (2) ފެންދެމޭނެހެން ބިމުން އަޑިކޮށް ހުންނަ މަގު
ފެންޖެހުން
މ (1) ފެންޖެހުމަށް ތައްޔާރުކޮށްފައި ހުންނަ ހޮޅިފަދަ އެއްޗަކުން ވިނަ ހައްދައިފައިވާ ތަންތަނަށާއި ގަސްގަހާގެއްސަށް ފެންދިނުން (2) މަގުމަގާއި އެކިއެކި ތަންތަނުގެ ހިރަފުސް ބޯވުމުން ފެންޖަހާ ހޮޅިން ނުވަތަ ފެންދޭ އެތިގަނޑުން ބިންގަނޑުތެންމުން (3) ފެންއުކުން (4) ކާށީގެ ދިޔަޖެހުން
ފޭހިއެރުން
މ )ޏ ސ ( (1) މަގުހިނގާއިރު އެއްދިމާއަކަށް ނުދެވިއެގޮތް މުގޮތަށް ދެވުން (2) ދުއްވާ އެއްޗެހީގެ ހުންގާނު އެއް މިސްރާބަކަށް ނުހިފެހެއްޓިގެން ހޫރެމުން ދިއުން
ދަނޑި
ނ (1) ގަސްގަހުގައި ލަކުޑިޔަށްވުރެ ހިމަކޮށް ދިގުކޮށް ހެދިފައި ހުންނަ ގޮފި (2) އެއްތަނޑިޔަށް ހެދިފައި ހުންނަ ވަކިފަލަމިނެއްގެ ގަހެއްގެ މައިގަނޑަށް ބިމުން ވަކިކޮށްލީމާ ކިޔާގޮތް (3) ލަކުޑިން ވައްކޮށް ހިމަދިގުކޮށް މަށައިފައި ހުންނަ އެއްޗެހި (4) އިރު ހިނގާ މަގު މިސާލު: އުތުރުދަނޑި (5) މަޖާޒު: ހިމަދިގުކޮށް ހަރުކޮށް ހުންނަ އެއްޗެހި
ދަތުރުކުރުން
މ (1) ތިމާހުރިތަންނޫން އެހެން ތަނަކަށް ކަނޑުމަގުން ނުވަތަ އެއްގަމުމަގުން އައިސްގޮސްވުން (2) މީހަކު ނުވަތަ އެއްޗެއް އެއްތަނުން އަނެއް ތަނަށް ދިއުން މިސާލު: )ހ( އަލިދަތުރުކުރުން )ށ( އަޑުދަތުރުކުރުން (3) މަޖާޒު: ހިނގަމުން ނުވަތަ ދައުރުވަމުން ދިއުން މިސާލު: )ހ( ދުނިޔެ ދަތުރުކުރަމުންދާއިރު )ށ( ޚިޔާލު ދަތުރުކުރުން
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން