radheef.info
ރަދީފު


މަތި
ނ (1) ތިރީގެ އިދިކޮޅު (2) އެއްޗެހީގެ އަނގަމަތި ނިވާކުރަން ޖަހާ ނުވަތަ ބާއްވާއެތި (3) ދަށުގެ އިދިކޮޅު (4) އެއްޗެއްގެ މަތީކައިރި (5) ހަމައެއްޗެއްގެ ސަތަހަ (6) އެއްޗެއްގެ މަތީކޮޅު
ރަށްމަތި
ނ ރަށުގެ އޮއިމަތި ފަރާތް
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންކޮކާބުރުން
މ މަޖާޒު: ބަނޑުހައިވެގެންގޮސް ހާންތިވާވަރުވީމާ ލޯމަތިން ރަންކޮކާ ފެނުން
ރަންގުލީރަޙުމަތް
ނ (1) އެކަކު އަނެކަކާ ބަހައްޓާ މަތިމަތީގެ ރަޙުމަތްތެރިކަން (2) އަވަހަށް ފިލައިގެންދާ ރަޙުމަތްތެރިކަން
ރަންގުލޯބި
ނ (1) ކުޑަ ދުވަސްކޮޅަކަށްވާ ހިތާ (2) މަތިމަތީންވާ ލޯބި
ރަންގެރި
ނ ފަތިކޮށްފުޅާކޮށް ހުންނަ އަނގަކުޑަ މަހެއް މަހުގެ ކުލައަކީ އަޅިމުށިކުލައެވެ ތުނބުންފެށިގެން ނިތްމަތި ހުންނަނީ ކަޅުކުލައިގައެވެ އަނގައިގެ ތިރީކައިރީން ފެށިގެން ލޮލުގެ ދަށްފަރާތާ ހަމައަށް ރީނދޫ ކުލައިގެ ފުޅާ ރޮނގެއް ހުރެއެވެ
ރަކި
ނ (1) މީހުންނާ ކުރިމަތިލާން ފަސްޖެހި ލަދުގަންނަ ލަދުގަތުން (2) ލަދުގަނެގެން ފާޅުވާ އަސަރު
ރަކިކުރުން
މ މީހުންނާ ކުރިމަތިލާންފަސްޖެހޭ ވަރަށް ލަދުގަނެ ދެރަވާނެގޮތް ހެދުން
ރަކިވުން
މ (1) މީހުންނާ ކުރިމަތިލާން ފަސްޖެހި ލަދުގަތުން (2) ލަދުގަތުމުގެ އަސަރު ފާޅުވުން
ރަކިސްބޮނޑު
ނ ކަނދުރާމަތިން ކަށިފަޅައިފައި ހުންނަ ބޮޑެތި ފިރިހެންބޮޑު
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްވަންހަ
ނ ރަސްމަތިފުށް
ރާއުނދުނުފަތަފޮޅި
ނ މަސްފަތަފޮޅި ފިހަން ފުށްގަނޑު މޮޑޭގޮތަށް މޮޑެފައި ފަތުގައި ޖަހައި ފަތާކޮށްލައިފައި މަތިން ފަތްގަޑެއްޖަހައި ހޫނުކޮށް ހުންނަ ރާއުނދުނުގެ އަޅިގަނޑުދަމައިގެންފައި އުނދުނުގެތެރޭގައި ބާއްވާއި މައްޗަށް ހޫނުއަޅިއަޅައިގެން ފިހާފަތަފޮޅި
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރުއްކޮޅު
ނ (1) އެތައްރުކެއް (2) ރުކުގެ ކުރިގަނޑު (3) މަތިވަރު
ރޭލުފަށް
ނ ބައްތެލި ދޯނިފަހަރާއި ބައްތެލި ފަހަރުގެ މަތިކަނާ ހަމައިގާ އަޅައިފާ ހުންނަ ފަށް މިފަށް އަޅަނީ އެލްމެނިއަމް ނުވަތަ ލޮއިންނެވެ ފަތޭރިމަޑޫ ކޮށުމުގައި މިފަށް ހުންނަގޮތަށް ތައްޔާރުކޮށްފައި ހުރެއެވެ
ރޯދިބަރަކާތްލެއްވުން
މ (1) އަތްމަތި ތަނަވަސްވުން (2) ރިޒުޤު ލިބުން
ބަނދަރުމަތި
ނ (1) ފިހާރަތައް ހުންނަ ހިސާބުގަނޑު (2) ބަނދަރާދިމާ އަތިރިމަތި (3) ރަށްފުށުގެމީހުން މަހަށްދާން އައިސް ތިބޭއިރު ބަނޑަހަ ޖަހައިގެން ތިބޭ ތަން
ބަނގަލާތެރެ
ނ ގަނޑުވަރު ތެރޭގައި ހުރި މަތިގޭ ތިރީބުރީގެ އިރުމަތީ ދޮރުން ވަދެ އިށީނދެ ތިބޭތަން