radheef.info
ރަދީފު


ވިހަ
ނ އޭގެތާސީރުގެ ސަބަބުން ހަށިގަނޑަށް ނުވަތަ ގުނަވަނަކަށް ގެއްލުންދޭ ނުވަތަ މަރާލާ އެއްޗެއް
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްތަނުގައި ބެހެއްޓި މުޅޯއްޓަކަށްވުން
)މިސާލުބަހެއް( ޒުވާން އުމުރުގައި ކަންނެތްވެ ރީތި ކަމާމެދު ފަރުވާކުޑަކޮށް އުޅޭ ނުވަތަ ޅައުމުރުގައި ކުދިން ގިނައިން ވިހައި ހަށިގަނޑު ދެރަވާ އަންހެނުންނާމެދު ބުނެއުޅޭ ބަހެއް
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގައެޅުން
މ (1) ފާހަގަޖެހުން (2) އަންހެނުން ވިހަން ކައިރިވުމުގެ ޢަލާމާތެއްގެ ގޮތުން ފެން ނުވަތަ ލޭފާޅުވުން
ފެންފާޅުކުރެއްވުން
މ މާބަނޑުމީހާގެ ބަނޑުން ފެންބޭރުވުން މިއީ ވިހަންވެއްޖެކަމުގެ ޢަލާމަތެކެވެ މިފެނަކީ ކުއްޖާ އޮންނަ ދުލީގައި ހުންނަ ފެނެވެ ވަރަށް މަދު ފަހަރަކުނޫނީ މިދުލި ފަޅައިގެންދާނެއެވެ
ދޮޅިވިހަ
ނ (1) ކަރުތާފަތު ވިހަ (2) ކަރުދޮށް ދުޅަވާބަލި
ދޮޅިވެހަ
ނ )ސ ( ދޮޅިވިހަ
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފީފިލުން
މ ކުކުޅާއި އަސްދޫނި ފަދަ އެއްޗެހި ބިސްއަޅައިގެން ނުވަތަ ވިހައިގެން އުޅޭއިރު މައި އެއްޗަށް ވެފައި ހުންނަގޮތް ރަނގަޅުވުން
ފުށްކޮލި
ނ ކޮލީގެ ވިހަގަދަ ބާވަތެއް. މިއީ ނަގޫފަތުގެ މަތީކައިރިފަށާއި ތިރީކައިރި ފަށްކަޅު ހަންގަނޑުގައި ރާޅުކަމެއް ހުންނަ އަނގައިގައި ވަރަށް ގަދަ ދަތްތަކެއް ހުންނަ ދުނިޔޭގެ ހޫނު ހިސާބުތަކުގެ ތިލަފަޅުފަޅުގައި ދިރިއުޅޭ މަހެކެވެ
ފުޅެވިހަނދު
ނ )ސ ( ހުޅެވިހަނދު
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކެރެލި
ނ )ސ ( ވިހައިގެން 3 މަސް ހަމަވީމާ ކުއްޖާގެ ކަރުގައި އަޅާ ފައްޓަރެއް
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންއެޅުން
މ (1) ކުދިން ޚިތާނުކޮށްގެން ފަސޭހަވީމާ ފެންވެރުވުން (2) އަންހެނުން ވިހައިގެން ސާޅީހަށް ފެންވެރުވުން (3) ތަނަކަށް ނުވަތަ އެއްޗަކަށް ފެން އޮއްސުން
ފެންދުޅަހެޔޮވުން
މ (1) ވިހަންވެގެން ފެން ފަހިވުން (2) ފެންފަސޭހަވުން
ފެންތެލިފުފޭ
ނ އިހުގައި ވިހައިގެން އުޅޭމީހުން ބޭނުންކުރަން ފެންއަޅައިފައި އެތެރެގޭގައި ބަހައްޓައިފައި ހުންނަ ފުފޭ
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަތުވިހަ
ނ ދަތްއެޅުމުގެ ސަބަބުންވާ ވިހަ
ދުޅަހެޔޮވުން
މ (1) ވިހައިގަދަވުން (2) ގަދަވެހުރުން