radheef.info
ރަދީފު


ވައި
ނ (1) ދުނިޔޭގެ މައިގަނޑު ހަތަރުބައިގެ ތެރެއިން އެއްބައި އެއީ ގިނި ވެލި ވައި ފެން މިއެވެ. އޭގެ ވަސީލަތުން އިންސާނުންނާއި ދިރޭ ހުރިހައި ތަކެތި ނޭވާލާން ބޭނުންކުރާ މާއްދާ އުޑާއި ބިމާއި ދެމެދުގައި ހިނގާ ރޯޅިފަށް. (2) ހަށިގަނޑުގެ ތެރޭގައި ހިގާ މާއްދާއެއް މީގެ ސަބަބުން އެކި ކަހަލަ އުނދަގޫވެއެވެ
ވައިރޯޅިވެއްޓުން
މ ވައި ހިނދިފައި އޮވެފައި މަތިން ވައިހިޔަނި ފަށެއް ލިބުން
ވައިރްލެސް
ނ (1) ރޭޑިއޯ ރާޅުގެ ޒަރީޢާއިން ދުރަށް ފޮނުވާ ފޮނުވުން (2) ނަރުނެތް (3) ނަރުނެތި ފޮނުވާ މެސެޖް
ވައިބަލާ ފަތްގަނޑު
ނ ވައިހިނގާގޮތް ބެލުމަށް ނިވާކަނޑުގައި މައްޗަށް އުފުލައިގެން ބޭނުންކުރާ ބުރަފައްޗެއް ނުވަތަ ވަށާ އެނބުރޭނެހެން ހަދައިފައި ހުންނަ ދަފަތެއް
ވައިބަޑި
ނ (1) އެއްޗަކަށް ވައިވަދެގެން އުފެދޭ ގޮނި (2) ވައިން ފުފޭ ފުފުން
ވައިބީޑި
ނ )ޏ ( ރުކުގައި ހުރެ ހިކިގެން ވެއްޓޭ ފަންބުޑު
ވައިބުރަފަތި
ނ ވައިން އެނބުރޭގޮތަށް ހަދައިފައި ހުންނަ ބުރަފަތި
ވައިބުރު
ނ )ޏ ސ ( ހުންގާނުގެ ފުއްބުރު )ހުންގާނު ގުދު( މިގުދަށް ހުންގާނު ބުރޭވެސް ކިޔައެވެ
ވައިބުރުއްސުން
މ މޫސުމަށް އަންނަ ބަދަލަކުން ދެމިގެންވާ ގަދަ ރޯޅިފަށް އައުން މިސާލު: ހަޅަމޫސުމުގައި އަންނަ ގަދަވައި
ވައިބުޑު
ނ (1) ވައިމަތީގައި ޖަހާ ވިލާބުޑު (2) އުދަރެހުގައި ވައިމަތި ފަރާތުގެ ވައިވަޅުގައި ބޯކޮށް މަތިމައްޗަށް ޖަހާ ވިލާތައް
ވައިބޭރުކުރުން
މ (1) ފުރަގަސްފަރާތު ދޮރުން ވައި ނެރުން (2) އިންޖީނު އެއްޗެހީގެ ހޮޅިހޮޅީން ވައިނެރުން (3) ވައިދަމާ ފަންކާއިން ވައިބޭރަށް ނެރުން
ވައިބޭރުވުން
މ ފުރަގަސް ފަރާތު ދޮރުން ވައިނުކުތުން
ވައިބޮނބިފަޅި
ނ (1) ވައި ހިފައިގެން ބޮނބިފަޅ ދުޅަވާ ބައްޔެއް (2) އެއްވެސް ޢަލާމަތެއް ނުފެނި ބޮނބިފަޅީގައި ރިއްސާ ބައްޔެއް
ވައިކަނި
ނ ވައިޖެހޭދިމާ
ވައިކަންޏަށް ދަތުރުކުރުން
މ ވައިޖެހޭ ދިމާއަށް ދަތުރުކުރުން
ވައިކަރަދޫ ބޮޑުރޯނު
ނ އިހުޒަމާނުގައި ދިވެހި ގުރާބުތަކުގެ ބޭރުގައި ހަރުކުރަން ތައްޔާރުކުރާ ރޯނެއް. މިހަރުކޮށްފައި ހުންނަނީ ބޮނޑިބޮނޑިހުރިގޮތަށެވެ. މިހަރުކުރުމުގެ ބޭނުމަކީ ބަޑީގެ އުންޑައިން އުޅަނދު ސަލާމަތް ކުރުމެވެ
ވައިކިހުނު
ނ ކިހުނުގެ ބާވަތެއް މިބަލީގައިވާގޮތަކީ ލޭއައުމެއް ދޮސްއައުމެއް ނެތި ދަށްބަނޑު ފުއްޕައިފައި ރިހުމާއެކު އާދަޔާ ޚިލާފަށް ކުޑަކަމު ދާންވަނީއެވެ
ވައިކުރުން
މ ވައި ފަހިކުރުން
ވައިކުޅަނދުރު
ނ ހަތާ ގެއްލިފައިވާ ކުޅަނދުރު
ވައިކުޑަ
ނ ވައިގެއެހީގައި މަތިން ތިރިއަށް ރައްކާތެރިކަމާއެކު މީހުން ބޭލުމަށް ލުއިފޮތި ފަދަ އެއްޗަކުން ހަދައިފައިވާ ފަތްޖަހާ ކުޑައެއް މިކުޑަ ގިނައިން ބޭނުންކުރަނީ މަތިންދާބޯޓުން އެއްގަމުގެ އެކި ތަންތަނަށް މީހުން ބޭލުމަށެވެ
ވައިކެހެރި
ނ )ބ ( ދެރަކޮށްލުމުގެ ގޮތުން ބުނެއުޅޭބަހެއް