radheef.info
ރަދީފު


ވަކަ
ނ (1) ބައެއްގަސްގަހުގެ ބޭރުތޮށީގެ އެތެރެފަރާތުގައި ހުންނަ ފަށްފަށަށް ނެގޭ ތޮއްޓެއް (2) ނއ މުރަނަކަން ކެނޑި ތަތްވުމާއެކު މަޑުވާ މަޑުވުން (3) މަޖާޒު: ކަންތައް ކުރުމުގައި ވާންވީ ވަރަށް ވުރެ ލަސްލަހުން ކުރެވޭ ތަތްގޮތް
ގާފާ
ލަކުޑިއާއި ވަކަރާއި ދަނޑިފަދަ ތަކެތި މޫދުއެޅުމަށް މޫދުތެރޭގެ އެއްތަނަކަށް އެއްކޮށްފައި ހުންނަ ގާތައް
ގާފޮޅުމަތީވަކަރު
ނ (1) ގާފޮޅު ބަނދެނިމިގެން މެއްލަ ޖެހުމަށްޓަކައި ބާއްވާ ފަތިވަކަރު (2) ހިކަނދިވަކަރު (3) ބިންވަކަރު
ގީކޮއްޓެއި
ނ )ގ ( ކުނާވިޔަން ވަކަތައްޔާރުކޮށްފައި ބާކީވެގެން އުކާލާ ބޮނޑިވަރު
ގުއިދާލި
ނ ހައިވަކަރުހެން ހުންނަ ލަކުޑީގެ ބާވަތެއް މިއީ ގައިގައި ވެށުމަށްހަދާ ބޭހަށާއި ދުންއެޅުމަށް ބޭނުންކުރާ އެއްޗެކެވެ
ގޯސާ
ނ )ހ ސ ( ކަތިކޮށް ހުންނަ ފުރާޅުމަތީ ހިނގާއިރު ކައްސައިލައިގެން ދިޔަ ނުދިނުމަށްޓަކައި ފުރާޅުމަތީގައި ފުރާޅުގެ ދިގަށް އަޅާ ވަކަރު
ސިމެންތި
ނ (1) ރޭނުމަށާއި ކޮންކްރީޓް ކުރުމަށް ބޭނުންކުރާ އުވަކަހަލަ އެއްޗެއް މި އެންމެ ޢާންމުގޮތެއްގައި ހުންނަނީ އަޅިކުލައިގައެވެ މި ތެމުމުން ގަނޑުވެއެވެ (2) ވެއްޔާއި ސިމެންތިއާ އެއްކޮށް ފެންއަޅައި ގަށައިފައި ހުންނައެތި
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި