radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ވޮއްޑުނި
ނ ދުނިދުއްވާން ވަރައަޅާފައި އޮންނަ އެއްޗެއް ދުނި ދަނޑި
ހޯރަ
ނ ފިޔައިގައި ބާރުގަދަ ބޮޑު ދޫންޏެއް މިއީ މާބޮޑަށް ފިޔަ ނުތަޅުވައި ވަރަށް މަތީން އުދުހޭ ދޫންޏެކެވެ މިދޫނި ނިދަނީ ގަސްގަހުގައެވެ
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ
ނަންނުގަތިދުލި
ނ ނަންނުގަތި ބާލާދުލި މިއީ ނަންނުގަތީގެ ބޭރުހަމުގެ މަތީގެ ދުލިފަށެވެ މިދުލި ހުންނަނީ ވަރަށް މަޑުމަޑުކޮށް ހުދުކުލައިގައެވެ
ނަންބަރު ވިނަ
ނ ބިމުގައި ނަންއަޅަން ބޭނުންކުރާ ވިނައެއް. މިއީ ވަރަށް ފަސޭހައިން ރޯވާ ވިނައެކެވެ. މީގެ ރަތްކުލައާއި ފެހިކުލަހުރެއެވެ. މިއަށް ނަންއަޅާވިނަ ރަތްވިނަ ޖަރުމަނުވިނަ މިނަންނަމުންވެސް ކިޔައެވެ
ނަރަށްކިޔުން
މ (1) ވަލެއް ނުވަތަ ފަށެއް ކިރިޔާ ކަނޑައިގެން ނުދާވަރަށް ވާންވުން (2) މަޖާޒު: ކޭކޭނުން ބަނޑަށް ވާންވުން
ނަރާފަތެކޮނޑުން
މ )ގ.( ޅަރުކުގެ ކުރުއްޕަތް ރޫޅި ފަންވަތުގެ ފަންފޮޅޭ ވަރަށް ރުއް ބޮޑުވުން
ނަރުވާ ހަނދި
ނ ހަނދީގެ ބާވަތެއް ނަރުވާ ހަނދި ބޮޑުވެގެން ދުވަސްވީމާ އެނަރުތައް ނެތިދެއެވެ މިހަނދީގެ ކުލައަކީ ރިހިކުލައެވެ ބުރަކަށިމަތި ހުންނަނީ ގަދަ ނޫކުލައިގައެވެ މިއީ ވަރަށް މަސްމީރު މަހެކެވެ
ނަރުދޭވާނި
ނ )ޅ ( ލަކުޑީގައި އަޅާ ފަންޏެއް މިއީ ފައި ގިނަ ކަޅުރަތްކުލައިގެ ފަންޏެކެވެ މިފަނީގައި ކޮއްޓާލުމުން ބަޅުވެ ދެކޮޅުޖެހޭ ވަރަށް އޮޅިގަނެއެވެ އަދި އޮޅިފައިވާ ވަގުތު ވަރަށް ހަރުކަށި ވާނެއެވެ
ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ނަމުރު
ނ ބުޅަލާވައްތަރު ސިންގާއަށްވުރެ ކުޑަ މިނިކާ ޖަނަވާރެއް އޭގެ ކެހެރިގަނޑުގައި ހުދުކުލައާއި ކަޅުކުލައިގެ ލައްތަކެއް ހުރެއެވެ މިއީ ވަރަށް ބާރަށް ދުވާ ޖަނަވާރެކެވެ މި ޖަނަވާރު ޢާންމުކޮށް އުޅެނީ އެފްރިކާއާއި އޭޝިއާގައެވެ
ނަލަމަރިޔަން
ނ )ޅ ( ފާނައިގެ ބާވަތެއް މިއީ މަހުގެ ހުރިހާ ބައެއްކަޅު އަނގަ ވަރަށް ރަތްކޮށް ހުންނަ މަހެކެވެ
ނަގޫކެނޑި
ނ (1) މަޑިޔާދާ މީހުން މަޑީގެ ނަގޫ ބުރިކޮށްލަން ގެންގުޅޭ ދިގުވަޅިއެއް މިއީ ވަރަށް ބަރު ވަޅިއެކެވެ (2) ނަގޫ ބުރިކޮށްފައި އޮތް ބުޅާ ކުއްތާފަދަ ތަކެތި (3) ނަގޫބަޅު
ނާށިމަރަވަޅި
ނ ކުދިން ކުޅިވަރަށް ހިނގާން ވާގަނޑެއްގެ ދެކޮޅުގައި ލައިގެން ގެންގުޅޭ ދެނާށި
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނިކަން
އތ (1) ވަރަށް. މިސާލު: ނިކަން ރަނގަޅަށް ނިކަންނުބައި (2) އާދޭހުގެ ގޮތުންނާއި ރުޅިވެރިކަމުގެ ގޮތުންނާއި ބަސްގަދަކޮށްލުމުގެ ގޮތުން ބުނެއުޅޭ ބަހެއް މިސާލު: ނިކަން އައިސްބަލަ
ނިއުމޯނިއާ
ނ ފުއްޕާމޭ ދުޅަވާ ބައްޔެއް މިބަލީގައި ފުއްޕާމޭގެ އެތެރޭގައި ޖަރާސީމުގެ ސަބަބުން ދޮސްހެދި ހަށިގަނޑަށް ބޭނުންވާ ވަރަށް އޮކްސިޖަން ނުލިބެއެވެ މޭގައި ރިހުމާ ކެއްސުންވެސް އެއީ މިބަލީގެ ޢަލާމާތެކެވެ
ނިއޯން
ނ ކުލައެއް ވަހެއް ނުހުންނަ ގޭހެއް މިއީ ވައިގެ ތެރޭގައި ވަރަށް ކުޑަމިންވަރަކުން ހިމެނޭ މާއްދާއެކެވެ ބައެއް ކަހަލަ އިލެކްޓްރިކް ދިއްލުންތަކުގައި ހޮޅިބުރިއަށް އަޅާ ގޭހުގައި މިބައި ހިމެނެއެވެ
ނިފާޅަ
ނ )ޅ ( ފަތްޕިލާވެއްޔެއް މިއީ ބިލެތް އަރާހެން ރުއްރުކަށާ ގަސްގަހަށް އަރާ ވެލެކެވެ މިވެލުގެ ފަތްތައް ހުންނާނީ ބިލެތާ އެއްފާޑަކަށް އެއަށްވުރެ ބޮޑެތިކޮށެވެ މިއީ ވަރަށް ގިނައިން ދިވެހި ބޭހަށް ބޭނުންކުރާ ފަތެކެވެ