radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ބުޅި
ނ ކޮޅު ގުދުކޮށް އޮންނަ އޭގައި އެއްޗިހި އަޅުވަން ބޭނުންކުރާ އެއްޗެއް މިސާލު: މަސްބާނާބުޅި ފުރާޅުގެޓިނު ހިފަހައްޓާން އަޅުވާބުޅި
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުއިން
މ (1) ބޯންގެންގުޅޭ ދިޔާ އެއްޗިހި. (2) ދިޔާތަކެތި ދިރުވުން. (3) ލޮވުން. (4) ފަންޏާއި މާބުރުފަދަ ތަކެތި ލަކުޑިއާއި ހިކިތަކެތި އެތެރޭގައި ހޮއިހެދޭ ގޮތަށް ކެއުން. (5) އޮށްވަޅު ކުޅުމުގައި ހިނދޭވަޅާ ދިމާވާގޮތަށް އަނެއްފަރާތު ވަޅުގައި ހުންނަ ފުއްތައް ނެގުން. (6) ދިޔާ އެއްޗެއް ހިކި އެއްޗެއްގެ ތެރެއަށް ދެމުން. (7) ބިޑި ސުއްޓާ ސިގިރެޓް ގުޑުގުޑާ ފަދަ ތަކެތިން ދުން އަނގަޔަށް ދެމުން (8) އެއްޗެއްގައި ނުވަތަ ތަނެއްގައި އަނގަ ޖަހައިގެން އެތެރެއަށް ދެމުން (9) އެއްޗެއްގާ ހުރި ހިމަލޯވަޅަކުން އޭގެ ތެރެއަށް ފެންވަނުން )01( ލަކުޑިގަނޑެއް ހުޅުރޯނުވެ ވަކިގޮތަކަށް އަނދަމުން ދިއުން
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބެދޭމަޅިއެއް ނުފެންނާއެވެ
(މުސްކުޅިބަހެއް) ކަލެއްގައި ދެރަގޮތެއް ވާން އޮންނަ ފަހަރު ރައްކާތެރިވާކަށްވެސް ނޭގޭނެއޭ ބުނަށް ބުނެއުޅޭ ބަހެއް
ބޭރުމެށުން
މ އޮޑިވަޑާމުގެ ބަހުރުވައިގައި އުޅަނދެއް ބަނދެ ނިމިގެން އޭގެ ބޭރުމަށާއި ބައްޓަން ރީތިކުރުން
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޭސްފޮތް
ނ ބަލިބައްޔާއި އޭގެ ބޭސް ބަޔާންކޮށްފައިވާ ފޮތް
ބޮނބިއަރި
ނ ކާއްޓާއި ކުރުނބާ ފަދަތަކެތި ހެހޭއިރު އޭގެ ބޮނބިގަނޑުން ފަހަރަކު ނައްޓާބައި
ބޮނގޮބޮނގޮ
ނ ބަނޑިޔާފަދަ ތަކެތި އަރިކުރެވޭ ގޮތަކުން އޭގައި ހުންނަފެން ހިފެހެއްޓެމުން ފައިބާއިރު އިވޭއަޑު
ބޮނގޮބޮނގޮ އެޅުން
މ ބަނޑިޔާފަދަ ތަކެތި އަރިކުރެވޭ ގޮތަކުން އޭގައި ހުންނަ ފެން ހިފެހެއްޓުމުން ފައިބާއިރު އިވޭ އަޑުއިވުން
ބޮކިލުން
މ (1) އެއްޗެއް ރާމާވެގެން ނުވަތަ ކުނިވެގެން އޭގެ މައްޗަށް ބޮކިއެރުން (2) އެލެކްޓްރިކް ބޮކިޖެހުން ނުވަތަ ހަރުކުރުން (3) ބޮކިފަތިދެމުން
ބޮކިޖެހުން
މ (1) އެއްޗެއް ކެކެމުން އަންނައިރު އަޑިން އަރާބޮކި މައްޗަށް ފާޅުވުން (2) އެއްޗެއް ވިރުވާ އަޅާއިރު އޭގައި ކުދިކުދި ބިހިހެން ތަންތަން ހުރުން (3) ބޮކި ހަރުކުރުން
ބޮލި ދިއްލުން
މ ފަޅުމަތީގައި ތިބޭ ބޮލި އޭގެ ބުރަކަށި ފެންނަވަރަށް މަސްގަނޑު ހާމަކޮށްގެން ތިބީމާ ކިޔާގޮތެއް
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
ބޮޑުތެލީބައިން
ނ ބޮޑެތި ތެލި އުފުލާން އޭގައި ޚާއްޞަގޮތަކަށް ޖަހާބައިން
ބޮޑުޒާތުކުޅިގަނޑު
ނ އޮށްވަޅު ގޮނޑީގައި ކުޅޭ ކުޅިގަނޑެއް މިކުޅިގަނޑު ކުޅުމަށްގޮސް ހިނދޭނީ ކުޅޭ ފަރާތުގެ 6 ވަނަ ވަޅަށެވެ ހިނދުމުން އެވަޅާ ދިމާވަޅު ބޮވުނީއެވެ އެވަޅާ ދިމާވަނީ އަނެއް ފަރާތުގެ ތިންވަނަ ވަޅާއެވެ އޭރު އެންމެ ބޮލި ގިނަވާނީ އެވަޅުގައެވެ މިކުޅިގަނޑުގައި ހިލަންޖެހޭނީ ފަންސަވީސް ވަޅެވެ
ބޯރާފަތޭރި
މ އޮޑިދޯނިފަހަރު ފަތަވެރިކޮށްގެން ވާ ފަތޭރިޖަހާއިރު އޭގައި ކޮޅުގުޅައިގެން ފަނުން ވިޔެގެން ފެންފިލާވަތާ ހަމައަށްޖަހާ ރެހެއް
ބޯކު
ނ (1) ދަގަނޑުފަދަ އެއްޗަކުން ނުވަތަ ލަކުޑިޔާ ދަނޑިފަދަ ތަކެތިން ނުވަތަ ރޭނުމުގައި ހަނދުފަޅިބުރަށް ދޮޅި ދާންހެން މަތިވައްކޮށް ހަދާ އެއްޗެއް. މިއީ ހައްދާ ވެޔޮގަނޑުފަދަ ތަކެތި އޭގެ މައްޗަށް އެރުވުމަށް ހަދައިފައި ހުންނަ އެއްޗެކެވެ (2) )ގ ( ބޮއް
ބޯދޮށް
ނ (1) މަތާޖަހާއިރު މަތާގެ ދަށަށް ލާއެތިގަނޑު (2) އެއްޗެއްގެ އެއްކޮޅު ބިމުން އުފުލައިފައި ބާއްވާން އޭގެ ދަށަށް ލައްވައިފައި އޮންނަ ލަކުޑިގަނޑު (3) ފަޅާދަރު ގަނޑުގެ ދަށަށް ލައްވައިފައި އޮންނަ އެތިގަނޑު (4) ފުރޮއިން އެއްޗެހި ބުރިކުރާއިރު ދަށަށްލާ އެތިގަނޑު