radheef.info
ރަދީފު


އެކު
ނއ (1) ހުރިހައި (2) މިލިފައިވާ (3) އެކީގައި
ބާރަށް
ކއ (1) ބާރުލުމާއެކު (2) ގަދަކަމާއެކު (3) ނ ތިލަދުންމަތީގެ މަޝްހޫރު ރަށެއް
ބާއްވާ! ބާވަ
އ ޝައްކާ އެކުގައި ކުރެވޭ ސުވާލުގެ އަކުރެއް މިސާލު: )ހ( އޭނާ ހިނގައްޖެބާވަ؟ )ށ( އެވަޒީފާ ލިބޭނެބާވަ (2) އމ )ޏ ސ
ބާސާ
ނ (1) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ދަންނަވާ ޘަނާ (2) ބައިސާ (3) ތާސްބައިގައި ރަސްގެފާނުގެ ތަސްވީރު ހުންނަގަނޑު
ބާސާބުނުން
މ (1) "ބާސާ" ކިޔުން (2) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ޘަނާ ދެންނެވުން
ބިސީ
ނ (1) ދަތުރުމަތީގައި އެކުގައި ކާން އުޅޭ ބައިގަނޑު (2) އެކުގައި ކައިބޮއި އުޅޭ ބައިގަނޑު
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބުހިލުން
މ )ސ ( ކުޑަކުދިން އެކުދިންގެ އަމުރަށްވުރެ ދޮށި މީހުން ދައްކާ ވާހަކަ ދައްކައި އުޅުން
ބުރަނދު
ނ މޫދުގައިއުޅޭ ކުޑަމަހެއް މަހުގެ ކޯތާފަތްމަތީގައި ތިން ބަރިއަށް ހުޅުނބުހުރެފައި ކޯތާފަތްގަނޑާއި ދިމާއިން ބަނޑުދޮށް ފަރާތުގައި ހުންނަ ކޮތަރީގެ ދިގުމިން މަހުގެ ކަންފަތް ގަނޑާއި އެއްވަރުވާނެއެވެ މަހުގެ ހުރަހަށް ރީނދޫ ކުލައިގެ ރޮނގުތަކެއް ހުރުމާއެކު ކަންފަތްގަނޑު ފަޅައިފައިވާ ހިސާބުގައިވެސް ކަޅުލަފެއްހުރެއެވެ
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުގިސް
ނއނ (1) ޢިބާރާތް ނުވަތަ ބަސްމަގު އެތުރި އެކުލެވިފައިވާ ބަދަހިކަން. (2) ފޭރާން ވިޔެފައި ހުންނަ މޮޅުކަމާއި ގޮޅިޖަހައިފައި ހުންނަ ބާވަތެއްގެ ގޮތް
ބުގިސްކަން
ނއނ (1) ޢިބާރާތް ނުވަތަ ބަސްމަގު އެތުރި އެކުލެވިފައިވާ ގޮތުގެ ބަދަހިކަން. (2) ފޭރާން ވިޔެފައި ހުންނަ ބަދަހިކަމާއި ގޮޅިޖަހައިފައި ހުންނަ ބާވަތެއްގެ މޮޅުކަން
ބުގިސްވުން
މ (1) ޢިބާރާތް ނުވަތަ ބަސްމަގު އެތުރި އެކުލެވިފައިވާ ގޮތް ބަދަހިވުން. (2) ފޭރާން ވިޔެފައި ހުންނަ ގޮތުންނާއި ގޮޅިޖަހައިފައި ހުންނަގޮތް ބަދަހިވުން
ބޫންއަޑު
ނ ދިގުރާގެއްގައި ކެނޑިނޭޅި އޮމާންކަމާއެކު އިވޭ ބުންއަޑު
ބެރުދުންމާރިތާޅަފިލި
ނ އިހުގައި ރަސްކަލުން ތަންތަނަށް ވަޑައިގެންނެވުމުގެ ރަސްމީ ޢިއްޒަތުގައި ބެރުގައި ޖަހާހަރުބިޔާ އެޔާއެކު ފުމޭ ދުންމާރިއާއި ތާޅަފިލި
ބެރެބެދިދަންބޮޑު
ނ ދަންބޮޑުގެބާވަތެއް މިއީ ބެރެބެދިކުލައާއި އެއްފަދަ ރަތްކުލައެއް ހުންނަ ކުޑަވަރެއްގެ މަހެކެވެ ހުޅުނބުތަކުގެ ކައިރިފަށައި ކަރުތާފަތުގެ މަތީ ކައިރިފަށް ގަދަމުށިކުލައެއްގައި ހުރުމާއެކު ނިގޫފަތް ހުންނަނީ ހުދުކުލައިގައެވެ
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބެލެހެއްޓުން
މ (1) މީހަކު ނުވަތަ އެއްޗެއް ރައްކާތެރި ކަމާއެކު ގެންގުޅުން (2) ފަރުވާތެރިކަމާއެކު ކަމެއް ހިންގުން (3) އެއްޗެއް ގެއްލުނަނުދީ އެއަށްވާނުވާގޮތް ބެލުން
ބޭންޑު
ނ (1) މިޔުޒިކްކުޅޭ ސާމާނާ އެކުގައިވާ މިޔުޒިކް ގުރޫޕް (2) ބޮލުގައި އަޅަން ހަދައިފައި ހުންނަ ބަންދު (3) ބޮލުގައި ނުވަތަ ހެދުމުގެ ތަނެއްގައި އަޅާފޮތިފަށް