radheef.info
ރަދީފު


އަންހެނުން
ނ (1) އިންސާނުންގެ ދަރިމައިވާ ބާވަތުގެ ގިނަމީހުންނަށް ކިޔާނަން (2) އަނބިމީހާ
އައިސަ
ނ އަންހެނުންނަށް ކިޔާނަމެއް
އައިސާފާނު
ނ (1) އަންހެނުންނަށް ކިޔާ ނަމެއް (2) މަޖާޒު: ކަނޑުމަތި އެޅީމާ ފެންނަ ކަންތަކަށް ދަތުރުމަތީގައި ކިޔާގޮތް
އަދާރަސަމް
ނ ބަންގާޅުން ގެންނަ އަންހެނުންލާ ޚާއްޞަ ފޭރާމެއް މިވިޔެފައި ހުންނަނީ އުޔާފަށުޔާ ދެބައިންނެވެ
އަލްޕަކާ
ނ ކަޅު މޮޅު ފޮއްޗެއް. އިހުގައި މިފޮތި ޚާއްޞަވެފައިވަނީ ގަނޑުވަރުތެރޭގެ މަތީ ދަރަޖައިގެ ފިރިހެން ބޭފުޅުންގެ ލިބާސްކޮޅު ކެނޑުމަށެވެ މިހާރު މިގިނައިން ގެންގުޅެނީ އަންހެނުން އުނުއަނުމަށެވެ
އާރުކާޓީފޭބުން
މ (1) މަޖާޒު: މުސްކުޅިވެ ބާރުދެރަވުން (2) މީހާގެ އައްޒާތީކަން ދިއުން (3) އަންހެނުންގެ ޒުވާންފުރާ ދިއުން މިބަސް ގިނައިން ބުނެއުޅެނީ އަންހެނުންނާއި މެދުގައެވެ
އާދޮނި
ނ )ބދ ( ރީތިއަންހެނުން
އާތް
އ (1) ޚާއްޞަކޮށް އަންހެނުން ބައެއްގޮތެއްގައި ސިހުނީމާ ބުނާ ބަހެއް (2) ނ އަންހެނުން ލަދުގަންނަކަމަށް ހެދިގެން އުޅޭ ސިފަ
އިއްދަ
ނ ފިރިމަރުވެގެން ނުވަތަ ވަރިވެގެން ދުވަސް ހަމަކުރާން އަންހެނުން ތިބެންޖެހޭ ދުވަސްވަރު
އިމާމާ
ނ (1) ވަކިބައެއްގެ ޚާއްޞަ އިމާމު (2) އަންހެނުންގެ ޖަމާއަތުގައިވެސް ހުންނަމީހާ
އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އީވުން
މ (1) ލަދުގަންނަ ކަމަށް ހެދިގެން އުޅުން (2) ލަދުނުގަންނަންވާން ކަންތަކަށް ލަދުގަންނަ ކަމަށް ހަދައިގެން އުޅުން މިބަސް ބުނެއުޅެނީ އަންހެނުންނާއި ކުޑަކުދިންނާ މެދުގައެވެ (3) އާތްވުން
އުނހު
އ (1) ނޫނޭ. (2) އަނެކަކަށް އެއްޗެއް ދައްކާންވެގެން އިޝާރާތް ކުރުމަށް ބުނާ އަކުރެއް. (3) ކުޑަކުދިން އަންހެނުން ކުސްތަޅާގޮތެއް (4) ލޯބިކުރުމުގެ ތެރޭގައި ތަކުރާރުކުރާ އަކުރެއް މިމާ ނަތައް ދޭހަވާނީ ބުނާ މަޤާމުންނާއި ބުނެވޭ ރާގުންނެވެ
އުޅައުބައި
ނ މިރާއްޖޭގެ އަންހެނުން އަތުގައި އަޅާން ހަދައިފައި ހުންނަ ހައުޅަލުގެ ނުވަތަ އަށް އުޅަލުގެ ބައި
އުޑުވިލާދާރި
ނ އިހުޒަމާނުގައި އަންހެނުން ލިބާސްލާ އުޅުނު ފޮއްޗެއް
އުޑުވިލާސާޓަނު
ނ އިހުޒަމާނުގައި އަންހެނުންލިބާސްލާ އުޅުނު ފޮއްޗެއް
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ
ވަށްބަގިޔާ
ނ ދިވެހި އަންހެނުންގެ ބޯވަޅުއެޅި ލިބާހުގެ ބޯވަޅުގެ ތިރީ ކައިރީގެ ތިރީގައި ދެފަށަށްއަޅާ ރިހި ކަސަބުގެ ދެ ހިރު
ވަކިހިލޭވުން
މ އެކުގައި ދިރިއުޅެމުންއައި ބައެއްގެ ތެރޭން މީހަކު ވަކިން ދިރިއުޅެން ފެށުން މިބަސް ގިނައިން ބުނެއުޅެނީ އަންހެނުންނާ މެދުގައެވެ
ވައްތިރި
ނ )ޏ.( (1) އަންހެނުންގެ ހެދުމުގެ ފަތިނުޖަހާ ވަށްކޮށް ހުންނާނެހެން ކަނޑައިފައި ހުންނަ ތިރި (2) )ޏ( ވައްތިޔަރަ
ވަލުފަރާތް
ނ (1) ވާއޮންނަފަރާތް (2) އިހުގާ ގޭގޭގެ ބަދިގެ ހުންނަ ފަރާތް (3) އަންހެނުން އުޅޭފަރާތް